ସାମ୍ବାଦିକ ସମ୍ମିଳନୀରେ ବର୍ଷିଲା ବିଜେପି : ଭି ଶ୍ରୀନିବାସନ କହିଲେ, ମାଣିକେଶ୍ୱରୀଙ୍କ ନାଁ ନେଇ ଅନୁରୋଧ କରୁଛୁ ମନ୍ତ୍ରୀମଣ୍ଡଳରୁ ଓହରି ଯାଆନ୍ତୁ ଦିବ୍ୟଶଙ୍କର
କନକ ବ୍ୟୁରୋ : ବିଜେପି ପାର୍ଟି ଅଫିସରେ କେନ୍ଦ୍ରୀୟ ପ୍ରତିନିଧି ଦଳ ସାମ୍ବାଦିକ ସମ୍ମିଳନୀ କରିଛନ୍ତି । ମମିତା ହତ୍ୟା ମାମଲାରେ ସରଜମିନ ତଦନ୍ତରୁ କ’ଣ ପାଇଲେ କେନ୍ଦ୍ରୀୟ ପ୍ରତିନିଧି ଦଳ ସେ ନେଇ ସୂଚନା ଦେଇଛନ୍ତି । ଭି ଶ୍ରୀନିବାସନ କହିଛନ୍ତି ଯେ, ମାଣିକେଶ୍ୱରୀଙ୍କ ନାଁ ନେଇ ଅନୁରୋଧ କରୁଛୁ ମନ୍ତ୍ରୀମଣ୍ଡଳରୁ ଓହରି ଯାଆନ୍ତୁ ଦିବ୍ୟଶଙ୍କର । ମନ୍ତ୍ରୀ ଦିବ୍ୟଶଙ୍କର ମନ୍ତ୍ରୀମଣ୍ଡଳରୁ ଓହରିଲେ ଘଟଣାର ନିରପେକ୍ଷ ତଦନ୍ତ ହେବ ।
Kanak News is now on WhatsApp
Join and get latest news updates delivered to you via WhatsApp
ଏହାସହ ପୀଡିତା ପରିବାରକୁ ରାଜ୍ୟ ସରକାରଙ୍କ ପକ୍ଷରୁ ଅନୁକମ୍ପା ରାଶି ଶୀଘ୍ର ମିଳୁ ବୋଲି ବିଜେପି ପକ୍ଷରୁ କୁହାଯାଇଛି । ଏବଂ ସାକ୍ଷୀଙ୍କ ସୁରକ୍ଷା ବ୍ୟବସ୍ଥା କରନ୍ତୁ ରାଜ୍ୟ ସରକାର । ବିଜେପି ବାରମ୍ବାର ମମିତା ହତ୍ୟା ମାମଲାର ସିବିଆଇ ତଦନ୍ତ ଦାବି କରୁଥିବା ବେଳେ କେନ୍ଦ୍ରୀୟ ଟିମ ମଧ୍ୟ ଘଟଣାର ସିବିଆଇ ତଦନ୍ତ ଦାବି ଦୋହରାଇଛି । ଏବଂ ମୁଖ୍ୟମନ୍ତ୍ରୀ ସିବିଆଇ ତଦନ୍ତ ନିର୍ଦ୍ଦେଶ ଦେବେ ବୋଲି ପୁରା ବିଶ୍ୱାସ ରହିଥିବା ବିଜେପି କହିଛି । ଘଟଣାର ସରଜମିନ ତଦନ୍ତ ନେଇ ରିପୋର୍ଟ ବିଜେପି ରାଷ୍ଟ୍ରୀୟ ଅଧ୍ୟକ୍ଷଙ୍କୁ ଦିଆଯିବ ବୋଲି କହିଛି କେନ୍ଦ୍ରୀୟ ଟିମ ।
ସେପଟେ, ବିଭିନ୍ନ ଜିଲ୍ଲାରେ ବିଜେପି ବନ୍ଦ ପାଳନ କରୁଛି । ଏହି କ୍ରମରେ କେନ୍ଦ୍ରାପଡାରେ ବିଜେପି ବନ୍ଦ ପାଳନ କରିଛି । ସକାଳୁ ସକାଳୁ ପିକେଟିଂ କରୁଛନ୍ତି ବିଜେପି କର୍ମୀ । କଟକ ଚାନ୍ଦବାଲି ରାସ୍ତାର ତିନିମୁହାଣୀ ଠାରେ ରାସ୍ତା ଅବରୋଧ କରିଛନ୍ତି କର୍ମୀ । ସେହିପରି ଜଗତସିଂହପୁରେ ବି ବନ୍ଦ ପାଳନ କରୁଛି ବିଜେପି । ମମିତା ମେହେର ହତ୍ୟା ଘଟଣାରେ ଗ୍ୟୃହ ରାଷ୍ଟ୍ରମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ ଇସ୍ତଫା ଦାବି କରି ୧୨ଘଂଟିଆ ବନ୍ଦ ପାଳନ କରୁଛି ଦଳ । ଜିଲ୍ଲାର ସମସ୍ତ ବ୍ଲକ ଓ ପୌରାଂଚଳ ସମେତ ପାରାଦୀପ ଶିଳ୍ପାଂଚଳ ବନ୍ଦ କରାଯାଇଛି ।
ସେପଟେ ବୌଦ୍ଧରେ ବି ୧୨ଘଂଟା ବନ୍ଦ ପାଳନ କରାଯାଇଛି । ଶିକ୍ଷୟତ୍ରୀ ମମିତାଙ୍କୁ ନ୍ୟାୟ ଦେବା ଦାବିରେ ସକାଳ ୬ଟାରୁ ସଂଧ୍ୟା ୬ଟା ସୁଦ୍ଧା ବୈଦ୍ଧ ଜିଲ୍ଲାରେ ବନ୍ଦ ପାଳନ ଡାକରା ଦେଇଛି ବିଜେପି । ଏହି ସମୟରେ ଅତ୍ୟାବଶ୍ୟକ ଜିନିଷକୁ ଛାଡି ଦେଲେ ଆଉ ସବୁ ବନ୍ଦ ରହିବ । ବନ୍ଦ ଡାକରାକୁ ଠିକ୍ ଭାବରେ କାର୍ଯ୍ୟକାରୀ କରାଇବା ପାଇଁ ଜିଲ୍ଲାକୁ ଚାରି ଭାଗରେ ବିଭକ୍ତ କରାଯାଇଛି। ପ୍ରତି ଭାଗର କର୍ମକର୍ତ୍ତା ଓ କର୍ମୀ ନିଜ ଅଞ୍ଚଳରେ ପିକେଟିଂ କରିବେ। ବନ୍ଦ ସମୟ ମଧ୍ୟରେ ଯାନବାହନ ଚଳାଚଳ, ସରକାରୀ ଓ ବେସରକାରୀ କାର୍ଯ୍ୟାଳୟ ସଂପୂର୍ଣ୍ଣ ବନ୍ଦ ରହିବ। ତେବେ ଜରୁରୀକାଳନୀ ସେବା ଓ ପରୀକ୍ଷା ପାଇଁ ଯାଉଥିବା ଛାତ୍ରଛାତ୍ରୀଙ୍କ ଯାତାୟାତରେ କୌଣସି ପ୍ରତିବନ୍ଧକ ରହିବ ନାହିଁ।