ମୁକୁଲ ରାୟ ଟିଏମସିରେ ସାମିଲ ହେବା ପରେ ପଶ୍ଚିମବଙ୍ଗ ବିଜେପିରେ ଭାଳେଣୀ । ଜାଣନ୍ତୁ କଣ ରହିଛି ବିଜେପି ନେତାଙ୍କ ପ୍ରତିକ୍ରିୟା
କନକ ବ୍ୟୁରୋ : ବିଜେପି ଛାଡି ମୁକୁଲ ରାୟ ବିଜେପିରେ ଯୋଗ ଦେବା ପରେ ବିଜେପି ଶିିବିରରେ ଭାଳେଣୀ ପଡିଛି । ବିଜେପିର ନେତା ମାନେ ମୁକୁଲଙ୍କୁ ନେଇ ଭିନ୍ନ ଭିନ୍ନ ବୟାନ ଦେବାରେ ଲାଗିଛନ୍ତି । ବିଜେପିକୁ ଧୋକ୍କା ଦେଇ ମୁକୁଲ ଟିଏମସିରେ ସାମିଲ ହେବା ପରେ ବିଜେପି ସାଂସଦ ଅର୍ଜୁନ ସିଂ କହିଛନ୍ତି କି ମୁକୁଲଙ୍କ କାହାଣୀ ‘ଆୟା ରାମ ଗୟା ରାମ’ ଭଳି ।
Kanak News is now on WhatsApp
Join and get latest news updates delivered to you via WhatsApp
ସେ ମମତାଙ୍କୁ ଟାର୍ଗେଟ୍ କରି କହିଛନ୍ତି କି ଯେତେବେଳେ ରାଜନୀତିରେ ଅଭିଶେକ ବାନାର୍ଜୀ ଆଗକୁ ଆସିଗଲେ ସେତେବେଳେ ଦିଦି ମୁକୁଲଙ୍କୁ ଗଳା ଧକ୍କାଦେଇ ଦଳରୁ ବିଦା କରିଥିଲେ । ମୁକୁଲଙ୍କୁ ଅବସରବାଦୀ ନେତା ବୋଲି ଅର୍ଜୁନ ସିଂ କହିବା ସହ ମୁକୁଲ ଟିଏମସିରେ ଯୋଗଦେବା ପୂର୍ବରୁ ବିଜେପିରୁ ଇସ୍ତଫା ଦେବା ଉଚିତ୍ ଥିଲା ବୋଲି ସେ କହିଛନ୍ତି ।
କେବଳ ଅର୍ଜୁନ ସିଂ ନୁହନ୍ତି , ବିଜେପି ଛାଡିବା ପରେ ମୁକୁଲଙ୍କୁ ଟାର୍ଗେଟ କରିଛନ୍ତି ବିଷ୍ଣୁପୁର ସାଂସଦ ସୌମିତ୍ର ଖାନ । ସେ କହିଛନ୍ତି କି ମୁକୁଲ ହେଉଛନ୍ତି ଦ୍ୱିତୀୟ ମୀର ଜାଫର । ସେ ସମସ୍ତଙ୍କୁ ଧୋକ୍କା ଦେଇଛନ୍ତି । ତାଙ୍କ ସମର୍ଥନରେ ଭୋଟର ନାହାନ୍ତି ତେଣୁ ସେ ନିଜ ପୁଅକୁ ଜିତାଇ ପାରିଲେ ନାହିଁ ବୋଲି କହିଛନ୍ତି । କେବଳ ମୁକୁଲଙ୍କୁ ନୁହେଁ ସୌମିତ୍ର ମୁକୁଲଙ୍କ ପୁଅକୁ ବି ଟାର୍ଗେଟ କରିଛନ୍ତି । ମୁୂକୁଲଙ୍କ ପୁଅ ଟଙ୍କା ରୋଜଗାର କରିବାକୁ ବିଜେପିରେ ଯୋଗ ଦେଇଥିଲେ ବୋଲି ସେ ଅଭିଯୋଗ କରିଛନ୍ତି ।
Mukul Roy was never a public leader. In WB, politics can’t be done from AC room. His time in politics is up. Nobody trusts him. Everybody had info that he provides internal info of BJP to TMC. If rivals get to know your planning, it causes you loss: Arjun Singh, WB BJP vice-pres pic.twitter.com/U1Y73PdQcZ
— ANI (@ANI) June 11, 2021
ମୁକୁଲ ରାୟ ବିଜେପି ଛାଡିବା ପରେ ଦଳ ଉପରେ କୌଣସି ପ୍ରଭାବ ପଡିବ ନାହିଁ ବୋଲି ବିଜେପି ସାଂସଦ ଖର୍ଗେନ ମୁର୍ମୁ କହିଛନ୍ତି । ସେ କହିଛନ୍ତି କି ମୁକୁଲ ପଶ୍ଚିମବଙ୍ଗରେ ବିଜେପିର ସାଂଗଠନିକ ସ୍ଥିତି ମଜବୁତ କରିବାରେ ବହୁତ ଭଲ କାମ କରିଥିଲେ । ସେ ଦଳ ଛାଡିବା ତାଙ୍କ ଇଚ୍ଛା କିନ୍ତୁ ସେ ବିଜେପି ଛାଡିବା ପରେ ଦଳ ଉପରେ କୌଣସି ପ୍ରଭାବ ପଡିବ ନାହିଁ ।