ବିଜେପିର ଘୋଷଣାପତ୍ର ‘ସଂକଳ୍ପିତ ଭାରତ,ସଶକ୍ତ ଭାରତ’ ଜାରୀ ! ଛୋଟ ଦୋକାନୀଙ୍କୁ ୬୦ ବର୍ଷ ପରେ ମିଳିବ ପେନସନ୍ ।
ଭାରତୀୟ ଜନତା ପାର୍ଟି ଲୋକସଭା ନିର୍ବାଚନ ୨୦୧୯ ପାଇଁ ନିଜର ଘୋଷଣା ପତ୍ର ଜାରୀ କରିସାରିଛି । ଏହି ଘୋଷଣା ପତ୍ରରେ ‘ସଂକଳ୍ପିତ ଭାରତ,ସଶକ୍ତ ଭାରତ’ ନାଁ ଦିଆଯାଇଛି । ୫ ବର୍ଷ ସରକାର ଚଲାଇବା ପରେ ବିଜେପି ଏବେ ଆଗାମୀ ୫ ବର୍ଷ ପାଇଁ ନିଜର ଭିଜନ୍ କୁ ଦେଶ ସାମ୍ନାରେ ରଖିଛି । ସଂକଳ୍ପପତ୍ର ସମିତିର ଅଧ୍ୟକ୍ଷ ରାଜନାଥ ସିଂହ କହିଛନ୍ତି ଭାରତର ମନର କଥା ଏହି ସଂକଳ୍ପ ପତ୍ରରେ ରହିଛି । ସେ ନିର୍ବାଚନୀ ଭିଜନକୁ ପଢି ଦେଶ ସାମ୍ନାରେ ରଖିଛନ୍ତି । ସେ କହିଛନ୍ତି ୬ କୋଟି ଜନତାଙ୍କ ସହ କଥାବାର୍ତ୍ତା କରି ଏହି ସଂକଳ୍ପ ପତ୍ରକୁ ପ୍ରସ୍ତୁତ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଏହି ସଂକଳ୍ପ ପତ୍ରରେ ଗରିବ ତଥା ସୀମାନ୍ତ ଅବସ୍ଥାରେ ଥିବା କୃଷକଙ୍କୁ ଯେଭଳି ୬୦ ବର୍ଷ ପରେ ପେନସନ୍ ଯୋଗାଇ ଦିଆଯିବାକୁ କୁହାଯାଇଛି । ଠିକ୍ ସେହିପରି ଛୋଟ ଦୋକାନୀ ମଧ୍ୟ ଏହି ଯୋଜନା ଅନୁସାରେ ପରିଣତ ବୟସରେ ଲାଭବାନ ହେବେ । ଯେଉଁଥିରେ କୁହାଯାଇଛି ଯେ ରାଷ୍ଟ୍ରୀୟ ବ୍ୟାପାର ଆୟୋଗର ଗଠନ କରାଯିବ । ଛୋଟ ବେପାରୀଙ୍କୁ ସାମିଲ କରି ପ୍ରଧାନମନ୍ତ୍ରୀ ଶ୍ରମ ଯୋଗୀ ମାନଧନ ଯୋଜନାର ବିସ୍ତାର କରାଯିବ । ଏହି ଯୋଜନା ଅନୁସାରେ ଛୋଟ ଦୋକାନୀମାନଙ୍କୁ ୬୦ ବର୍ଷ ପରେ ପେନସନ୍ ଯୋଗାଇ ଦିଆଯିବ ।