ଆସାମରେ ଲଢେଇ ଜୋରଦାର । ମ୍ୟାଜିକ ନମ୍ବର ପାଇଁ ହେବ ମହାଲଢେଇ, ଜାଣନ୍ତୁ ପ୍ରାଥମିକ ଟ୍ରେଣ୍ଡରେ କିଏ କେତେ ଆସନରେ ଆଗୁଆ ।
କନକ ବ୍ୟୁରୋ : ଆସାମରେ କିଏ ଆଗରେ, କିଏ ପଛରେ? ଇଭିଏମ ଖୋଲିବା ସହ ଧୀରେ ଧୀରେ ଚିତ୍ର ସ୍ପଷ୍ଟ ହେଉଛି । ପ୍ରାରମ୍ଭିକ ଟ୍ରେଣ୍ଡରେ ୧୨୬ ଆସନରୁ ୩୩ ଆସନରେ ବିଜେପି ଆଗରେ ରହିଥିବା ବେଳେ କଂଗ୍ରେସ ମାତ୍ର ୨୨ଟି ଆସନରେ ଆଗୁଆ ରହିଛି । ତେବେ ଏହା ପ୍ରାରମ୍ଭିକ ଟ୍ରେଣ୍ଡ ହୋଇଥିବାରୁ ଆଗକୁ ଫଳାଫଳ ଆହୁରି ରୋମାଞ୍ଚକର ହୋଇପାରେ ।
Kanak News is now on WhatsApp
Join and get latest news updates delivered to you via WhatsApp
ଆସାମରେ ସରକାର ଗଢିବାକୁ ମ୍ୟାଜିକ ନମ୍ବର ୬୪ଟି ରହିଥିବା ବେଳେ ବିଜେପି ଏହି ନମ୍ବର ଅଭିମୁଖେ ରେସ ଆରମ୍ଭ କରିଛି । ଆସାମରେ ପୁଣିଥରେ ପଦ୍ମ ଫୁଟିବ ବୋଲି ବିଜେପି କ୍ୟାମ୍ପ ଆଶା ବାନ୍ଧି ବସିଛି । ସରକାରଙ୍କ ବିରୋଧରେ ଅସନ୍ତୋଷ ରହିଥିଲେ ମଧ୍ୟ ମୋଦି ଓ ଶାହାଙ୍କ ଷ୍ଟ୍ରାଟେଜି ବିଜେପିକୁ ବିଜୟ ଆଣିଦେବ ବୋଲି ଦଳୀୟ କ୍ୟାମ୍ପ ଦାବି କରୁଛି ।
ତେବେ ସରକାର ବିରୋଧୀ ହାୱା କଂଗ୍ରେସକୁ ଆସାମରେ ଶାସନ କ୍ଷମତାକୁ ଫେରାଇବ ବୋଲି ଆକଳନ କରାଯାଉଛି । ତେବେ ଏଗଜିଟ୍ ପୋଲ ଆକଳନ ଅନୁଯାୟୀ, ଆସାମରେ ସରକାର ଗଠନ ପାଇଁ ଉଭୟ କଂଗ୍ରେସ ଓ ବିଜେପି ମଧ୍ୟରେ କାଣ୍ଟେ କି ଟକ୍କର ଦେଖିବାକୁ ମିଳିପାରେ ।