କନକ ବ୍ୟୁରୋ : ଦିଲ୍ଲୀ ସରକାରରେ ଉପ ମୁଖ୍ୟମନ୍ତ୍ରୀ ତଥା ଅବକାରୀମନ୍ତ୍ରୀ ଥିବା ମନିଷ ସିସୋଦିଆଙ୍କ ଅବକାରୀ ନୀତିକୁ ବିରୋଧ କରି ବିଜେପି ପକ୍ଷରୁ ପ୍ରଦର୍ଶନ କରାଯାଇଛି । ଦିଲ୍ଲୀ ସରକାରଙ୍କ ଅବକାରୀ ନୀତି ବାବଦରେ ସିବିଆଇ ଯାଂଚ ପାଇଁ ଉପ ରାଜ୍ୟପାଳ ସୁପାରିଶ କରିବା ପରେ ଆକ୍ସନ ମୋଡକୁ ଆସିଛି ବିଜେପି । ଏନେଇ ଆଜି ଶହ ଶହ ବିଜେପି କର୍ମୀ ଉପ ମୁଖ୍ୟମନ୍ତ୍ରୀ ମନିଷ ସିସୋଦିଆଙ୍କ ଘର ଘେରାଉ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି କ୍ରମରେ ଦିଲ୍ଲୀ ବିଜେପି ନେତା ଆଦେଶ ଗୁପ୍ତା ମନିଷ ସିସୋଦିଆଙ୍କୁ ମନ୍ତ୍ରୀ ମଣ୍ଡଳରୁ ବିଦା କରିବାକୁ ଦାବି କରିଛନ୍ତି । ସେ କହିଛନ୍ତି କି ମୁଖ୍ୟମନ୍ତ୍ରୀ କେଜ୍ରିୱାଲ ନିଜ ମଦ ମାଫିଆଙ୍କୁ ଲାଭ ପହଂଚାଇବାକୁ କ୍ୟାବିନେଟର ବିନା ଆପ୍ରୁଭାଲରେ ଟଙ୍କା ଦେଇଛନ୍ତି । ଏନେଇ ଦିଲ୍ଲୀ ରାଜକୋଷରୁ ୧ ହଜାର କୋଟି ଟଙ୍କା ମଦ ମାଫିଆ ଲୁଟି ନେଇଛନ୍ତି ବୋଲି ଆଦେଶ ଗୁପ୍ତା ଅଭିଯୋଗ କରିଛନ୍ତି ।
କହିରଖୁ କି ଦିଲ୍ଲୀ ସରକାରଙ୍କ ଅବକାରୀ ନୀତିରେ କିଛି ଘୋଟାଲା ହୋଇଥିବା ସନ୍ଦେହ କରିଛନ୍ତି ଦିଲ୍ଲୀ ଉପ ରାଜ୍ୟପାଳ । ଏନେଇ ପ୍ରାଥମିକ ଯାଂଚ ପରେ ଏହା ଉପରେ ସିବିଆଇ ଯାଂଚ କରାଇବାକୁ ଉପ ରାଜ୍ୟପାଳ ସିବିଆଇକୁ ସୁପାରିଶ କରିଛନ୍ତି ।