କନକ ବ୍ୟୁରୋ : କରୋନା ମହାମାରୀ ବିରୋଧରେ ଚାଲିଥିବା ଲଢେଇରେ ଭାରତର ପ୍ରଦର୍ଶନ ସବୁଠାରୁ ଆଗରେ ରହିଛି । ଏନେଇ ଜାନୁଆରୀ ୧୬ ତାରିଖରୁ ଆରମ୍ଭ ହୋଇଥିବା ଟିକାକରଣର ଦ୍ୱିତୀୟ ପର୍ଯ୍ୟାୟ ଆରମ୍ଭ ହୋଇଯାଇଛି । ଏହି କ୍ରମରେ ଆଜିଠାରୁ ୬୦ ବର୍ଷରୁ ଅଧିକ ଓ ୪୫ ବର୍ଷରୁ ଅଧିକ (ବ୍ୟାଧି ପୀଡିତ)ଙ୍କୁ ଟିକା ଦିଆଯାଉଛି । ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟିକା ନେଇ ଟିକାକୁ ନେଇ ଲୋକମାନଙ୍କ ମଧ୍ୟରେ ଥିବା ସନ୍ଦେହ ଦୂର କରିବାକୁ ଚେଷ୍ଟା କରିଛନ୍ତି । ଏହାସହ ଓଡିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ବିହାର ମୁଖ୍ୟମନ୍ତ୍ରୀ ନିତୀଶ କୁମାର ବି ଟିକା ନେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗୋଟିଏ ପଟେ ସରକାରୀ ସ୍ଥରରେ ଏହି ଟିକା ମାଗଣା ଦିଆଯାଉଥିବା ବେଳେ ଯେଉଁ ଲୋକମାନେ ଚାହିଁବେ ଏହି ଟିକାକୁ ବେସରକାରୀ ମେଡିକାଲରୁ ବି କିଣିପାରିବେ ବୋଲି କୁହାଯାଇଛି । ହେଲେ ବେସରକାରୀ ମେଡିକାଲରୁ ଟିକା କିଣିଲେ ପ୍ରତି ଡୋଜକୁ ୨୫୦ ଟଙ୍କା ଦେବାକୁ ହେବ ବୋଲି କୁହାଯାଇଛି ।
ଆଜି ପ୍ରଧାନମନ୍ତ୍ରୀ ଟିକା ନେବା ପରେ ବିଜେପି ପକ୍ଷରୁ ଦଳୀୟ ବିଧାୟକ ଓ ସାଂସଦ ମାନଙ୍କ ପାଇଁ ଏକ ନିର୍ଦ୍ଦେଶନାମା ଜାରି କରାଯାଇଛି । ଏଥିରେ କୁହାଯାଇଛି କି ଦଳର ସମସ୍ତ ବିଧାୟକ ଓ ସାଂସଦ ମାନେ ମାଗଣା ଟିକା ନ ନେଇ ଘରୋଇ ହସ୍ପିଟାଲରୁ ଟଙ୍କା ଦେଇ ଟିକା ନିଅନ୍ତୁ । ଏହା ଫଳରେ ସାଧାରଣ ଲୋକଙ୍କ ପାଇଁ ଅଧିକ ଟିକା ଯୋଗାଇ ହେବ । ଅନ୍ୟପଟେ ଲୋକପ୍ରତିନିଧି ମାନେ ନିଜ ନିଜ କ୍ଷେତ୍ରରେ ଥିବା ହସ୍ପିଟାଲରୁ ଟିକା ନେଲେ ଏହା ସାଧାରଣ ଲୋକଙ୍କର ବିଶ୍ୱାସଭାଜନ ହୋଇପାରିବ ଓ ଲୋକମାନେ ଟିକା ପ୍ରତି ଆଗ୍ରହ ଦେଖାଇବେ ।
କହିରଖୁ କି ଭାରତ ଇତିହାସରେ ପ୍ରଥମଥର ପାଇଁ ଟିକା ବିକ୍ରି ହେଉଛି । ଭାରତରେ ଯେତେ ମହାମାରୀ ଦେଖା ଦେଇଛି ତାହା ଲାଗି ସରକାରୀ ଅନୁଦାନରେ ସାଧାରଣ ଲୋକଙ୍କୁ ମାଗଣା ଟିକା ଦିଆଯାଇଥାଏ । ହେଲେ ପ୍ରଥମଥର ପାଇଁ ଟଙ୍କାଦେଇ ଟିକା ନେବାକୁ ସରକାର ପରାମର୍ଶ ଦେବାକୁ ସହଜରେ ଗ୍ରହଣ କରିପାରି ନାହାନ୍ତି ବିରୋଧୀ ।