ଛାତ୍ରଛାତ୍ରୀମାନେ ପାଠ ପଢୁଥିବା ବେଳେ ସ୍କୁଲ ଭିତରକୁ ପଶିଲେ ବିଧାୟକ ! ଘଣ୍ଟାଏ ପଢାଇଲେ , ପିଲାଙ୍କୁ ବିଜେପି ବିଜେପି ଉତ୍ତରୀୟ ପିନ୍ଧାଇଲେ ।

ଗୋଟିଏ ସ୍କୁଲରେ ଛାତ୍ରଛାତ୍ରୀମାନେ ପାଠ ପଢୁଥିବା ବେଳେ ବିଧାୟକ ସ୍କୁଲକୁ ପ୍ରବେଶ କରିବା ଏବଂ ଛାତ୍ର୍ରଛାତ୍ରୀଙ୍କୁ ଏକଜୁଟ୍ କରି ବିଜେପି ସଦସ୍ୟତା ଦେବା ଭଳି ଘଟଣା ଏବେ ଘଟିଛି ବାରାଣାସୀର ସେୟଦରାଜା ଅଞ୍ଚଳରେ । ଏଠାକାର ବିଜେପି ବିଧାୟକ ସୁଶୀଲ ସିଂହ ନ୍ୟାସନାଲ୍ ଇଣ୍ଟର କଲେଜରେ ପହଂଚି ପାଠ ପଢୁଥିବା ଛାତ୍ରଛାତ୍ରୀମାନଙ୍କୁ ଏକତ୍ରିତ କରିଥିଲେ ଏବଂ ପିଲାମାନଙ୍କୁ ବିଜେପି ସଦସ୍ୟ କରିଥିଲେ । ସେ ଛାତ୍ରଛାତ୍ରୀଙ୍କ ରାଜନୈତିକ କ୍ଲାସ ମଧ୍ୟ ଦେଇଥିଲେ । ବିଧାୟକ ଛାତ୍ରଛାତ୍ରୀଙ୍କୁ ବିଜେପି ଉତ୍ତରୀୟ ମଧ୍ୟ ପିନ୍ଧାଇଥିଲେ । ସେ ପିଲାମାନଙ୍କୁ ବିଜେପିର ନୀତିଆଦର୍ଶରେ ଚାଲିବା ପାଇଁ ମଧ୍ୟ ଉପଦେଶ ଦେଲେ । ତେବେ ବର୍ତ୍ତମାନ ସୋସିଆଲ୍ ମିଡିଆରେ ଏହି ଭିଡିଓ ଖୁବ୍ ଭାଇରାଲ୍ ହୋଇଯାଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସଦସ୍ୟତା ଅଭିଯାନ ଆରମ୍ଭ କରିଥିବା ବେଳେ ଏହାପରେ ବିଜେପିର ସଦସ୍ୟତା ପାଇଁ ଅଭିଯାନ ଆରମ୍ଭ ହୋଇଯାଇଛି ।

सैयदराजा के विधायक का वीडियो वायरल ,चंदौली के नेशनल इंटर कालेज में छात्र छात्राओं की दिलाई भाजपा की सदस्यता pic.twitter.com/SRtjna8tWo

— Ajay Singh (@AjayNDTV) July 17, 2019

 

ଏହି ଅଭିଯାନକୁ ସେୟଦରାଜା ବିଧାୟକ ସ୍କୁଲ ପରିସରରେ ଆରମ୍ଭ କରିଛନ୍ତି । ଦଶମ ଏବଂ ଦ୍ୱାଦଶ ଶ୍ରେଣୀର ପିଲାଙ୍କୁ ଏହି ସଦସ୍ୟତା ଦିଆଯାଇଛି ।