କନକ ବ୍ୟୁରୋ: ୨୦୧୯ ନିର୍ବାଚନ ପାଇଁ ପ୍ରାର୍ଥୀ ତାଲିକା ଘୋଷଣା କରିଛି ଭାରତୀୟ ଜନତା ପାର୍ଟି । ୨ଟି ଲୋକସଭା ଏବଂ ୯ଟି ବିଧାନସଭା ପାଇଁ ପ୍ରାର୍ଥୀ ତାଲିକା ଘୋଷଣା କରିଛି ବିଜେପି । ବିଜେପିରେ ମିଶିବା ପରେ କନ୍ଧମାଳରୁ ଲୋକସଭା ଆସନ ପାଇଁ ଖାରବେଳ ସ୍ୱାଇଁଙ୍କୁ ପ୍ରାର୍ଥୀ କରିଛି ଦଳ । ସେହିପରି ପୂର୍ବତନ ଡିଜି ପ୍ରକାଶ ମିଶ୍ରଙ୍କୁ କଟକ ଲୋକସଭା ଆସନ ପାଇଁ ପ୍ରାର୍ଥ କରାଯାଇଛି । ସେହିପରି ୯ଟି ବିଧାନସଭା ଆସନ ପାଇଁ ପ୍ରାର୍ଥୀ ତାଲିକା ମଧ୍ୟ ଘୋଷଣା କରିଛି ବିଜେପି । ଝାରସୁଗୁଡା ବିଧାନସଭା ପାଇଁ ପାଇଁ ଦୀନେଶ ଜୈନଙ୍କୁ ପ୍ରାର୍ଥୀ କରାଯାଇଛି । ରାଇରଖୋଲରୁ ଦେବେନ୍ଦ୍ରେ ମହାପାତ୍ର, ଭଣ୍ଡାରୀପୋଖରୀରୁ ବଦ୍ରି ନାରାୟଣ ଧଳ, ଭଦ୍ରକରୁ ପ୍ରଦୀପ ନାୟକଙ୍କ ନାଁ ଘୋଷଣା କରାଯାଇଛି । ସେହିପରି ଫୁଲବାଣୀରୁ ଦେବନାରାୟଣ ପ୍ରଧାନ, ପାରାଦୀପରୁ ସମାପଦ ସ୍ୱାଇଁ, ଜୟଦେବ ନିର୍ବାଚନ ମଣ୍ଡଳୀରୁ ନରେନ୍ଦ୍ର ନାୟକ, ଜଟଣୀରୁ ବିଶ୍ୱରଂଜନ ବଡଜେନା ଓ ବେଗୁନିଆରୁ ପ୍ରଶାନ୍ତ ନନ୍ଦଙ୍କ ପୁଅ ରିଷଭ ନନ୍ଦଙ୍କୁ ପ୍ରାର୍ଥୀ କରିଛି ବିଜେପି ।
Kanak News is now on WhatsApp
Join and get latest news updates delivered to you via WhatsApp
କଟକରୁ ଲୋକସଭା ପ୍ରାର୍ଥୀ ପ୍ରକାଶ ମିଶ୍ର
କଟକରୁ ଲୋକସଭା ପ୍ରାର୍ଥୀ ଭାବେ ପ୍ରକାଶ ମିଶ୍ରଙ୍କୁ ଚୟନ କରିଛି ବିଜେପି । ପ୍ରକାଶ ମିଶ୍ର ହେଉଛନ୍ତି, ଅବସରପ୍ରାପ୍ତ ଆଇପିଏସ ଅଧିକାରୀ । ତାଙ୍କୁ ପୋଲିସ ଡିଜି ପଦରୁ ହଟାଯିବା ପରେ ସେ କେନ୍ଦ୍ରୀୟ ଡେପୁଟେସନରେ ଯାଇଥିଲେ । ଏପରିକି ସିବିଆଇ ନିର୍ଦ୍ଦେଶକ ରେସରେ ପ୍ରକାଶ ଆଗରେ ମଧ୍ୟ ରହିଥିଲେ । ତେବେ ପ୍ରକାଶଙ୍କ ନାଁରେ ଭିଜିଲାନ୍ସ ନିର୍ଦ୍ଦେଶକ ଦୁର୍ନୀତି ଅଭିଯୋଗ ଆଣିବା ପରେ ଏହି ରେସରୁ ବାଦ ପଡିଥିଲେ । ସେବେଠାରୁ ବିଜେଡି ସରକାର ସହ ପ୍ରକାଶଙ୍କର ତିକ୍ତ ସର୍ମ୍ପକ ରହି ଆସିଛି । ତେବେ ଗତକାଲି ସେ ବିଜେପିରେ ସାମିଲ ହୋଇଥିବା ବେଳେ ପ୍ରକାଶଙ୍କୁ ବିଜେପି କଟକ ଲୋକସଭା ଆସନରୁ ପ୍ରାର୍ଥୀ କରିବ ବୋଲି ଚର୍ଚ୍ଚା ହେଉଥିଲା ।
କନ୍ଧମାଳରୁ ଲୋକସଭା ପ୍ରାର୍ଥୀ ଲୋକସଭା ପ୍ରାର୍ଥୀ
