୨୦୨୪ ପାଇଁ ‘ସେନାପତି’ ବାଛିଲା ବିଜେପି । ୧୫ ରାଜ୍ୟର ପ୍ରଭାରୀ ଓ ସହ-ପ୍ରଭାରୀ କଲା ନିଯୁକ୍ତ । ଜାଣନ୍ତୁ, କାହାକୁ ମିଳିଲା କେଉଁ ରାଜ୍ୟର ଦାୟିତ୍ୱ?

କନକ ବ୍ୟୁରୋ: ୨୦୨୪ ସାଧାରଣ ନିର୍ବାଚନ ପାଇଁ ସେନାପତି ବାଛିଛି ଭାରତୀୟ ଜନତା ପାର୍ଟି । ୧୫ ରାଜ୍ୟରେ ନୂଆ ପ୍ରଭାରୀ ଏବଂ ସହ ପ୍ରଭାରୀଙ୍କୁ ନିଯୁକ୍ତ କରିଛି ଦଳ । ଶୁକ୍ରବାର ପାର୍ଟିର ରାଷ୍ଟ୍ରୀୟ ମହାସଚିବ ଅରୁଣ ସିଂହ ସୂଚନା ଦେଇଛନ୍ତି ଯେ, ଜେପି ନଡ୍ଡା ନୂଆ ନାଁ ଉପରେ ମୋହର ମାରିଛନ୍ତି । ଯାହାକୁ ତତ୍କାଳ ପ୍ରଭାବରେ ଲାଗୁ କରାଯିିବ ।

ଜାରି କରାଯାଇଥିବା ସୂଚୀ ମୁତାବକ, ବିନୋଦ ତାବଡେଙ୍କୁ ବିହାର, ଓମ୍ ମାଥୁରଙ୍କ ଛତିଶଗଡ, ବପ୍ଲବ କୁମାର ଦେବଙ୍କୁ ହରିୟାଣା, ଲକ୍ଷ୍ମୀକାନ୍ତ ବାଜପେୟୀଙ୍କୁ ଝାଡଖଣ୍ଡ, ପ୍ରକାଶ ଜାଭେଦକରଙ୍କୁ କେରଳ, ରାଧାମୋହନ ଅଗ୍ରୱାଲଙ୍କୁ ଲାକ୍ଷାଦ୍ୱୀପ, ପି ମୁରଲୀଧର ରାଓଙ୍କୁ ମଧ୍ୟପ୍ରଦେଶ, ବିଜୟ ରୂପାଣୀଙ୍କୁ ପଞ୍ଜାବ ଓ ଚଣ୍ଡୀଗଡ, ତରୁଣ ଚୁଘଙ୍କୁ ତେଲେଙ୍ଗାନା, ଅରୁଣ ସିଂହଙ୍କୁ ରାଜସ୍ଥାନ, ମହେଶ ଶର୍ମାଙ୍କୁ ତ୍ରିପୁରା, ମଙ୍ଗଲ ପାଣ୍ଡେଙ୍କୁ ପଶ୍ଚିମବଙ୍ଗ ଏବଂ ସମ୍ବିତ ପାତ୍ରଙ୍କୁ ପୂର୍ବୋତ୍ତର ରାଜ୍ୟର ପ୍ରଭାରୀ ନିଯୁକ୍ତ କରାଯାଇଛି ।

भाजपा राष्ट्रीय अध्यक्ष श्री @JPNadda ने विभिन्न राज्यों के प्रभारी एवं सह-प्रभारी को नियुक्त किया है। pic.twitter.com/Rn4uyB8cmL

— BJP (@BJP4India) September 9, 2022

ସେହିପରି ସାଂସଦ ହରିଶ ଦ୍ୱିବେଦୀଙ୍କୁ ବିହାର, ବିଧାୟକ ନିତିନ ନବୀନଙ୍କୁ ଛତିଶଗଡ ରାଜ୍ୟର ସହ ପ୍ରଭାରୀ ନିଯୁକ୍ତ କରାଯାଇଛି । ତାଙ୍କ ସହିତ ସାଂସଦ ଡକ୍ଟର ରାଧାମୋହନ ଅଗ୍ରୱାଲଙ୍କୁ କେରଳ, ପଙ୍କଜା ମୁଣ୍ଡେ ଏବଂ ଡକ୍ଟର ରମାଶଙ୍କର କଠେରିଆଙ୍କୁ ମଧ୍ୟପ୍ରଦେଶ, ନରିନ୍ଦର ସିଂହ ରୈନାଙ୍କୁ ପଞ୍ଜାବ, ଅରବିନ୍ଦ ମେନନଙ୍କୁ ତେଲେଙ୍ଗାନା, ବିଜୟା ରାହଟକରଙ୍କୁ ରାଜସ୍ଥାନ, ଅମିତ ମାଲବୀୟ ଓ ଆଶା ଲକଡାଙ୍କୁ ପଶ୍ଚିମବଙ୍ଗ ଓ ରିତୁରାଜ ସିହ୍ନାଙ୍କୁ ପୂର୍ବୋତ୍ତର ରାଜ୍ୟର ସହ ପ୍ରଭାରୀ ନିଯୁକ୍ତ କରାଯାଇଛି ।