ମିଶନ ୨୦୨୪: ୧୪ ରାଜ୍ୟ ଏବଂ କେନ୍ଦ୍ରଶାସିତ ପ୍ରଦେଶର ଅଧ୍ୟକ୍ଷଙ୍କ ସହ ଜେପି ନଡ୍ଡାଙ୍କ ବୈଠକ …
କନକ ବ୍ୟୁରୋ: ଲୋକସଭା ନିର୍ବାଚନ ଏବଂ ଆଗାମୀ ବିଧାନସଭା ନିର୍ବାଚନକୁ ନେଇ ବିଜେପି ତାର ପ୍ରସ୍ତୁତ ଜୋରଦାର କରିଛି । ସଂଗଠନକୁ ମଜବୁତ କରିବା ପାଇଁ ଦଳ ସମସ୍ତ ପ୍ରକାରର ଉଦ୍ୟମ ଜାରିରଖିଛି । ଦେଶର ବିଭିନ୍ନ ରାଜ୍ୟକୁ ଦଳ ତିନୋଟି ଭାଗରେ ବିଭକ୍ତ କରି କାମ ଆରମ୍ଭ କରିଛି । ଆଜି ଦିଲ୍ଲୀରେ ଏନେଇ ଏକ ବଡ ବୈଠକର ଆୟୋଜନ କରାଯାଇଛି । ଏହି ବୈଠକରେ ଉତ୍ତରାଞ୍ଚଳର ସମସ୍ତ ୧୪ ରାଜ୍ୟ ଏବଂ କେନ୍ଦ୍ରଶାସିତ ପ୍ରଦେଶର ଅଧ୍ୟକ୍ଷ, ମନ୍ତ୍ରୀ, ରାଜ୍ୟ ପ୍ରଭାରୀ ଏବଂ ବରିଷ୍ଠ ନେତା ଉପସ୍ଥିତ ରହିଥିଲେ ।
Kanak News is now on WhatsApp
Join and get latest news updates delivered to you via WhatsApp
ବିଜେପି ଅଧ୍ୟକ୍ଷ ଜେପି ନଡ୍ଡାଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଉତ୍ତରପ୍ରଦେଶ, ଉତ୍ତରାଖଣ୍ଡ, ରାଜସ୍ଥାନ, ଗୁଜରାଟ, ହିମାଚଳ ପ୍ରଦେଶ, ପଞ୍ଜାବ, ମଧ୍ୟପ୍ରଦେଶ, ଛତିଶଗଡ, ହରିୟାଣା. ଦିଲ୍ଲୀ, ଜାମ୍ମୁକାଶ୍ମୀର, ଲଦ୍ଦାଖ, ଚଣ୍ଡିଗଡ ଏବଂ ଦାମନଡିଉ-ଦାଦ୍ରାନଗର ହାବେଳୀର ସମସ୍ତ କେନ୍ଦ୍ରୀୟ ପଦାଧିକାରୀ ଉପସ୍ଥିତ ରହିଛନ୍ତି । ବୈଠକରେ ସମସ୍ତ ରାଜ୍ୟର ସଂଗଠନ ବାବଦରେ ବିସ୍ତୃତ ଭାବେ ଚର୍ଚ୍ଚା ହେବା ସହ ପ୍ରଦେଶରେ ଅନୁଷ୍ଠିତ ନିର୍ବାଚନ ଏବଂ ପ୍ରସଙ୍ଗ ବାବଦରେ ରଣନୀତି ପ୍ରସ୍ତୁତ ହେବ ।