ଥାନାରେ ରାତି କାଟିଲେ ବିଜେପି ନେତା : ଚାଷୀ ସମସ୍ୟାକୁ ନେଇ ଲମ୍ବା ଲଢ଼େଇ ପାଇଁ ପ୍ରସ୍ତୁତ ବିଜେପି
ପୃଥ୍ୱିରାଜ ହରିଚନ୍ଦନଙ୍କ ଅଭିଯୋଗ, ରାଜ୍ୟ ସରକାରଙ୍କ ଅପାରଗତା ଯୋଗୁଁ ଚାଷୀ ହନ୍ତସନ୍ତ
କନକ ବ୍ୟୁରୋ : ଥାନାରେ ରାତି କାଟିଲେ ବିଜେପି ନେତା । ସମ୍ବଲପୁର ଟାଉନ ଥାନା ପରିସରରେ ବିଜେପି ନେତାଙ୍କ ରାତି ବିତିିଛି । ଚାଷୀ ସମସ୍ୟା ନେଇ ସମ୍ବଲପୁରରେ ଆନ୍ଦୋଳନ ପରେ ସରକାରଙ୍କ ବିରୋଧରେ ଗର୍ଜିଛି ବିଜେପି । ଭୁବନେଶ୍ୱରରେ ଦଳ କହିଛି, ଆନ୍ଦୋଳନକୁ ଆଗକୁ ବଢାଯିବ । ବିରୋଧୀ ଦଳ ନେତାଙ୍କ ସମେତ ବିଜେପିର ଅନେକ ନେତା ଗିରଫ ହୋଇ ଥାନାରେ ଅଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଶୁକ୍ରବାର ସୁଦ୍ଧା ସରକାର ନିଷ୍ପତ୍ତି ନନେଲେ ଆନ୍ଦୋଳନକୁ ଜୋରଦାର କରାଯିବ । ବିଜେପି ଅଭିଯୋଗ କରିଛି, ସବୁ ମଣ୍ଡି ବିଳମ୍ବରେ ଖୋଲିଲା । ହଜାର ହଜାର କ୍ୱିଂଟାଲ ଧାନ ପଡିରହିଛି । ଚାଷୀଙ୍କ ପାଖରେ ଟୋକନ ପହଂଚିପାରୁନାହିଁ । ସାମ୍ବାଦିକ ସମ୍ମିଳନୀରେ ବିଜେପି ସାଧାରଣ ସମ୍ପାଦକ ପୃଥ୍ୱୀରାଜ ହରିଚନ୍ଦନ ଅଭିଯୋଗ କରି କହିଛନ୍ତି, ରାଜ୍ୟ ସରକାରଙ୍କ ଅପାରଗତା ଯୋଗୁଁ ଚାଷୀ ହନ୍ତସନ୍ତ ହେଉଛନ୍ତି ।