ବାଲେଶ୍ୱରର ପୂର୍ବତନ ସାଂସଦ ହେଲେ ଖାରବେଳ ସ୍ୱାଇଁ । ସେ ପୂର୍ବରୁ ବିଜେପିରେ ଥିଲେ । ମାତ୍ର କୌଣସି କାଳରୁ ସେ ଦଳ ଛାଡି ଉତ୍କଳ ଭାରତ ଦଳ ଗଠନ କରିଥିଲେ । ତେବେ ଆଜି ସେ ବିଜେପିରେ ପୁଣିଥରେ ଯୋଗ ଦେଇଛନ୍ତି । ବିଜେପି କାର୍ଯ୍ୟାଳୟରେ ଖାରବେଳଙ୍କୁ ସ୍ୱାଗତ କରାଯାଇଥିଲା । ବିଜେପିରେ ମିଶିବା ପରେ ଖାରବେଳ କନ୍ଧମାଳ ଲୋକସଭା ଆସନରୁ ବିଜେପିର ସାଂସଦ ପ୍ରାର୍ଥୀ ଭାବେ ପ୍ରତିଦ୍ୱନ୍ଦ୍ୱିତା କରିବେ ବୋଲି କହିଥିଲେ ।
ଏହାପୂର୍ବରୁ ବିଜେପି ମଧ୍ୟ ୨୨ ବିଧାନସଭା ଓ ୫ଟି ଲୋକସଭା ଆସନ ପାଇଁ ପ୍ରାର୍ଥୀ ତାଲିକା ଘୋଷଣା କରିଛି । ଭାରତୀୟ ଜନତା ପାର୍ଟିରୁ ପୁରୀରୁ ଲଢ଼ିବେ ଦଳର ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ର । ସେହିପରି ଏଥର ସମ୍ବଲପୁର ବଦଳରେ ବରଗଡରୁ ନିର୍ବାଚନ ଲଢ଼ିବେ ସୁରେଶ ପୂଜାରୀ । ସମ୍ବଲପୁରରୁ ପ୍ରାର୍ଥୀ ହେବେ ନିତେଶ୍ ଗଙ୍ଗଦେବ । କଳାହାଣ୍ଡିରୁ ବସନ୍ତ କୁମାର ପଣ୍ଡା ଓ କୋରାପୁଟ ସଂରକ୍ଷିତ ଆସନରୁ ନିର୍ବାଚନ ଲଢ଼ିବେ ଜୟରାମ ପାଙ୍ଗି । ପୂର୍ବରୁ ୯ଟି ଲୋକସଭା ଆସନ ପାଇଁ ତାଲିକା ଘୋଷଣା କରିଥିଲା ବିଜେପି କେନ୍ଦ୍ରୀୟ ନିର୍ବାଚନ କମିଟି ।
ଦ୍ୱିତୀୟ ପଯ୍ୟାୟରେ ବିଧାନସଭା କ୍ଷେତ୍ରରେ କାହାକୁ ମିଳିଲା ବିଜେପି ଟିକେଟ-
ଭଟ୍ଟଲି – ଇରାଶିଷ୍ ଆଚାର୍ଯ୍ୟ
ଦେବଗଡ -ସୁବାଷ ପାଣିଗ୍ରାହି
ବୀରମହାରାଜପୁର- ରଘୁନାଥ ଝଗଡିଆ
ସୋନପୁର – ଅଶୋକ ପୂଜାରୀ
ବଲାଙ୍ଗୀର- ଅନନ୍ତ ଦାସ୍
ନୂଆପଡା – ହୋମସିଂ ମାଝୀ
ଝରିଗାଁ- ପର୍ଶୁରାମ ମାଝୀ
ଡାବୁଗାଁ – ପଦ୍ମନ ନାଏକ
ଭବାନୀପାଟଣା – ପ୍ରଦୀପ ନାଏକ
ଦଶପଲ୍ଳା – ପୂର୍ଣ୍ଣଚନ୍ଦ୍ର ନାଏକ
କବିସୂର୍ଯ୍ୟନଗର – ରଞ୍ଜନ ପଲାଇ
ଛତ୍ରପୁର – ପ୍ରଶାନ୍ତ କର
ଆସ୍କା – ଦେବରାଜ ମହାନ୍ତି
ସୁରଡା -ନୀଳମଣି ନାଗ
ବ୍ରହ୍ମପୁର – କାହ୍ନୁ ପତି
ଦିଗପହଣ୍ଡି – ପିଙ୍କି ପ୍ରଧାନ
ମୋହନା – ପ୍ରଶାନ୍ତ ମଲ୍ଲିକ୍
ଗୁଣୁପୁର -ଶିଶିର ଗମାଙ୍ଗ
ରାୟଗଡା – ବସନ୍ତ ଉଲ୍ଲାକା
ଜୟପୁର -ଗୌତମ ସାମନ୍ତରାୟ
କୋରାପୁଟ୍ – ତ୍ରିପୁରା ଗାର୍ଡ
ଚିତ୍ରକୋଣ୍ଡା – ପଦୁ ମାଝୀ
ତେବେ ୨୦୧୯ ସାଧାରଣ ନିର୍ବାଚନ ପାଇଁ ଟିକେଟକୁ ନେଇ ସବୁ ରାଜନୈତିକ ଦଳରେ ଲାଗିରହିଛି କନ୍ଦଳ । ବିଶେଷ କରି ଟିକେଟ ଘୋଷଣା ହେବା ପରେ ବିଜେପିରେ ଅସନ୍ତୋଷ ତେଜୁଥିବା ଦେଖିବାକୁ ମିଳିଛି ।