ଆସାମରେ ଭାରତ ଯୋଡ ନ୍ୟାୟ ଯାତ୍ରା ଉପରେ ଆକ୍ରମଣ । ବିଜେପି କର୍ମୀ ଆକ୍ରମଣ କରିଥିବା ନେଇ କଂଗ୍ରେସର ଅଭିଯୋଗ
କନକ ବ୍ୟୁରୋ : କଂଗ୍ରେସ ନେତା ରାହୁଲ ଗାନ୍ଧୀଙ୍କ ନେତୃ୍ତ୍ୱରେ ଚାଲିଥିବା ଭାରତ ଯୋଡ ନ୍ୟାୟ ଯାତ୍ରା ଏବେ ଆସାମରେ ଚାଲିଛି । ଆସାମର ଜମୁଗୁଡି ଠାରେ ବିଜେପି ସମର୍ଥକମାନେ ଏହି ରାଲି ଉପରକୁ ଆକ୍ରମଣ କରିବା ସହ ଗାଡି ଭାଙ୍ଗି ଦେଇଥିବା କଂଗ୍ରେସ ଅଭିଯୋଗ କରିଛି । ରାହୁଲ ଗାନ୍ଧୀଙ୍କର ଏହି ଯାତ୍ରା ଜମୁଗୁଡି ଠାରେ ପହଂଚିବା ପୂର୍ବରୁ ବିଜେପି କର୍ମୀମାନେ ଏକ ରାଲି ବାହାର କରିଥିଲେ । ଉଭୟ ରାଲି ପାଖା ପାଖି ଯାଉଥିବା ବେଳେ ବିଜେପି କର୍ମୀମାନେ କଂଗ୍ରେସ ରାଲି ଉପରକୁ ଢେଲା ପଥର ମାଡ କରିଥିଲେ । ଏଥିରେ କଂଗ୍ରେସ ରାଲିରେ ଥିବା କିଛି ଗାଡି ଭାଙ୍ଗିଯିବା ସହ କିଛି କର୍ମୀ ଆହାତ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କଂଗ୍ରେସ ଅଭିଯୋଗ କରିଛି କି, ବିଜେପି କର୍ମୀମାନେ କଂଗ୍ରେସ ନେତା ଜୟରାମ ରମେଶଙ୍କ ଗାଡି ଉପରକୁ ଆକ୍ରମଣ କରିବା ସହ ଯାତ୍ରାରେ ସାମିଲ କ୍ୟାମେରା ମ୍ୟାନଙ୍କ ସହ ବିଜେପି କର୍ମୀମାନେ ମାଡପିଟ୍ କରିଛନ୍ତି । ସୂଚନା ଥାଉକି ଭାରତ ଯୋଡ ନ୍ୟାୟ ଯାତ୍ରା ୪ ଦିନ ହେବ ଆସାମରେ ଚାଲିଛି ।