ଆଜିଠୁ ବିଜେପିର ବ୍ଲକ୍ ଘେରାଉ । ରାଜ୍ୟ ସରକାରଙ୍କ ଦୁର୍ନୀତି, ଭ୍ରଷ୍ଠାଚାର ଓ ପିିସି କାରବାର ବିରୋଧରେ ତିନି ଦିନ ବ୍ୟାପି ବିଜେପିର ଆନ୍ଦୋଳନ
କନକ ବ୍ୟୁରୋ: ଆଜିଠୁ ବିଜେପିର ବ୍ଲକ୍ ଘେରାଉ । ରାଜ୍ୟ ସରକାରଙ୍କ ଦୁର୍ନୀତି, ଭ୍ରଷ୍ଟାଚାର ଓ ପିସି କାରବାର ବିରୋଧରେ ବିଜେପି ଆନ୍ଦୋଳନ କରିବାକୁ ନିଷ୍ପତି ନେଇଛି । ଆଜିଠାରୁ ଦଳ ପକ୍ଷରୁ ସମସ୍ତ ବ୍ଲକ ଘେରାଉ କରାଯିବ । ୨୭, ୨୯ ଓ ୩୦ ତାରିଖରେ ପର୍ଯ୍ୟାୟକ୍ରମେ ଏହି ଘେରାଉ କରିବେ ଓ କର୍ମୀମାନେ ଧାରଣା ଦେବେ ।
Kanak News is now on WhatsApp
Join and get latest news updates delivered to you via WhatsApp
ଚିଟଫଣ୍ଡ, ଖଣି, ଡାଲି, ଚାରା,ବାଲିଘାଟ ଆଦି ଦୁର୍ନୀତି କୃଷି ଋଣ ଜାଲିଆତି, ଧାନ କିଣାରେ ଚଂଚକତା କରି ସହାୟକ ମୂଲ୍ୟ ନଦେବା, ଇନପୁଟ୍ ସବସିଡିର ବାଟମାରଣା ଚାଷୀଙ୍କୁ ବାଧୁଛି ବୋଲି ବିଜେପି ପକ୍ଷରୁ କୁହାଯାଇଛି । ସେହିପରି ରାସନ କାର୍ଡ ବଂଟନ ଠାରୁ ଆରମ୍ଭ କରି ଆମ ଗାଁ ଆମ ବିକାଶ କାର୍ଯ୍ୟକ୍ରମରେ ଦୁର୍ନୀତି ହେଉଥିବା ଅଭିଯୋଗ କରିଛି ବିଜେପି । ଆଉ ଏହାର ପ୍ରତିବାଦରେ ଆଜିଠାରୁ ସବୁ ବ୍ଲକରେ ବିଜେପି କର୍ମୀ ବିକ୍ଷୋଭ ପ୍ରଦର୍ଶନ କରିବେ ।
ସେପଟେ ବିଜେଡ଼ି ମଧ୍ୟ ଏହାର ଜବାବ ରଖିଛି । ବିଜେଡ଼ି ମୁଖପାତ୍ର ସସ୍ମିତ୍ ପାତ୍ର କହିଛନ୍ତି ଯେ, ନିର୍ବାଚନକୁ ଆଉ କେଇ ମାସ ବାକି ରହିଛି ତେଣୁ ବିଜେପି ନିଜ କର୍ମୀମାନଙ୍କୁ ଉତ୍ସାହିତ କରିବା ପାଇଁ ଏଭଳି କରୁଛି । ଯଦି ସତରେ ଓଡ଼ିଶା ପ୍ରତି ତାଙ୍କର ଦରଦ ଥାଆନ୍ତା ତେବେ ରାଜ୍ୟକୁ କେନ୍ଦ୍ର ଅବହେଳା କରୁଥିବା ପ୍ରସଙ୍ଗ ମଧ୍ୟ ଉଠାଇଥାନ୍ତେ । ବିଜେପିର କେବଳ ଏହା କୁମ୍ଭୀର କାନ୍ଦଣା ସଦୃଶ । ଏହାର କିଛି ପ୍ରଭାବ ନବୀନ ସରକାରଙ୍କ ଉପରେ ପଡ଼ିବ ନାହିଁ ବୋଲି ସସ୍ମିତ୍ କହିଛନ୍ତି ।