ରାତିପାହିଲେ ସୁପ୍ରିମକୋର୍ଟରେ ହେବ ରଥଯାତ୍ରାର ଶୁଣାଣି । ପୂର୍ବାହ୍ନ ୧୧ଟାରେ ଶୁଣାଣି କରିବେ ଜଷ୍ଟିସ ଏସ. ରବିନ୍ଦ୍ର ଭଟ୍ଟ । ସେପଟେ ଘୋଷଯାତ୍ରା ନେଇ ପିଟିସନ୍ ଦାୟର କଲେ ସମ୍ବିତ୍ ପାତ୍ର…
କନକ ବ୍ୟୁରୋ: ଆସନ୍ତାକାଲି ସୁପ୍ରିମକୋର୍ଟରେ ହେବ ମହାପ୍ରଭୁଙ୍କ ରଥଯାତ୍ରାର ଶୁଣାଣି । ପୂର୍ବହ୍ନ ୧୧ଟାରେ ଶୁଣାଣି କରିବେ ଜଣିକିଆ ଖଣ୍ଡପୀଠ । ୩ ନମ୍ବର ଭର୍ଚୁଆ କୋର୍ଟରେ ଜଷ୍ଟିର ଏସ. ରବିନ୍ଦ୍ର ଭଟ୍ଟ ଶୁଣାଣି କରିବେ । ଭିଡିଓ କନଫରେସନ୍ ଜରିଆରେ ଜଗନ୍ନାଥଙ୍କ ରଥ ଯାତ୍ରା ମାମଲାରେ ଶୁଣାଣି କରାଯିବ । ପୂର୍ବରୁ ସର୍ବୋଚ ଅଦାଲତ ଦେଇଥିବା ରାୟର ପୁନଃବିଚାର ପାଇଁ ହୋଇଥିବା ଆବେଦନର ଶୁଣାଣି କରିବେ ଜଷ୍ଟିସ ଏସ. ରବିନ୍ଦ୍ର ଭଟ ।
Kanak News is now on WhatsApp
Join and get latest news updates delivered to you via WhatsApp
ରଥଯାତ୍ରା ପ୍ରସଙ୍ଗରେ ସୁପ୍ରିମକୋର୍ଟରେ ବିଜେପି ମୁଖପାତ୍ର ସମ୍ବିତ ପାତ୍ରଙ୍କ ଆବେଦନ : ନିଷ୍ପତ୍ତିର ପୁନଃବିଚାର ପାଇଁ ଆବେଦନ କଲେ ସମ୍ବିତ ପାତ୍ର @sambitswaraj #SupremeCourt #RathaJatra2020 pic.twitter.com/wh7LgliT96
— Kanak News (@kanak_news) June 21, 2020
ତେବେ କରୋନା କଟକଣା ଯୋଗୁଁ ରଥ ଯାତ୍ରା ବନ୍ଦ କରିବା ପାଇଁ ପୂର୍ବରୁ କୋର୍ଟ ରାୟ ଦେଇଥିଲେ । ସେହି ରାୟର ପୁନଃବିଚାର ପାଇଁ ଅନେକ ଆବେଦନ ହୋଇଥିଲା । ସେହି ଆବେଦନକୁ ଗ୍ରହଣ କରି ଆସନ୍ତାକାଲି ସୁପ୍ରିମକୋର୍ଟ ଶୁଣାଣି କରିବେ ।
ସେପଟେ ରଥଯାତ୍ରା ନେଇ ବିଜେପି ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ର ପିଟିସନ ଦାୟର କରିଛନ୍ତି । ପିଟିସନ ଦାୟର ନେଇ ଟୁଇଟରରେ ସୂଚନା ଦେଇଛନ୍ତି ସମ୍ବିତ ପାତ୍ର । ଆସନ୍ତା ୨୩ରେ ବିଶ୍ୱ ପ୍ରସିଦ୍ଧ ପୁରୀ ରଥଯାତ୍ରା ପାଇଁ ସୁପ୍ରିମକୋର୍ଟଙ୍କ ପ୍ରଥମ ଆଦେଶର ସ୍ପଷ୍ଟୀକରଣ ଓ ସଂଶୋଧନ ନିମନ୍ତେ ଆବେଦନ ଦାଖଲ କରିଥିବା କହିଛନ୍ତି । । ମହାପ୍ରଭୁ ଆମର ପ୍ରାର୍ଥନା ନିଶ୍ଚିତ ଶୁଣିବେ ବୋଲି ଆଶା ରହିଥିବା ସମ୍ବିତ ପାତ୍ର ଟୁଇଟ କରି କହିଛନ୍ତି ।