ନିର୍ବାଚନ ଫଳାଫଳକୁ ନେଇ ଫାଇଭ-ଟି ଅଧ୍ୟକ୍ଷ ଭି.କେ.ପାଣ୍ଡିଆନଙ୍କ ବଡ ଦାବି । କହିଲେ, ରେକର୍ଡ ବ୍ୟବଧାନ ସହ ଜିତିବ ବିଜେଡି ।
କନକ ବ୍ୟୁରୋ: ଲୋକସଭା ଓ ବିଧାନସଭା ନିର୍ବାଚନକୁ ନେଇ ବଡ ଦାବି କରିଛନ୍ତି ଫାଇଭ-ଟି ଅଧ୍ୟକ୍ଷ ତଥା ବିଜେଡି ନେତା ଭି.କେ.ପାଣ୍ଡିଆନ । ସେ କହିଛନ୍ତି, ଏଥର ରେକର୍ଡ ବ୍ୟବଧାନ ସହ ତିନି- ଚତୁର୍ଥାଂଶ ଆସନରେ ଜିତିବ ବିଜେଡି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଭୁବନେଶ୍ୱରରେ ଆୟୋଜିତ ବିଜୁ ଶ୍ରମିକ ସାମୁଖ୍ୟର ରାଜ୍ୟସ୍ତରୀୟ ସମ୍ମିଳନୀରେ ଯୋଗଦେଇ ପାଣ୍ଡିଆନ କହିଛନ୍ତି, ନବୀନ ପଟ୍ଟନାୟକ ବଡ ବ୍ୟବଧାନରେ ଜିତି ପୁଣି ସରକାରକୁ ଆସୁଛନ୍ତି । ଲୋକସଭା ନିର୍ବାଚନରେ ବି ଦଳ ଗତଥରଠାରୁ ଭଲ ପ୍ରଦର୍ଶନ କରିବ । ସେଥିପାଇଁ ଲୋକଙ୍କଠାରୁ ଦୁଇଟି ଆଶୀର୍ବାଦ ଦରକାର । ପ୍ରଥମେ ବିଧାନସଭା ପାଇଁ ଓ ଅନ୍ୟଟି ଲୋକସଭା ପାଇଁ । ପ୍ରାର୍ଥୀଙ୍କୁ ଦେଖିବେ ନାହିଁ । ବରଂ ଭୋଟର ନବୀନ ପଟ୍ଟନାୟକ ଓ ଶଙ୍ଖ ଚିହ୍ନକୁ ଦେଖିବେ ବୋଲି କହିଛନ୍ତି ଭି.କେ.ପାଣ୍ଡିଆନ ।