ପଶ୍ଚିମବଙ୍ଗରେ ବିଜେପିକୁ ଝଟକା , ଟିଏମସିରେ ଯୋଗଦେଲେ ବିଷ୍ଣୁପୁର ବିଜେପି ବିଧାୟକ ତନ୍ମୟ ଘୋଷ
କନକ ବ୍ୟୁରୋ : ପଶ୍ଚିମବଙ୍ଗରେ ବିଜେପି ଓ ଟିଏମସି ଭିତରେ ଚାଲିଥିବା ଶତ୍ରୁତା ଭିତରେ ଆଜି ମମତା ବାନାର୍ଜୀ ପୁଣିଥରେ ବିଜେପିକୁ ଝଟକା ଦେଇଛନ୍ତି । ବିଜେପି ଟିକେଟରୁ ନିର୍ବାଚନ ଲଢି ବିଷ୍ଣୁପୁର ଆସନରୁ ବିଧାୟକ ଭାବେ ବିଜୟୀ ହୋଇଥିବା ତନ୍ମୟ ଘୋଷ ଆଜି ବିଧିବଦ୍ଧ ଭାବେ ଟିଏମସିରେ ଯୋଗ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ତନ୍ମୟ ଘୋଷ ବିଜେପିରୁ ବିଧାୟକ ହେବା ପୂର୍ବରୁ ବିଷ୍ଣୁପୁର କ୍ଷେତ୍ରରେ ସେ ଟିଏମସିର ଟାଉନ ଯୁବ ସଭାପତି ଥିଲେ । ସେ ପଶ୍ଚିମବଙ୍ଗ ନିର୍ବାଚନ ପୂର୍ବରୁ ମାର୍ଚ୍ଚ ୬ ତାରିଖରେ ବିଜେପିରେ ଯୋଗ ଦେଇଥିଲେ । ଏହାପରେ ସେ ବିଜେପି ଟିକେଟରୁ ନିର୍ବାଚନ ଲଢି ଟିଏମସିର ଅର୍ଚ୍ଚିତାଙ୍କୁ ପରାଜିତ କରିଥିଲେ ।
ଏବେ ପଶ୍ଚିମବଙ୍ଗରେ ନିର୍ବାଚନ ପରବର୍ତ୍ତୀ ହିସାଂ ମାମଲାରେ ସିବିଆଇ ଓ ଏସଆଇଟି ଯାଂଚ ଆରମ୍ଭ କରିଛି । ସିବିଆଇ ପ୍ରାଥମିକ ଯାଂଚ କରିବା ପୂର୍ବରୁ ଟିଏମସିର ବିଭିନ୍ନ ନେତାଙ୍କ ନାମରେ ଅଭିଯୋଗ ଦାଖଲ କରିଛି । ଅନ୍ୟପଟେ କୋଇଲା ଦୁର୍ନୀତି ମାମଲାରେ ଇଡି ବି ମମତା ବାନାର୍ଜୀଙ୍କ ଭଣଜା କୁହାଯାଉଥିବା ଡାଇମଣ୍ଡ ହାର୍ବର ସାଂସଦ ଅଭିଷେକ ବାନାର୍ଜୀ ଓ ତାଙ୍କ ପତ୍ନୀ ରୁଜିରା ବାନାର୍ଜୀଙ୍କୁ ନୋଟିସ ଜାରି କରିଛି । ଏହାକୁ ନେଇ ବିଜେପି ଓ ଟିଏମସି ମଧ୍ୟରେ ବାକ୍ୟୁଦ୍ଧ ଚାଲିଛି । ଇଡିର ସମନ ପରେ ଅଭିଷେକ ବାନାର୍ଜୀ ସିଧା ସିଧା କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ ବିରୋଧରେ ବର୍ଷିବା ସହ ବିଜେପିକୁ ଦେଶରୁ ନହଟାଇବା ଯାଏ ଲଢେଇ ଚାଲୁ ରହିବ ବୋଲି ଚେତାବନୀ ଦେଇଛନ୍ତି ।
ଏହାରି ଭିତରେ ମମତା ବାନାର୍ଜୀଙ୍କ ଟିଏମସି ଛାଡି ବିଜେପିରେ ଯୋଗ ଦେଇଥିବା ନେତାମାନଙ୍କୁ ଦଳ ପୁଣିଥରେ ଫେରାଇଆଣିବାକୁ ଚେଷ୍ଟା କରି ବିଜେପି ଉପରେ ପ୍ରତିଶୋଧ ନେବାକୁ ପ୍ରୟାସ କରୁଛି ।
West Bengal | Former BJP MLA from Bishnupur, Tanmay Ghosh, joins Trinamool Congress
“BJP is into vindictive politics. They’re attempting to snatch rights of WB people by using central agencies. I urge all politicians to support CM Mamata Banerjee for welfare of public,” he says pic.twitter.com/x4Ja6UDuri
— ANI (@ANI) August 30, 2021
ସୂଚନା ଥାଉକି ବିଜେପିର କଳ ,ବଳ କୌଶଳକୁ ପ୍ରତିହତ କରି ୨୦୨୧ ବିଧାନସଭା ନିର୍ବାଚନରେ ମମତା ବାନାର୍ଜୀଙ୍କ ଟିଏମସି ବହୁମତ ହାସଲ କରିଥିଲା । ୨୯୦ ଆସନ ବିଶିଷ୍ଟ ପଶ୍ଚିମବଙ୍ଗ ବିଧାନସଭାରେ ମମତାଙ୍କୁ ୨୧୩ ଟି ଆସନ ମିଳିଥିବା ବେଳେ ବିଜେପି ମାତ୍ର ୭୭ ଟି ଆସନରେ ଜିତିବାକୁ ସକ୍ଷମ ହୋଇଥିଲା ।