ଦିନେ ଅନୁଚ୍ଛେଦ ୩୭୦କୁ ନେଇ ଦେଇଥିଲେ ଦମଦାର ଭାଷଣ । ଏବେ ଟିକେଟ୍ କାଟିଦେଲା ବିଜେପି । ଲଦାଖରୁ ବିଜେପି ପ୍ରାର୍ଥୀ ହେଲେ ତାଶୀ ଗ୍ଲାୟସନ୍
କନକ ବ୍ୟୁରୋ: ଲଦାଖ ସାଂସଦଙ୍କ ଟିକେଟ୍ କାଟିଲା ବିଜେପି । ଦିନେ ନିଜର ଭାଷଣ ପାଇଁ ଚର୍ଚ୍ଚାରେ ରହିଥିବା ଲଦାଖ ସାଂସଦ ଜାମୟାଙ୍ଗ ସେରିଙ୍ଗ୍ ନାମଗ୍ୟାଲଙ୍କ ଟିକେଟ୍ କାଟି ତାଙ୍କ ସ୍ଥାନରେ ତାଶୀ ଗ୍ଲାୟସନଙ୍କୁ ଟିକେଟ୍ ଦେଇଛି ବିଜେପି । ତେବେ ୨୦୧୯ ମସିହାରେ ଲଦାଖରୁ ସାଂସଦ ଭାବେ ନିର୍ବାଚିତ ହେଇଥିଲେ ଜାମୟାଙ୍ଗ ସେରିଙ୍ଗ୍ ନାମଗ୍ୟାଲ । ହେଲେ ଏଥର କିନ୍ତୁ ଦଳ ତାଙ୍କୁ ଟିକେଟ୍ ଦେଇନି ।
Kanak News is now on WhatsApp
Join and get latest news updates delivered to you via WhatsApp
BJP announces the candidature of Tashi Gyalson from Ladakh Constituency replacing its current MP Jamyang Tsering Namgyal from this seat.#LokSabhaElections2024 pic.twitter.com/lqd8fkMlbp
— ANI (@ANI) April 23, 2024
ସଂସଦରେ ଅନୁଚ୍ଛେଦ ୩୭୦ ଏବଂ ଜାମ୍ମୁକାଶ୍ମୀର ପୁନର୍ଗଠନ ବିଲ୍ ଉପରେ ଚର୍ଚ୍ଚା କରି ବେଶ ଭାଇରାଲ ହେଇଥିଲେ ଲଦାଖର ସାଂସଦ । ଏପରିକି ଗୃହମନ୍ତ୍ରୀ ଅମିତ ଶାହା ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ତାଙ୍କର ପ୍ରଂଶସା କରିଥିଲେ । ହେଲେ ଏବେ ଏହି ସାଂସଦଙ୍କ ଟିକେଟ୍ କାଟି ବିଜେପି ନୂଆ ଜଣେ ପ୍ରାର୍ଥୀଙ୍କୁ ଲଦାଖରୁ ଟିକେଟ୍ ଦେଇଛି । ମଙ୍ଗଳବାର ବିଜେପି ଲଦାଖ ପାଇଁ ପ୍ରାର୍ଥୀ ଘୋଷଣା କରିଛି । ପାର୍ଟି ଏଠାରୁ ତାଶୀ ଗ୍ଲାୟସନଙ୍କୁ ଟିକେଟ୍ ଦେଇଛି ।