ଫେସବୁକରେ ମୃତ୍ୟୁର ମିଛ ଖବର । ମନ୍ତ୍ରୀ ପ୍ରତାପ ଜେନାଙ୍କ ପୋଷ୍ଟକୁ ବିରୋଧ କରିବାକୁ ଯାଇ ସୀମା ଲଂଘିଲେ ବିଜେପି ନେତା । ଜାଣିଶୁଣି ସିକନ୍ଦର ଅଲ୍ଲୀ ପୋଷ୍ଟ କଲେ ମିଛ ଖବର । ପୂର୍ବତନ ମନ୍ତ୍ରୀ ସମୀର ଦେଙ୍କ ସମ୍ପର୍କରେ ସୋସିଆଲ ମିଡ଼ିଆ ପୋଷ୍ଟକୁ ନେଇ ଥମୁନି ବିବାଦ ।
କନକ ବ୍ୟୁରୋ : ଅଜାଣତରେ ଭୁଲ କରିବା ଏବଂ ଜାଣି ଶୁଣି ଭୁଲ କରିବା ଭିତରେ ଯେଉଁ ତଫାତଟି ଅଛି, ସେହି ତଫାଥକୁ ହିଁ ବୟାନ କରୁଛି ଏହି ଦୁଇଟି ସୋସିଆଲ ମିଡ଼ିଆ ପୋଷ୍ଟ । ଗୋଟିଏ ପୋଷ୍ଟ ହେଉଛି ମନ୍ତ୍ରୀ ପ୍ରତାପ ଜୋନଙ୍କର ଆଉ ଅନ୍ୟଟି ହେଉଛି ବିଜେପି ନେତା ସିକନ୍ଦର ଅଲିଙ୍କ ଫେସବୁକ ପୋଷ୍ଟ । ପୂର୍ବତନ ମନ୍ତ୍ରୀ ସମୀର ଦେଙ୍କ ସମ୍ପର୍କରେ ଏକ ଭୁଲ ତଥ୍ୟକୁ ନେଇ ସୃଷ୍ଟି ହୋଇଛି ଏହି ବିବାଦ ।
Kanak News is now on WhatsApp
Join and get latest news updates delivered to you via WhatsApp
ବିଜେପିର ବରିଷ୍ଠ ନେତା ତଥା ପୂର୍ବତନ ମନ୍ତ୍ରୀ ସମୀର ଦେ’ଙ୍କ ସମ୍ପର୍କରେ କୌଣସି ଆଧାରରୁ ଭୁଲ ତଥ୍ୟ ପାଇ ମନ୍ତ୍ରୀ ପ୍ରତାପ ଜେନା ଫେସବୁକରେ ଲେଖିଥିଲେ, ସମୀର ଦେ’ ଆଉ ନାହାଁନ୍ତି । ଯାହା ତାଙ୍କୁ ମର୍ମାହତ କରିଛି । ଏଭଳିକି ତାଙ୍କ ପରିବାର ଲୋକଙ୍କୁ ସମବେଦନା ମଧ୍ୟ ଜଣାଇଥିଲେ । ଆଉ ଯେତେବେଳେ ଜାଣିଲେ ଯେ, ସମୀର ଦେ ସୁସ୍ଥ ଅଛନ୍ତି, ତୁରନ୍ତ ତାଙ୍କ ପୋଷ୍ଟକୁ ହଟାଇ ଦେଇଥିଲେ ।
ଆଉ ଏହା ପରେ ସାମ୍ନାକୁ ଆସିଥିଲା, ବିଜେପି ନେତା ସିକନ୍ଦର ଅଲିଙ୍କ ଫେସବୁକ ପୋଷ୍ଟ । ଯେଉଁଥିରେ ସେ ଲେଖିଥିଲେ, ବାଲେଶ୍ୱର ଉପ-ନିର୍ବାଚନ ପ୍ରଚାର କରୁଥିବା ସମୟରେ ହଠାତ୍ ହୃତଘାତରେ ପୀଡ଼ିତ ହୋଇ ଆମ ପ୍ରିୟ ମନ୍ତ୍ରୀ ଶ୍ରୀ ପ୍ରତାପ ଜେନାଙ୍କ ଅକାଳ ବିୟୋଗ ଖବର ଶୁଣି ମୁଁ ମର୍ମାହତ । ତାଙ୍କ ଅମର ଆତ୍ମାର ସଦଗତି ନିମନ୍ତେ ପ୍ରାର୍ଥନା କରିବା ସହ ଶୋକ ସନ୍ତପ୍ତ ପରିବାରକୁ ସମବେଦନା ଜଣାଉଛି ।
ଏହି ଫେସବୁକ ପୋଷ୍ଟ କେଉଁ ଉର୍ଦ୍ଦେଶ୍ୟ ରଖି କରାଯାଇଥିଲା, ତାହା ଆପଣ ଠିକ୍ ଜାଣି ପାରିବେ ଯଦି ଆପଣ ସିକନ୍ଦର ଅଲିଙ୍କ ପରବର୍ତୀ ପୋଷ୍ଟଟି ଦେଖିବେ । ସେଥିରେ ସେ ଲେଖିଛନ୍ତି- ଗତକାଲି ଏକ ଭୁଲ ତଥ୍ୟ ଶୁଣି ମୁଁ କରିଥିବା ପୋଷ୍ଟ ପାଇଁ ଦୁଃଖ ପ୍ରକାଶ କରୁଛି । ଜଗନ୍ନାଥଙ୍କ ନିକଟରେ ପ୍ରତାପ ବାବୁଙ୍କ ସୁସ୍ଥ ନିରାମୟ ଦୀର୍ଘ ଜୀବନ କାମନା କରୁଛି । ଆଉ ଏହି ସମ୍ପର୍କରେ ଯେଉଁ ସଫେଇ ରଖିଛନ୍ତି ସିକନ୍ଦର ଅଲ୍ଲୀ ।