ପାଟନା ସାହିବରେ କଂଗ୍ରେସକୁ ଲାଗିବକି ବଡ ଝଟକା ? ଶତ୍ରୁଘ୍ନ ସିହ୍ନାଙ୍କୁ ପଛରେ ପକାଇ ୬୨ ହଜାର ଭୋଟରେ ଆଗୁଆ ରବିଶଙ୍କର ।

କନକ ବ୍ୟୁରୋ : ପାଟନା ସାହିବ ଲୋକସଭା ଆସନରେ କଂଗ୍ରେସକୁ ଲାଗିବକି ବଡ ଝଟକା ? ଦିନ ୧୨ଟା ୩୦ ମିନିଟ୍ ଟ୍ରେଣ୍ଡ ଅନୁଯାୟୀ, କଂଗ୍ରେସ ପ୍ରାର୍ଥୀ ଶତ୍ରୁଘ୍ନ ସିହ୍ନାଙ୍କୁ ପଛରେ ପକାଇ ଆଗକୁ ବଢି ଚାଲିଛନ୍ତି ବିଜେପି ପ୍ରାର୍ଥୀ ରବିଶଙ୍କର । ନିର୍ବାଚନ ପୂର୍ବରୁ ବିଜେପି ଛାଡି କଂଗ୍ରେସ ଶିବିରକୁ ଆସିଥିଲେ ଶତ୍ରୁଘ୍ନ । କୁହାଯାଉଛି, ଦଳ ବଦଳାଇଥିବାରୁ ଚଳିତ ନିର୍ବାଚନରେ ପାଟନା ସାହିବ ଆସନ ଶତ୍ରୁଘ୍ନ ସିହ୍ନାଙ୍କ ପାଇଁ ସମ୍ମାନର ଲଢେଇ । ତେବେ ବର୍ତ୍ତମାନ ସୁଦ୍ଧା ଯେଉଁ ସୂଚନା ହସ୍ତଗତ ହୋଇଛି, ସେଥିରୁ ଜଣାପଡିଛି ଯେ, ୬୨ ହଜାର ଭୋଟରେ ଆଗୁଆ ରହିଛନ୍ତି ରବିଶଙ୍କର ।