‘ଏବେ ମୁଁ ଅବସର ନେଇପାରିବି’ । ରାଲିରେ ପୁଅ ଦୁଷ୍ୟନ୍ତର ଭାଷଣ ଶୁଣିବା ପରେ ରାଜନୀତି ଛାଡିବାକୁ ସଙ୍କେତ ଦେଲେ ବସୁନ୍ଧରା ରାଜେ
କନକ ବ୍ୟୁରୋ: ରାଜସ୍ଥାନରେ ଏବେ ନିର୍ବାଚନ ପ୍ରଚାର ଜୋରଦାର ଚାଲିଛି । ଏଭଳି ସମୟରେ ରାଜନୀତି ଛାଡିବାକୁ ସଙ୍କେତ ଦେଇଛନ୍ତି ପୂର୍ବ ମୁଖ୍ୟମନ୍ତ୍ରୀ ତଥା ବରିଷ୍ଠ ବିଜେପି ନେତ୍ରୀ ବସୁନ୍ଧରା ରାଜେ । ଝାଲାୱାଡରେ ଆୟୋଜିତ ଏ ଜନସଭାରେ ନିଜ ସାଂସଦ ପୁଅ ଦୁଷ୍ୟନ୍ତ ସିଂହଙ୍କ ଭାଷଣ ଶୁଣିବା ପରେ ନିଜେ ଜନସଭାକୁ ସମ୍ବୋଧନ କରିଥିଲେ । ଏହି କ୍ରମରେ ବସୁନ୍ଧରା କହିଥିଲେ, ‘ମୋ ପୁଅ କଥା ଶୁଣିବା ପରେ ମୋତେ ଲାଗୁଛି ଏବେ ମୋତେ ରିଟାୟରମେଣ୍ଟ ନେବା ସମୟ ଆସିଛି । ଦଳର ବରିଷ୍ଠ ରାଜନେତାମାନେ ତାକୁ ଏତେ ଭଲ ଭାବେ ପ୍ରଶିକ୍ଷଣ ଦେଇଛନ୍ତି ଯେ, ମୋତେ ଆଉ କିଛି ବେଶି ପରିଶ୍ରମ କରିବାକୁ ପଡିବନି । ସେ ତା’ ଦମରେ ଆଗେଇପାରିବ ବୋଲି ମୋର ଦୃଢ ବିଶ୍ୱାସ’ ।
Kanak News is now on WhatsApp
Join and get latest news updates delivered to you via WhatsApp
ରାଜସ୍ଥାନରେ ବିଧାନସଭା ନିବାଚନ ନଭେମ୍ବର ୨୫ ରେ ଅନୁଷ୍ଠିତ ହେବ ଏବଂ ଡିସେମ୍ବର ୩ରେ ଗଣତି ହେବାର ସୂଚୀ ରହିଛି । ତେବେ ଚଳିତ ଥର ରାଜସ୍ଥାନ ପାଇଁ ମୁଖ୍ୟମନ୍ତ୍ରୀ ପ୍ରାର୍ଥୀ ଘୋଷଣା କରିନାହିଁ ବିଜେପି । ଏଭଳି ସ୍ଥିତିରେ କିଛି ମାସ ପୂର୍ବରୁ ବିଜେପି ନିର୍ବାଚନ ଜିତିବା ନେଇ ରାଜେଙ୍କ ଭୂମିକାକୁ ନେଇ ଚର୍ଚ୍ଚା ଚାଲିଛି ।