କୁମାରସ୍ୱାମୀଙ୍କ ବିରୋଧରେ ଅନାସ୍ଥା ପ୍ରସ୍ତାବ ଆଣିଲା ବିଜେପି । ସେପଟେ ସୁପ୍ରିମକୋର୍ଟରେ ପହଞ୍ଚିଲେ ଆଉ ୬ ବିଧାୟକ ।
କନକ ବ୍ୟୁରୋ : କର୍ଣ୍ଣାଟକରେ ଜାରି ରହିଥିବା ନାଟକ ନୂଆ ମୋଡ ନେଇଛି । ମୁଖ୍ୟମନ୍ତ୍ରୀ କୁମାରସ୍ୱାମୀଙ୍କ ବିରୋଧରେ ଅନାସ୍ଥା ପ୍ରସ୍ତାବ ଆଣିଛି ଭାରତୀୟ ଜନତା ପାର୍ଟି । ଏହା ସହ କୁମାରସ୍ୱାମୀ ବିଧାନସଭାରେ ବହୁମତ ସାବ୍ୟସ୍ତ କରନ୍ତୁ ବୋଲି ମଧ୍ୟ ବିଜେପି ଦାବି କରିଛି । ଆଉ ଏହି ପ୍ରସ୍ତାବ ଉପରେ ଆଜି ବାଚସ୍ପତି ରମେଶ କୁମାର ନିଷ୍ପତି ନେଇପାରନ୍ତି । କେବଳ ଏତିକି ନୁହେଁ, ଯହି କୁମାରସ୍ୱାମୀ ବିଧାନସଭାରେ ବହୁମତ ସାବ୍ୟସ୍ତ ନକରନ୍ତି ତେବେ ଗୃହ କାର୍ଯ୍ୟରେ ବିଜେପି ବିଧାୟକ ବାଧା ସୃଷ୍ଟି କରିବେ ବୋଲି କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ କୁହାଯାଉଛି, କର୍ଣ୍ଣଟକ ମୁଖ୍ୟମନ୍ତ୍ରୀ ଏଚଡି କୁମାରସ୍ୱାମୀଙ୍କ ସହ ମଲ୍ଲିକାର୍ଜୁନ ଖଡଗେ ଏବଂ ଗୁଲାମ ନବୀ ଆଜାଦଙ୍କ ଭଳି ବରିଷ୍ଠ ନେତା ଆଜି ବାଗୀ ବିଧାୟକ ମାନଙ୍କୁ ହୋଟେଲରେ ସାକ୍ଷାତ କରିବାର ସମ୍ଭାବନା ରହିଛି । ସେପଟେ ୮ ଜଣ ବିଧାୟକ, ବାଚସ୍ପତି ତାଙ୍କ ଇସ୍ତଫା ଗ୍ରହଣ କରୁନଥିବା ଦର୍ଶାଇ ସୁପ୍ରିମକୋର୍ଟରେ ମାମଲା ଦାୟର କରିଛନ୍ତି । ଆସନ୍ତାକାଲି ଏହି ମାମଲାର ଶୁଣାଣୀ ହେବାର ସମ୍ଭାବନା ରହିଛି ।
ବିଦ୍ରୋହୀ କଂଗ୍ରେସ ଓ ଧର୍ମନିରପେକ୍ଷ ଜନତା ଦଳର ବିଧାୟକ ନରମ ଆଭିମୁଖ୍ୟ ପାଇଁ ରାଜି ନଥିବାବେଳେ ବିରୋଧୀ ମୁଖ୍ୟମନ୍ତ୍ରୀ କୁମାରସ୍ୱାମୀଙ୍କ ଇସ୍ତଫା ଦାବି କରିଛନ୍ତି । ଦଳୀୟ ନେତୃତ୍ୱ ସହ କଥାହେବା ଲାଗି କଂଗ୍ରେସର ବିଦ୍ରୋହୀ ବିଧାୟକ ମନା କରିଦେଇଛନ୍ତି । ବିଜେପି ନେତା ୟେଦୁୟରପ୍ପା କହିଛନ୍ତି, ସରକାରଙ୍କ ପାଖରେ ବହୁମତ ନଥିବାରୁ କୁମାରସ୍ୱାମୀ ଇସ୍ତଫା ଦେଇଦେବା ଦରକାର । ଆଉ ଏହାରି ଭିତରେ ମୁଖ୍ୟମନ୍ତ୍ରୀ କୁମାରସ୍ୱାମୀ ଓ କଂଗ୍ରେସ ନେତା ଡି.ଶିବକୁମାର କର୍ଣ୍ଣାଟକ ବାଚସ୍ପତିଙ୍କୁ ଭେଟିଛନ୍ତି । କଂଗ୍ରେସ-ଜେଡିଏସ ମେଂଟରୁ ୧୪ ବିଦ୍ରୋହୀ ବିଧାୟକ ଇସ୍ତଫା ଦେବା ପରେ କର୍ଣ୍ଣାଟକରେ ରାଜନୈତିକ ସଙ୍କଟ ସୃଷ୍ଟି ହୋଇଛି ।