କନକ ବ୍ୟୁରୋ : ବିଜୁଳି ଦର ବୃଦ୍ଧିକୁ ପ୍ରତିବାଦ କରି ଆଜି ବିଜେପି ଯୁବମୋର୍ଚ୍ଚା ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯିବ । ବିଦ୍ୟୁତ୍ ଶୁଳ୍କ ବୃଦ୍ଧିକୁ ନେଇ ରାଜ୍ୟ ସରକାରଙ୍କୁ କଡା ଭାଷାରେ ସମାଲୋଚନା କରିଛନ୍ତି ବିଜେପି ଯୁବ ମୋର୍ଚ୍ଚା ସଭାପତି । ସେ କହିଛନ୍ତି ରାଜ୍ୟରେ ଅନେକ ସମ୍ଭାବନା ରହିଛି ପାରମ୍ପାରିକ ଓ ଅଣ ପାରମ୍ପାରିକ ପଦ୍ଧତିରେ ବିଦ୍ୟୁତ୍ ଉତ୍ପାଦନ କରିହେବ । ତେବେ ରାଜ୍ୟ ସରକାର ତାହା ନକରି ଓଡିଶାର ଜନସାଧାରଣଙ୍କ ଉପରେ ବୋଝ ଲଦୁଛନ୍ତିି ।
Kanak News is now on WhatsApp
Join and get latest news updates delivered to you via WhatsApp
ୟୁନିଟ୍ ପିଛା ହାରାହାରି ୧.୪୪ ପ୍ରତିଶତ ବିଜୁଳି ଦର ବୃଦ୍ଧି କରିବାକୁ ନିଷ୍ପତି ନେଇଛନ୍ତି ଓଡିଶା ବିଦ୍ୟୁତ ନିୟାମକ । ତେବେ ପ୍ରଥମ ୫୦ ୟୁନିଟ୍ ଯାଏଁ ବିଜୁଳି ଦର ଅପରିବର୍ତିତ ରହିବ ବୋଲି ଘୋଷଣା କରିଛି ଆୟୋଗ । ୫୦ ୟୁନିଟ ପରେ ପ୍ରତି ସ୍ଲାବରେ ୟୁନିଟ୍ ପିଛା ୧୦ ପଇସା ବୃଦ୍ଧି ଘଟିଛି । ଜଳବିଦ୍ୟୁତ୍ ଉତ୍ପାଦନ ହ୍ରାସ ଆଉ ତାପଜ ବିଦ୍ୟୁତ ଦର ବଢିବା ଏହା ପଛର ମୁଖ୍ୟ କାରଣ ବୋଲି ଦର୍ଶାଯାଇଛି ।