ଆଜି କର୍ଣ୍ଣାଟକ ସରକାରଙ୍କ ଆସ୍ଥା ଭୋଟ୍: ଦିନ ସାଢେ ଗୋଟାଏ ସୁଦ୍ଧା ସଂଖ୍ୟା ଗରିଷ୍ଠତା ପ୍ରମାଣ ଦେବାକୁ କୁମାରସ୍ୱାମୀଙ୍କୁ ନିର୍ଦ୍ଦେଶ

କନକ ବ୍ୟୁରୋ: ଆଜି କର୍ଣ୍ଣାଟକ ବିଧାନସଭାରେ ହୋଇପାରେ ଆସ୍ଥାଭୋଟ । ଆଜି ଦିନ ସାଢ଼େ ଗୋଟାଏ ସୁଦ୍ଧା ଆସ୍ଥାଭୋଟ କରାଇବାକୁ ନିର୍ଦ୍ଦେଶ ଦେଇଛନ୍ତି କର୍ଣ୍ଣାଟକ ରାଜ୍ୟପାଳ । ଗତକାଲି କର୍ଣ୍ଣାଟକରେ ଦେଖା ଦେଇଥିବା ରାଜନୈତିକ ହଟଚମଟ ଜାରି ରହିଥିଲା । ବିଧାନସଭାରେ ହୋଇପାରିନଥିଲା ଆସ୍ଥାଭୋଟ । ବିଧାନସଭାରେ କୁମାରସ୍ୱାମୀ ଆସ୍ଥା ପ୍ରସ୍ତାବ ଆଗତ କରିଥିଲେ । କିନ୍ତୁ ଏହା ଉପରେ ଭୋଟଗ୍ରହଣ ହୋଇପାରିନଥିଲା । ଦିନ ତମାମ ବିତର୍କ ଚାଲିବା ପରେ ଆଜି ଦିନ ୧୧ଟା ପର୍ଯ୍ୟନ୍ତ ଗୃହ ମୁଲତବି ରଖିଥିଲେ ବାଚସ୍ପତି ।

Bengaluru: #Karnataka BJP legislators on an over night 'dharna' at the Vidhana Soudha over their demand of floor test. Karnataka Governor Vajubhai Vala has written to CM HD Kumaraswamy, asking him to prove majority of the government on the floor of the House by 1:30 pm tomorrow. pic.twitter.com/NLcoAJvOu9

— ANI (@ANI) July 18, 2019

ଗୃହକୁ ମୁଲତବୀ ରଖିବା ପୂର୍ବରୁ ଆଟର୍ଣ୍ଣି ଜେନେରାଲଙ୍କୁ ଭେଟି ଆଇନଗତ ପ୍ରକ୍ରିୟା ନେଇ ଆଲୋଚନା କରିଥିଲେ । ଗତକାଲି ସନ୍ଧ୍ୟାରେ ରାଜ୍ୟପାଳ କଠୋର ଆଭିମୁଖ୍ୟ ଗ୍ରହଣ କରି ମୁଖ୍ୟମନ୍ତ୍ରୀଙ୍କୁ ପତ୍ର ଲେଖିଛନ୍ତି । ଶୁକ୍ରବାର ଅର୍ଥାତ୍ ଆଜି ଦିନ ସାଢେ ଗୋଟାଏ ସୁଦ୍ଧା ସଂଖ୍ୟା ଗରିଷ୍ଠତାର ପ୍ରମାଣ ଦେବାକୁ ନିର୍ଦେଶ ଦେଇଥିଲେ । ପତ୍ରରେ ରାଜ୍ୟପାଳ ଲେଖିଛନ୍ତି, ଯାହା ଜଣାପଡୁଛି କୁମାରସ୍ୱାମୀ ସରକାର ଗୃହର ଆସ୍ଥା ହରାଇଛନ୍ତି ।

କାରଣ, କଂଗ୍ରେସ ଓ ଜେଡିଏସର ୧୫ ଜଣ ବିଧାୟକ ଇସ୍ତଫା ଦେଇଥିବା ବେଳେ ୨ ଜଣ ସ୍ୱାଧୀନ ବିଧାୟକ ସମର୍ଥନ ପ୍ରତ୍ୟାହାର କରିନେଇଛନ୍ତି । ୧୭ ଜଣ ବିଧାୟକ ବାହାରିବା ପରେ ସରକାର ପାଖରେ ଆଉ ସ୍ପଷ୍ଟ ବହୁମତ ନାହିଁ । ସରକାର ତିଷ୍ଠିବାକୁ ହେଲେ ଗୃହର ଆସ୍ଥା ଦରକାର । ତେଣୁ ବିଳମ୍ବ ନକରି କୁମାରସ୍ୱାୀ ଆସ୍ଥାଭୋଟର ସମ୍ମୁଖୀନ ହୁଅନ୍ତୁ । ଅନ୍ୟପଟେ ବିଜେପି ନେତା ବିଏସ ୟେଦୁରପ୍ପାଙ୍କ ନେତୃତ୍ୱରେ ବିଜେପି ବିଧାୟ ସାରା ରାତି ବିଧାନସଭାରେ ଧାରଣା ଦେଇଥିଲେ ।