ବିଜେପି ସାଂସଦ ବସନ୍ତ ପଣ୍ଡାଙ୍କ ମୁହଁରେ ଭି.କେ.ପାଣ୍ଡିଆନଙ୍କ ପ୍ରଶଂସା । ସୋସିଆଲ ମିଡିଆରେ ଭାଇରାଲ ହେଉଛି ଭିଡିଓ

କନକ ବ୍ୟୁରୋ : ବିଜେପି ସାଂସଦ ବସନ୍ତ ପଣ୍ଡାଙ୍କ ମୁହଁରେ ଫାଇଭ୍-ଟି ଓ ନବୀନ ଓଡିଶା ଅଧ୍ୟକ୍ଷ ଭି.କେ,ପାଣ୍ଡିଆନଙ୍କ ପ୍ରଶଂସା । ଏକଥା ଶୁଣିଲାବେଳକୁ ଆପଣଙ୍କୁ ଟିକିଏ ଅଡୁଆ ଲାଗୁଥାଇପାରେ । କିନ୍ତୁ ଏହା ସତ । ଗତକାଲି କଳାହାଣ୍ଡିରେ ରାଜ୍ୟ ସରକାରଙ୍କ ପକ୍ଷରୁ ଆୟୋଜିତ ଲକ୍ଷ୍ମୀ ବସ୍ ଯୋଜନାର ଉଦଘାଟନି କାର୍ଯ୍ୟକ୍ରମରେ ଦେଖିବାକୁ ମିଳିଥିଲା ଏହି ଦୃଶ୍ୟ ।

ମୁଖ୍ୟମନ୍ତ୍ରୀଙ୍କ ଉପସ୍ଥିତିରେ ଆୟୋଜିତ କାର୍ଯ୍ୟକ୍ରମରେ ଯୋଗଦେଇ ସାଂସଦ ବସନ୍ତ ପଣ୍ଡା ଭି.କେ. ପାଣ୍ଡିଆନଙ୍କୁ ପ୍ରଶଂସା କରିଥିଲେ । ଯୋଗଦାନ ପାଇଁ ତାଙ୍କୁ ଧନ୍ୟବାଦ କରିଥିଲେ । ବିରୋଧୀ ଦଳର ସାଂସଦ ପାଣ୍ଡିଆନଙ୍କୁ ଏଭଳି ପ୍ରଶଂସା କରିବା ସମୟର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି । ଆଉ ଚର୍ଚ୍ଚାର ବିଷୟ ପାଲଟିଛି ।