ରାତି ପାହିଲେ ଆସିବ ପିପିଲି ଉପନିର୍ବାଚନ ଫଳାଫଳ: ଠାକୁରଙ୍କ ଶରଣରେ ଗଲେ ବିଜେପି, ବିଜେଡି କର୍ମୀ
କନକ ବ୍ୟୁରୋ: ରାତି ପାହିଲେ ପିପିଲି ନିର୍ବାଚନ ଫଳାଫଳ ଆସିବ । ଏହା ପୂର୍ବରୁ ଭଗବାନଙ୍କ ଭରସାରେ ଦୁଇ ରାଜନୈତିକ ଦଳର କର୍ମୀ ଓ ସମର୍ଥକ । ଉଭୟ ବିଜେଡି ଏବଂ ବିଜେପି ପ୍ରାର୍ଥୀଙ୍କ ସମର୍ଥକମାନେ ସଂଧ୍ୟାରେ ଦୀପ ଜାଳ ଠାକୁରଙ୍କ ଆଶିର୍ବାଦ ଭିକ୍ଷା କରିବା ସହ ଭଜନକୀର୍ତ୍ତନ କରିଛନ୍ତି । ବିଜେଡି ପ୍ରାର୍ଥୀ ରୁଦ୍ର ମହାରଥୀଙ୍କ ପାଇଁ ଦାଣ୍ଡମୁକୁନ୍ଦପୁର ମନ୍ଦିରରେ ସମୂହ ଦୀପ ଦାନ କରିଛନ୍ତି ମହିଳା ସମର୍ଥକ ।
Kanak News is now on WhatsApp
Join and get latest news updates delivered to you via WhatsApp
ସେହିପରି ବିଜେପି କର୍ମୀମାନେ ମଂଗଳପୁର ଉତରବାଡ ମା କ୍ଷେତ୍ର ପାଳି ମନ୍ଦିର ଭିତରେ ଖୋଳ କୀର୍ତନ ଧରି ଭଜନ କରିଛନ୍ତି । ନିର୍ବାଚନ ଫଳାଫଳ ଆସିବା ଆଗରୁ ନିଜ ପ୍ରାର୍ଥୀଙ୍କୁ ଜିତାଇବାକୁ ସମର୍ଥକ ଭଗବାନଙ୍କୁ ପ୍ରାର୍ଥନା କରୁଥିବା ଦେଖିବାକୁ ମିଳିଛି । ନିର୍ବାଚନ ତାରିଖ ଘୋଷଣା ହେବା ପରଠୁ ଦଳୀୟ ପ୍ରାର୍ଥୀଙ୍କ ବିଜୟ ପାଇଁ ଦିନ ରାତି ଏକ କରିଦେଇଥିଲେ ଉଭୟ ଦଳର କର୍ମୀ ଓ ସମର୍ଥକ ।
ଏବେ ଭୋଟ ଗଣତିର ରାତିଏ ପୂର୍ବରୁ ଠାକୁରଙ୍କ ଶରଣରେ ଯାଇଛନ୍ତି । ଯେମିତି ସେମାନେ ଯାହା କର୍ମ କରିବା କଥା କରିସାରିଛନ୍ତି, ଏଣିକି ସବୁକିଛି ସେମାନେ ଠାକୁରଙ୍କ ଉପରେ ଛାଡି ଦେଇଛନ୍ତି । ଆସନ୍ତାକାଲି ସକାଳ ୮ଟାରୁ ପିପିଲି ଉପନିର୍ବାଚନର ଭୋଟ ଗଣତି ଆରମ୍ଭ ହେବ ।