ପଞ୍ଚାୟତ ନିର୍ବାଚନ ପାଇଁ ବିଜେପି ଜାରି କଲା ନିର୍ବାଚନୀ ଇସ୍ତାହାର । ଦଳ କହିଲା ସୁଦୃଢ ହେବ ମଣ୍ଡି ବ୍ୟବସ୍ଥା, ମୋଦୀ ପଠାଉଥିବା ଟଙ୍କାର ଜଗୁଆଳି ହେବ ବିଜେପି ।
କନକ ବ୍ୟୁରୋ : ତ୍ରିସ୍ତରୀୟ ପଞ୍ଚାୟତ ନିର୍ବାଚନ ଲାଗି ବିଜେପି ଜାରି କଲା ଇସ୍ତାହାର ଓ ଅଭିଯୋଗ ପତ୍ର । ବିଜେପି ସଭାପତି ସମୀର ମହାନ୍ତି ଓ ଅନ୍ୟ ବରିଷ୍ଠ ନେତୃବନ୍ଦଙ୍କ ଉପସ୍ଥିତିରେ ଇସ୍ତାହାର ପତ୍ର ଉନ୍ମୋଚିତ ହୋଇଛି । ପଂଚାୟତା ଗ୍ରାମସଭା, ପଲ୍ଲୀ ସଭା ଆଦି ହେବ । କେନ୍ଦ୍ର ପଠାଉଥିବା ଟଙ୍କା ତୃଣମୂଳ ସ୍ତରରେ ସଠିକ୍ ଭାବେ ବିନିଯୋଗ ହେଉଛି କି ନାହିଁ, ତାହା ଜଗିବ ବିଜେପି । ପଞ୍ଚାୟତ ସ୍ତରରେ ବ୍ୟାପକ ଅର୍ଥ ଲୁଟ୍ ହେଉଛି । ବିଜେଡି ନେତା ଏହି ଟଙ୍କା ଲୁଟ୍ କରୁଥିବା ନେଇ କହିଛି ବିଜେପି । ପଞ୍ଚାୟତ ବ୍ଲକରୁ ପିସି ରାଜରେ ପୂର୍ଣ୍ଣଚ୍ଛେଦ ପଡିବ । ପ୍ରତି ଗାଁରେ ବିଶୁଦ୍ଧ ପାନୀୟ ଜଳ ପହଞ୍ଚାଇବାକୁ ନିଶ୍ଚିିତ କରିବୁ । ପ୍ରତି ଘରକୁ ବିଜୁଳି ଓ ରନ୍ଧନ ଗ୍ୟାସ ସଂଯୋଗ ନିଶ୍ଚିତ କରିବି ।
Kanak News is now on WhatsApp
Join and get latest news updates delivered to you via WhatsApp
ବିକାଶ ନାଁରେ ଠିକଦାର ସାଜି ବିଜେଡି ଦ୍ୱାରା କରାଯାଉଥିବା ଅର୍ଥଲୁଟକୁ ଏଣିକି ପ୍ରଶୟ ଦେବନି ବିଜେପି ବୋଲି ଇସ୍ତାହାର ପତ୍ରରେ କହିଛି । ତେବେ ରାଜ୍ୟରେ ମଣ୍ଡି ବ୍ୟବସ୍ଥାକୁ ସୁଦୃଢ କରାଯିବ ସହ ମହିଳା ସଶକ୍ତିକରଣ ଉପରେ ଧ୍ୟାନ ଦିଆଯିବ । ସେହିପରି ପ୍ରତ୍ୟେକ ପଂଚାୟତରେ ମହିଳାଙ୍କ ଦ୍ୱାରା ଉତ୍ପାହିତ ହେଉଥିବା ଜିନିଷକୁ ବଜାରରେ ବିକ୍ରିି କରାଯିବ । ଷ୍ଟ୍ରିଟ୍ ଲାଇଟ୍, ବର୍ଜ୍ୟ ବସ୍ତୁ ପରିଚାଳନ ଉପରେ ନିର୍ବାଚନୀ ଇସ୍ତାହାରରେ ବିଜେପି ଜୋର ଦେଇଛି । ମନେରଗାରେ ମେସିନ ନୁହେଁ ଶ୍ରମିକମାନେ କାମ କରିବେ ଓ ନିର୍ଦ୍ଧାରିତ ମଜୁରୀ ମିଳୁଛି କି ନାହିଁ ତାହା ସୁନିଶ୍ଚିତ କରିବ ବିଜେପି । ରାଜ୍ୟରେ ନିୟମ ଉଲ୍ଲଂଘନ ସହ ଖୋଲୁଥିବା ଶହ ଶହ ମଦ ଦୋକାନ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବୁ ।