ବିବାଦୀୟ ହେଉଛି ଝାରପଡା ହିଂସାକାଣ୍ଡ ମାମଲା । ଲକ୍ଷ୍ମୀସାଗର ଥାନା ଘେରାଉ କଲା ବିଜେପି ।
କନକ ବ୍ୟୁରୋ : ଝାରପଡା ରାଜନୈତିକ ହିଂସାକାଣ୍ଡ ଘଟଣା ବିବାଦୀୟ ହୋଇପଡିଛି । ପୁଲିସ ଏକପାଖିଆ କାର୍ଯ୍ୟାନୁଷ୍ଠାନ ନେଉଥିବା ଅଭିଯୋଗ ଆଣି ଭୁବନେଶ୍ୱର ଜିଲ୍ଲା ବିଜେପି ଲକ୍ଷ୍ମୀସାଗର ଥାନା ଘେରାଉ କରିଛି । ବିଜେପି ନେତା ଜଗନ୍ନାଥ ପ୍ରଧାନଙ୍କ ନେତୃତ୍ୱରେ ଥାନା ଆଗରେ ଧାରଣା ଦେଇଛନ୍ତି । ଭୁବନେଶ୍ୱର ଜିଲ୍ଲା ବିଜେପିର ସଂପାଦକ ରାକେଶ ଜେନାଙ୍କ ଗିରଫଦାରିକୁ ବିରୋଧ କରିଛି ଦଳ ।
Kanak News is now on WhatsApp
Join and get latest news updates delivered to you via WhatsApp
ବିଜେପିର ଅଭିଯୋଗ, ଗତ ଶୁକ୍ରବାର ହୋଇଥିବା ଗଣ୍ଡଗୋଳରେ ପୁଲିସ ଚାପରେ ଆସି ବିଜେପିର ଯୁବ ନେତାଙ୍କୁ ଗିରଫ କରିଛି । କିନ୍ତୁ ପୁଲିସ ଉପସ୍ଥିତିରେ ବିଜେପି କର୍ମୀଙ୍କ ଉପରେ ଆକ୍ରମଣ କରିଥିବା ଆକ୍ରମଣକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯାଉନାହିଁ । କିନ୍ତୁ ଗଣ୍ଡଗୋଳ ନେଇ ଥାନାରେ ଅଭିଯୋଗ କରିଥିବା ବିଜେପି କର୍ପୋରେଟର ପ୍ରାର୍ଥୀଙ୍କ ଦିଅର ରାକେଶ ଜେନାଙ୍କୁ ପୁଲିସ ଉଠାଇ ଆଣିଛି । ତେଣୁ ରାକେଶ ଜେନାଙ୍କୁ ନଛାଡିବା ଯାଏଁ ଧାରଣା ଜାରି ରହିବ ବୋଲି ବିଜେପି କର୍ମୀ ଚେତାବନୀ ଦେଇଛନ୍ତି । ପୌର ନିର୍ବାଚନରେ ଶାସକ ଦଳକୁ ସୁହାଇଲା ଭଳି କାମ ପୁଲିସ କରୁଥିବା ଅଭିଯୋଗ କରିଛି ବିଜେପି ।