ସଂସଦରେ ଶୁଭିଲା ମୋଦି ମୋଦି ନାରା । ୩ ରାଜ୍ୟରେ ବିଜୟକୁ ନେଇ ଉତ୍ସାହିତ ବିଜେପି ସଂସଦ, ଅଧିବେଶନ ଆରମ୍ଭ ପୂର୍ବରୁ ପ୍ରଧାନମନ୍ତ୍ରୀ କହିଲେ… ।
କନକ ବ୍ୟୁରୋ : ସଂସଦର ଶୀତକାଳୀନ ଅଧିବେଶନ ଆରମ୍ଭରୁ ଶାସକ ଦଳ ଉତ୍ସାହିତ । ଗୃହ ଭିତରେ ବିଜେପି ସାଂସଦମାନେ ପ୍ରଧାନମନ୍ତ୍ରୀଙ୍କ ନେତୃତ୍ୱକୁ ପ୍ରଶଂସା କରିଛନ୍ତି । ଆଉ ନାରା ଦେଇଛନ୍ତି ତୃତୀୟ ଥର ମୋଦୀ ସରକାର, ବାରମ୍ବାର ମୋଦୀ ସରକାର । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଏକାଠି ବସିଥିବା ବେଳେ ଏଭଳି ନାରା ଦେଇଛନ୍ତି ବିଜେପି ସଦସ୍ୟ ।
ଗତକାଲି ୪ ରାଜ୍ୟର ବିଧାନସଭା ନିର୍ବାଚନ ଫଳାଫଳରେ ବିଜେପି ହିନ୍ଦୀ ହାର୍ଟଲ୍ୟାଣ୍ଡରେ ନିଜ ଦବଦବା ଜାହିର ରଖିଛି । କଂଗ୍ରେସ ହାତରୁ ରାଜସ୍ଥାନ ଓ ଛତିଶଗଡ଼ ଖସିଯାଇଛି । ଗତକାଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଥିଲେ ହିନ୍ଦୀ ହାର୍ଟଲ୍ୟାଣ୍ଡରେ ବିଜୟ ହିଁ ୨୪ରେ ହ୍ୟାଟ୍ରିକ ପାଇଁ ସଂକେତ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
#WATCH | BJP MPs raise the slogan of “Teesri Baar Modi Sarkar” and “Baar Baar Modi Sarkar” in Lok Sabha in the presence of Prime Minister Narendra Modi, as the winter session of the Parliament commences. pic.twitter.com/nZp0YqkQMH
— ANI (@ANI) December 4, 2023
ଏହାସହ ଆଜି ସଂସଦ ଶୀତକାଳୀନ ଅଧିବେଶନ ଆରମ୍ଭ ପୂର୍ବରୁ ପ୍ରଧାନମନ୍ତ୍ରୀ ମୋଦି କହିଛନ୍ତି. ଗତକାଲି ୪ ରାଜ୍ୟରୁ ଆସିଥିବା ଫଳାଫଳ ବେଶ ଉତ୍ସାହଜନକ । ଦେଶ ନକରାତ୍ମକକୁ ପ୍ରତ୍ୟାଖାନ କରିଛି । ଏହି ଅଧିବେଶନରେ ପରାଜୟର ରାଗ ସୁଝାଇବା ପରିବର୍ତ୍ତେ ସକାରାତ୍ମକ ଦିଗରେ ଆଗରେ ବଢନ୍ତୁ । ଯାହାଦ୍ୱାରା ଲୋକଙ୍କର ବିରୋଧୀଙ୍କ ପ୍ରତି ଥିବା ଦୃଷ୍ଟିକୋଣ ବଦଳିବ । ଯାହାଦ୍ୱାରା ସେମାନଙ୍କ ପାଇଁ ନୂଆ ଅଧ୍ୟାୟ ଖୋଲିବ । ଏହି ଅଧିବେଶନରେ ସକରାତ୍ମକ ଚିନ୍ତାଧାରା ସହ ଆସନ୍ତୁ । ଶାସକ ଦଳ ଯଦି ୧୦ ପାଦ ଆଗକୁ ବଢୁଛି, ତେବେ ବିରୋଧୀ ୧୨ ପାଦ ଆଗକୁ ବଢାନ୍ତୁ । ନିର୍ବାଚନ ଫଳାଫଳର ରାଗ ଗୃହ ଭିତରକୁ ନ ଆଣନ୍ତୁ ।