ମହାରାଷ୍ଟ୍ର ରାଜନୀତିରେ ନୂଆ ବିବାଦର ବାସ୍ନା ! ରାହୁଲ ଗାନ୍ଧୀଙ୍କୁ ପ୍ରଶଂସା କଲା ଶିବସେନା
କନକ ବ୍ୟୁରୋ: ମହାରାଷ୍ଟ୍ର ରାଜନୀତିରେ ନୂଆ ବିବାଦର ବାସ୍ନା । ସହଯୋଗୀ ଦଳ ବିଜେପିକୁ ଟାର୍ଗେଟ କରିବାକୁ କଂଗ୍ରେସ ଉପାଧ୍ୟକ୍ଷ ରାହୁଲ ଗାନ୍ଧୀଙ୍କୁ ପ୍ରଶଂସା କଲା ଶିବସେନା । ଶିବସେନା ମୁଖପାତ୍ର ସଂଜୟ ରାଉତ ରାହୁଲଙ୍କୁ ପ୍ରଶଂସା କରିବା ସହ କହିଛନ୍ତି କି ଦେଶର ନେତୃତ୍ୱ ନେବା ପାଇଁ ରାହୁୁଲ ଏବେ ସମ୍ପୂର୍ଣ୍ଣ ଭାବେ ସକ୍ଷମ । ଦେଶରେ ମୋଦି ରାଲି ଶେଷ ହେବା ସହ ଗୁଜରାଟ ନିର୍ବାଚନରେ ବିଜେପିକୁ ପରାଜୟ ଭୋଗିବାକୁୁ ପଡିବ ବୋଲି କହିଛନ୍ତି ସଂଜୟ ।
Kanak News is now on WhatsApp
Join and get latest news updates delivered to you via WhatsApp
ତେବେ କେବଳ ଶିବସେନା ନୁହେଁ, ମହାରାଷ୍ଟ୍ର ନବନିର୍ମାଣ ସେନା ମୁଖ୍ୟ ରାଜ ଠାକରେ ବି ରାହୁଲ ଗାନ୍ଧିଙ୍କୁ ପ୍ରଶଂସା କରିଛନ୍ତି । ଗୁଜରାଟ ବିଧାନସଭା ନିର୍ବାଚନ ପୂର୍ବରୁ ରାହୁଲଙ୍କ ଲୋକପ୍ରିୟତା ବୃଦ୍ଧି ଯୋଗୁଁ ବିଜେପି ଭୟଭୀତ ହୋଇପଡିଛି ବୋଲି ସେ କହିଛନ୍ତି । କଂଗ୍ରେସର ଗୋଟିଏ ରାଲିର ଜବାବରେ ଭୟଭୀତ ହୋଇ ବିଜେପି ୮ଟି ରାଲି କରୁଥିବା କହିଛନ୍ତି ରାଜ ଠାକରେ । ଏହାକୁ ଟୁଇଟରରେ କଡ଼ା ସମାଲୋଚନା କରାଯାଇଛି ବୋଲି ମଧ୍ୟ ରାଜ ଠାକରେ କହିଛନ୍ତି ।