କନକ ବ୍ୟୁରୋ : ଗତ ଗୋଟିଏ ସପ୍ତାହେରୁ ଅଧିକ ଦିନ ହେବ ଶିମିଳିପାଳ ଜଳୁଛି । ଆଉ ଏବେ ଏହାକୁ ନେଇ ରାଜ୍ୟ ସରକାରଙ୍କ ଉପରେ ବର୍ଷିଛି ବିଜେପି । ସପ୍ତାହେରୁ ଅଧିକ ଦିନ ହେବ ଶିମିଳିପାଳ ଜଙ୍ଗଲ ହୁ ହୁ ହୋଇ ଜଳୁଥିବା ବେଳେ ନିଆଁ ଲିଭାଇବା ଦିଗରେ ସରକାର ଦୃଷ୍ଟି ଦେଉନାହାନ୍ତି ବୋଲି ବିଜେପି ପକ୍ଷରୁ କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଶିମିଳିପାଳର ୧୦ଟି କୋର ଏରିଆରେ ନିଆଁ ଲାଗିବା ସହ ବଫର ଏରିଆରେ ଥିବା ପିଠାବଟା ରେଞ୍ଜ ଖସାଡିହା ଜଙ୍ଗଲରେ ବି ନିଆଁ ବ୍ୟାପିଛି । ତେବେ ସରକାର କହୁଛନ୍ତି ଲିଭେଇ ଦେଇଛୁ କିନ୍ତୁ ବାସ୍ଥବରେ ସ୍ଥିତି ଅଲଗା ।କେନ୍ଦ୍ର ସରକାର ବହୁ ଅର୍ଥ ଦେଉଛନ୍ତି ଜୈବ ମଣ୍ଡଳର ସୁରକ୍ଷା ପାଇଁ ହେଲେ ରାଜ୍ୟ ସରକାର ତାର ଠିକ୍ ଭାବେ ବିନିଯୋଗ କରି ପାରୁ ନାହାନ୍ତି । ଏ ପ୍ରସଙ୍ଗକୁ ଆସନ୍ତା ୧୨ ତାରିଖରେ ବିଧାନସଭାରେ ଦଳ ଗୁରୁତ୍ୱପୁର୍ଣ ପ୍ରସଙ୍ଗ ଭାବେ ଉଠାଇବ ବୋଲି ସୂଚନା ଦେଇଛନ୍ତି ମୋହନ ମାଝୀ । କିଛି ଜଙ୍ଗଲ ମାଫିଆ ଓ ଅସାମାଜିକ ଲୋକେ ଏହି ନିଆଁ ଲଗାଉଛନ୍ତି ଯାହା ମନୁଷ୍ୟକଅତ । ତେଣୁ ଏମାନଙ୍କ ବିରୋଧରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ କହିଛନ୍ତି ମୋହନ ମାଝୀ ।
ସେହିଭଳି ଦେଓଗଡର ବିଜେପି ବିଧାୟକ ସୁବାଷ ପାଣିଗ୍ରାହୀ କହିଛନ୍ତି, ସରକାରଙ୍କ ଗୋଟିଏ ବିଭାଗ ନିଆଁ ଲଗାନ୍ତି ଓ ଆଉ ଗୋଟେ ବିଭାଗ ନିଆଁ ଲିଭାଏ । ନୂଆ କେନ୍ଦୁପତ୍ର ପାଇଁ ନିଜେ ସରକାର ନିଆଁ ଲଗାନ୍ତି ଏବଂ ନିଜେ ଲିଭାନ୍ତି ବୋଲି ଅଭିଯୋଗ କରିଛନ୍ତି ବିଧାୟକ ସୁବାଷ ପାଣିଗ୍ରାହୀ । କେନ୍ଦୁପତ୍ର ବିଭାଗ ନିଆଁ ଲଗାଏ ଏବଂ ଜଙ୍ଗଲ ବିଭାଗ ନିଆଁ ଲିଭାଏ ବୋଲି ଅଭିଯୋଗ କରିଛନ୍ତି। କିନ୍ତୁ ଏବେ ସରକାର ନିଆଁ ଲିଭାଇବାକୁ ଗୁରୁତ୍ଵ ଦେଉ ନଥିବାରୁ ଏମିତି ସ୍ଥିତି ହେଉଛି ବୋଲି କହିଛନ୍ତି ସୁବାଷ ।