ଆଜି ରାଜ୍ୟ ବିଜେପି କାର୍ଯ୍ୟକାରିଣୀ : ଦଳର ବରିଷ୍ଠ ନେତାଙ୍କୁ ନେଇ ଭର୍ଚୁଆଲ ମାଧ୍ୟମରେ ହେବ ବୈଠକ
କନକ ବ୍ୟୁରୋ : ଆଜି ବସିବ ରାଜ୍ୟ ବିଜେପିର କାର୍ଯ୍ୟକାରିଣୀ ବୈଠକ । ଭର୍ଚୁଆଲ ମାଧ୍ୟମରେ ହେବାକୁ ଥିବା ଏହି ବୈଠକ ୧୦ଟା ୪୫ରୁ ଆରମ୍ଭ ହୋଇ ୪ଟା ପର୍ଯ୍ୟନ୍ତ ଚାଲିବ । ରାଜ୍ୟ ବିଜେପି ସଭାପତି ସମୀର ଦାସଙ୍କ ଅଧ୍ୟକ୍ଷତାରେ ଅନୁଷ୍ଠିତ ହେବାକୁ ଥିବା ଏହି ବୈଠକରେ ପଂଚାୟତ ନିର୍ବାଚନ ନେଇ ଦଳର ରଣନୀତି ନେଇ ଆଲୋଚନା ହେବାର କାର୍ଯ୍ୟକ୍ରମ ରହିଛି ।
Kanak News is now on WhatsApp
Join and get latest news updates delivered to you via WhatsApp
ଗତ ଶନିବାର ବିଜେଡି ପକ୍ଷରୁ ଜିଲ୍ଲା ପର୍ଯ୍ୟବେକ୍ଷକ ତାଲିକା ପ୍ରକାଶ ପାଇଥିବା ବେଳେ ସମତାଳରେ ଭାରତୀୟ ଜନତା ପାର୍ଟି ମଧ୍ୟ କ୍ରିୟାଶୀଳ ହୋଇଛି । ପଂଚାୟତ ନିର୍ବାଚନ ପୂର୍ବରୁ ରାଜ୍ୟ ବିଜେପି ପକ୍ଷରୁ ପଂଚାୟତ ନିର୍ବାଚନ ନେଇ ଏକ କମିଟି ଗଠନ କରାଯାଇଛି । ଗତ ପଂଚାୟତ ନିର୍ବାଚନର ଫଳାଫଳ ଏବଂ ଆଗାମୀ ପଂଚାୟତ ନିର୍ବଚନରେ ଦଳର ପ୍ରଦର୍ଶନ ସଂଭାବନାକୁ ନେଇ ଏହି ବୈଠକରେ ଆଲୋଚନା ହୋଇପାରେ । ଗତ ନିର୍ବାଚନ ଭଲ ପ୍ରଦର୍ଶନ କରିଥିବା ପଂଚାୟତ ଗୁଡ଼ିକରେ କିଭଳି ପ୍ରଦର୍ଶନ ଦୋହରାଯାଇପାରିବ ସେ ସମ୍ପର୍କରେ ଦଳ ଫୋକସ କରିବ ବୋଲି ଚର୍ଚ୍ଚା ହେଉଛି ।