ଆଠଗଡ଼ରେ ବିଜେପି-ବିଜେଡି ସମର୍ଥକ ମୁହାଁମୁହିଁ । ବିଜେପି କର୍ମୀଙ୍କ ବିରୋଧରେ ମାମଲା ରୁଜୁ ।
କନକ ବ୍ୟୁରୋ: ଆଠଗଡ଼ରେ ବିଜେପି-ବିଜେଡି ସମର୍ଥକ ମୁହାଁମୁହିଁ । ଆଠଗଡ଼ ବ୍ଲକ ୩ ନମ୍ବର ଜୋନରେ ଆଠଗଡ଼ ବିଜେପି ପକ୍ଷରୁ ବିଧାୟକ ପ୍ରାର୍ଥୀ ଅଭୟ ବାରିକ ସମର୍ଥକଙ୍କ ସହ ରାଲିରେ ଯାଉଥିଲେ । ଏହି ସମୟରେ ଅନନ୍ତପୁର ପଞ୍ଚାୟତ ଠାରେ କିଛି ବିଜେଡି ସମର୍ଥକ ଅଭୟଙ୍କ ରାଲିକୁ ରୋକିଥିବା ଅଭିଯୋଗ ହୋଇଛି । ଫଳରେ ଦୁଇ ଦଳ ମଧ୍ୟରେ ମୁହାଁମୁହିଁ ପରିସ୍ଥିତି ଦେଖିବାକୁ ମିଳିଛି । ୨ ଦଳର ସମର୍ଥକ ହାତାହାତି ହୋଇଥିଲେ । ଏ ନେଇ ଖୁଂଟୁଣୀ ଥାନାରେ ଅଭିଯୋଗ କରିଥିଲେ ବିଜେପି ସମର୍ଥକ । ତେବେ ଖୁଂଟୁଣୀ ପୁଲିସ କୌଣସି କାର୍ଯ୍ୟାନୁଷ୍ଠାନ ନେଇନଥିବା ବିଜେପି ଅଭିଯୋଗ କରିଛି । ଯାହା ପରେ ଅଭୟ ବାରିକ ଓ କଟକ ଜିଲ୍ଲା ବିଜେପି ସଭାପତି ରାମନାରାୟଣ ମହାନ୍ତି, ନିଜ ସମର୍ଥକଙ୍କ ସହ ଥାନା ଘେରାଉ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟ ପକ୍ଷରେ ବିଜେଡି କର୍ମୀ କାଉଣ୍ଟର ଏଫଆଇଆର ଦେବାକୁ ଆସୁଥିବାବେଳେ ଖୁଂଟୁଣୀ ଥାନା ସମ୍ମୁଖରେ ଉଭୟ ପକ୍ଷ ଉଭୟ ପକ୍ଷକୁ ଢେଲାମାଡ କରିଥିଲେ । ଏପରିକି ଗାଡି ଭଙ୍ଗାରୁଜା ବି ହୋଇଛି । ପୁଲିସ ପହଞ୍ଚିି ପରିସ୍ଥିତିକୁ ନିୟନ୍ତ୍ରଣ କରିଛି । ବିଜେଡି ବି ବିଜେପି ବିରୋଧରେ ଏଫଆଇଏର ଦେଇଛି ।