ବିଜେପି-ବିଜେଡି ମଧ୍ୟରେ ଲଢେଇ ହେବ, ବିଜେଡି ୮୦୦ରୁ ଅଧିକ ଜିଲ୍ଲା ପରିଷଦ ଆସନରେ ବିଜୟୀ ହେବ । ପଞ୍ଚାୟତ ଭୋଟ ପୂର୍ବରୁ ଦମ୍ଭ ଦେଖାଇଲେ ପ୍ରମିଳା ।
କନକ ବ୍ୟୁରୋ : ପଞ୍ଚାୟତ ନିର୍ବାଚନରେ ଭୋଟ ଗ୍ରହଣ ପୂର୍ବରୁ ଦମ୍ଭ ଦେଖାଇଛନ୍ତି ବିଜେଡି ଉପ-ସଭାନେତ୍ରୀ ପ୍ରମିଳା ମଲ୍ଲିକ । ଏଥର ବିଜେଡି ୮୦୦ରୁ ଅଧିକ ଜିଲ୍ଲା ପରିଷଦ ଆସନରେ ବିଜୟୀ ହେବ ବୋଲି କହିଛନ୍ତି ପ୍ରମିଳା । ଏହାସହ ଚଳିତ ପଞ୍ଚାୟତ ନିର୍ବାଚନରେ କଂଗ୍ରେସ ଅସ୍ତିତ୍ୱ ହରାଇବ । କାରଣ କଂଗ୍ରେସର ଭୋଟ ହେବ ବିଜେପି କ୍ୟାମ୍ପରେ । କିନ୍ତୁ ଏହାର ପ୍ରଭାବ ବିଜେଡିର ଫଳାଫଳ ଉପରେ ପଡିବ ନାହିଁ ବୋଲି ପ୍ରମିଳା କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କେବଳ ଏତିକି ନୁହେଁ ବିଦ୍ରୋହୀ ପ୍ରାର୍ଥୀ ବିପଦ ସାଜିବେ ବୋଲି ଯେଉଁ ଚର୍ଚ୍ଚା ହେଉଛି ସେଭଳି ଦେଖିବାକୁ ମିଳିବ ନାହିଁ । ଲୋକେ ଶଙ୍ଖ ଚିହ୍ନରେ ଏବଂ ବିଜେଡିକୁ ଭୋଟ ଦେବେ । ଲୋକେ ସଚେତନ ଅଛନ୍ତି ସ୍ୱାଧୀନ ପ୍ରାର୍ଥୀଙ୍କୁ ଭୋଟ ଦେବେ ନାହିଁ । ଆଶାୟୀ ଅନେକ ଥିଲେ କିନ୍ତୁ ସମସ୍ତଙ୍କୁ କଣ ଦଳ ପ୍ରାର୍ଥୀ କରିପାରିବ । ସମସ୍ତଙ୍କ ସହ ଆଲୋଚନା କରାଯାଇ ବୁଝାସରିଛି, ସମସ୍ତେ ଦଳୀୟ ଲାଇନରେ କାମ କରିବେ ବୋଲି ପ୍ରତିଶ୍ରୁତି ଦେଇଛନ୍ତି । ବିଜେଡି ବିଜୟୀ ହେବ, ବରଗଡ ଅମ୍ଭାବନାରେ ବିଜେଡି ପ୍ରାର୍ଥୀ ନିଦ୍ୱର୍ନ୍ଦରେ ନିର୍ବାଚିତ ହେବା ଏହାର ସଂକେତ ବୋଲି ସେ କହିଛନ୍ତି ।
ତେବେ ଚଳିତ ନିର୍ବାଚନରେ ତ୍ରିମୁଖୀ ନୁହେଁ ଦ୍ୱିମୁଖୀ ଲଢେଇ ହେବ ବୋଲି ପ୍ରମିଳା କହିଛନ୍ତି । କାରଣ କଂଗ୍ରେସ ଭୋଟ ଏବେ ବିଜେପି କ୍ୟାମ୍ପରେ । କଂଗ୍ରେସ ଜିତିବାର ପ୍ରଶ୍ନ ଉଠୁନାହିଁ । ଲଢେଇ ବିଜେପି-ବିଜେଡି ମଧ୍ୟରେ ହେବ । ଆଉ ବିଜେଡି ହିଁ ଏହି ଲଢେଇରେ ବାଜିମାତ୍ କରିବ । ଲୋକଙ୍କର ବିଜେଡି ପ୍ରତି ଆସ୍ଥା ଅଛି ତାହା ବରଗଡ ଅମ୍ଭାବନା ନିର୍ବାଚନରେ ବିଜେଡି ପ୍ରାର୍ଥୀ ନିଦ୍ୱନ୍ଦରେ ନିର୍ବାଚିତ ହେବା ପରେ ଜଣାପଡିଛି ।