ମମତାଙ୍କୁ ନେଇ ସାକ୍ଷୀ ମହାରାଜଙ୍କ ବିବାଦୀୟ ବୟାନ ! କହିଲେ , ମମତା ବାନାର୍ଜୀ ହିରଣ୍ୟ କଶ୍ୟପଙ୍କ ବଂଶଜରୁ ନୁହଁନ୍ତି ତ?
ପଶ୍ଚିମବଙ୍ଗରେ ତୃଣମୁଳ କଂଗ୍ରେସ ଏବଂ ବିଜେପି ମଧ୍ୟରେ ବଢୁଥିବା ଆକ୍ରୋଶ କମିବାର ନାଁ ନେଉନାହିଁ । ପଶ୍ଚିମବଙ୍ଗର ଲୋକସଭା ନିର୍ବାଚନରେ ଟିଏମସିର ବଡ ବିଫଳ ପରେ କଂଗ୍ରେସର କଟା ଘା’ରେ ଚୂନ ଦେବା ପାଇଁ ବିଜେପି ଜୟ ଶ୍ରୀରାମ ଲେଖାଥିବା ୧୦ ଲକ୍ଷ ପୋଷ୍ଟକାର୍ଡ ପଠାଇବା ପାଇଁ ନିଷ୍ପତ୍ତି ନେଇଛି । ଅନ୍ୟପଟେ ବିଜେପି ସାଂସଦ ସାକ୍ଷୀ ମହାରାଜ୍ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ହିରଣ୍ୟ କଶ୍ୟପଙ୍କ ବଂଶଜ ବୋଲି କହିଛନ୍ତି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ହରିଦ୍ୱାରରେ ସାକ୍ଷୀ ମହାରାଜ୍ କହିଥିଲେ ଯେ ଜୟ ଶ୍ରୀରାମ କହିଲେ ଜେଲ୍ ପଠାଇବାକୁ ଧମକ ଦେଉଛନ୍ତି ସେ କେବଳ ହିରଣ୍ୟ କଶ୍ୟପଙ୍କ ହିଁ ବଂଶଜ ହୋଇପାରିବେ । ତେବେ ବଙ୍ଗଳାରେ ମମତା ମଧ୍ୟ କିଛି ଏଭଳି ହିଁ କଥା କହିଛନ୍ତି । ଜୟ ଶ୍ରୀରାମ କହିବାକୁ ନେଇ ସେ ଜେଲ୍ ପଠାଇବା ଭଳି ଯାତନା ଦେଉଛନ୍ତି । ସାକ୍ଷୀ ମହାରାଜ୍ କହିଥିଲେ , ମମତାଙ୍କ ଶାସନ ଅଲଗାବବାଦ୍ ଠାରୁ କମ୍ ନାହିଁ । ଏହା ବଙ୍ଗାଳୀ ଯନ୍ତ୍ରଣା ଯାହାକୁ ମମତାଙ୍କୁ ଭୋଗିବାକୁ ହିଁ ପଡିବ । ବିଧାନସଭା ନିର୍ବାଚନରେ ମଧ୍ୟ ପଶ୍ଚିମବଙ୍ଗରେ ବିଜେପି ସରକାର ହେବ ।