ବିଜେପି ନେତାଙ୍କ ଦବଙ୍ଗଗିରି ! କାରର ବୋନଟ୍ ରେ କନେଷ୍ଟବଳଙ୍କୁ ୨୦୦ ମିଟର ଘୋଷାଡିଲେ ନେତା , ଗାଡି ଚାଳକଙ୍କୁ ଗିରଫ କଲା ପୋଲିସ୍
ବେଳେବେଳେ ନେତାଙ୍କ ଦବଙ୍ଗଗିରୀ ତାଙ୍କ ଉପରେ ହିଁ ଭାରୀ ପଡିଯାଏ । ଏଭଳି ଏକ ମାମଲା ଏବେ ଖୁବ୍ ଚର୍ଚ୍ଚାର ବିଷୟ ପାଲଟିଛି । ଏଭଳି ଏକ ମାମଲା ସୋମବାର ରେବାଡୀର ଭାଡାବାସ୍ ରୋଡ୍ ସ୍ଥିତ ରେଲୱେ ଫାଟକରେ ହୋଇଛି । ବିଜେପି ନେତାଙ୍କ ଏକ ଏସୟୁବି କାର୍ ସଡକରେ ଭୁଲ୍ ଦିଗରେ ଚାଲୁଥିବା ଦେଖି ରେଲୱେର ଜଣେ କନେଷ୍ଟବଳ ଗାଡିକୁ ଆୟତ୍ତ କରିବା ପାଇଁ ବୋନଟ୍ ଉପରେ ଚଢିଗଲେ । ଏହାପରେ ମଧ୍ୟ କାର୍ ଚାଳକ ଗାଡିକୁ ନ ରୋକି ଉକ୍ତ କନେଷ୍ଟବଳଙ୍କୁ ଘୋଷାଡି ଘୋଷାଡି ୨୦୦ ମିଟର ଦୂର ପର୍ଯ୍ୟନ୍ତ ନେଇ ଯାଇଥିଲେ । ପ୍ରତ୍ୟକ୍ଷଦର୍ଶୀଙ୍କ ସମେତ ଉକ୍ତ ସ୍ଥାନରେ ଲାଗିଥିବା ସିସିଟିଭି କ୍ୟାମେରାରୁ ଏହି ଘଟଣା ସ୍ପଷ୍ଟ ହୋଇଥିଲା । ସୋମବାର ଏହି ଘଟଣା ଘଟିବା ସମୟରେ ବିଜେପି ନେତା ସତିଶ୍ ଖୋଲା ଗାଡିରେ ଥିଲେ ଏବଂ ଏହି ଘଟଣା ତାଙ୍କ ଅଜାଣତରେ ହୋଇଥିଲା ବୋଲି ସେ କହିଥିଲେ । ତେବେ ଏହି ଘଟଣାକୁ କିଛି ଲୋକ ଫୋନରେ ଭିଡିଓ ଉତ୍ତୋଳନ କରି ସୋସିଆଲ୍ ମିଡିଆରେ ସେୟାର୍ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ବିଜେପି ନେତାଙ୍କ ଏଭଳି ବ୍ୟବହାର ଦେଖି ହୋମଗାର୍ଡ କାରର ବୋନଟ୍ ଉପରେ ବସି ପଡିଥିଲେ ଏବଂ କାରକୁ ୩୦୦ ମିଟର ପର୍ଯ୍ୟନ୍ତ ଘୋଷାଡି ନେଇଥିଲେ । ଏହା ଦେଖି ଉପସ୍ଥିତ ଥିବା ଲୋକମାନେ ଆଶ୍ଚର୍ଯ୍ୟ ହେବା ସହ ରାଗି ମଧ୍ୟ ଯାଇଥିଲେ । ଜନତାଙ୍କ କ୍ରୋଧକୁ ଦେଖି ବିଜେପି ନେତା ତ ସେଠାରୁ ଖସିଗଲେ କିନ୍ତୁ ହାତରେ ପଡିଗଲେ ଗାଡି ଚାଳକ । ଲୋକମାନେ ଡ୍ରାଇଭରକୁ ଧରି ପରେ ପୋଲିସରେ ଦେଇଥିଲେ । କନେଷ୍ଟବଳ ମୋନୁ ଯାଦବଙ୍କୁ ସଚ୍ଚୋଟତାର ସହ ଡ୍ୟୁଟି କରିବା ପାଇଁ ମଧ୍ୟ ପ୍ରଶଂସା କରାଗଲା ।