ବିଜେଡି କପି ପେଷ୍ଟ ସରକାର ଚଳାଇଛି । କେନ୍ଦ୍ର ଯୋଜନାକୁ ନିଜ ନାଁରେ କରି ଶ୍ରେୟ ନେବାକୁ ଚାହୁଁଛନ୍ତି ରାଜ୍ୟ ସରକାର, ଲେଖାଶ୍ରୀ କହିଲେ ବିଜେପି ଏମିତି ହେବାକୁ ଦେବନି ।
କନକ ବ୍ୟୁରୋ : କେନ୍ଦ୍ରୀୟ ଯୋଜନାରେ ରାଜ୍ୟ ଷ୍ଟିକର ଲଗାଇ ଶ୍ରେୟ ନେଉଥିବା ଅଭିଯୋଗ ଆଣିଛି ବିଜେପି । ଲେଖାଶ୍ରୀ ସାମନ୍ତସିଂହାର କହିଛନ୍ତି, ପରଘର ତିଅଣରେ ଅତିଥି ଚର୍ଚ୍ଚାକୁ ଆଉ ଓଡ଼ିଶା ଲୋକ ଗ୍ରହଣ କରିବେନି । କପିପେଷ୍ଟ ସରକାର ସାଜିଛି ବିଜେଡି । କେନ୍ଦ୍ର ଅର୍ଥରୁ କେନ୍ଦ୍ରୀୟ ଯୋଜନାରୁ ଲୋକପ୍ରିୟତା, ଶ୍ରେୟ ନେବା ପାଇଁ ଲମ୍ବା ସମୟ ହେଲା ଚେଷ୍ଟା ଚଳେଇଛି ବିଜେଡି । ଆଗରୁ କଂଗ୍ରେସ ଓ ବିଜେଡି ଉଭୟ ଏ ଆଉ ବି ଟିମ୍ ଭାବେ କାମ କରୁଥିଲେ, ଏ ପ୍ରସଙ୍ଗକୁ ଉଠାଉ ନଥିଲେ । ବିଜେପି ମୁଖ୍ୟ ବିରୋଧୀ ଦଳ ହେବା ପରେ ବାରମ୍ବାର ଅଭିଯୋଗ କରିଛୁ ବିଜେଡି କେନ୍ଦ୍ରୀୟ ଯୋଜନା ହଡପ କରୁଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ମାଗଣା ଚାଉଳ ମୋଦି ଦେଉଛନ୍ତି ହେଲେ ରାଜ୍ୟ ସରକାର ହାତଗଣତି କିଛି ଲୋକଙ୍କୁ ଦେଇ ଶ୍ରେୟ ନେବାକୁ ଚେଷ୍ଟା କରୁଛି । ୩ କୋଟି ୨୭ ଲକ୍ଷ ଲୋକଙ୍କୁ ଚାଉଳ ଦେଉଛନ୍ତି ମୋଦି, ମାତ୍ର ୫ ଲକ୍ଷ ଲୋକଙ୍କୁ ଚାଉଳ ଦେଉଛି ବିଜେଡି ସରକାର । ହେଲେ ସବୁ ହିତାଧିକାରୀଙ୍କୁ ଶଙ୍ଖ, ସରକାରଙ୍କ ଲଗୋ, ଫାଇଭ ଟି ଚିହ୍ନ ଲଗାଇ ବ୍ୟାଗ ବାଣ୍ଟୁଛି ବିଜେଡି । ମୋଦି ଚାଉଳ ବିଜେଡି ବ୍ୟାଗରେ ବାଣ୍ଟିବାକୁ ଦେବନି ବିଜେପି । ପ୍ରତ୍ୟେକ ରାସନ କେନ୍ଦ୍ରରେ ପହଞ୍ଚିବ ଦଳ, ସବୁ ଘରକୁ ପହଞ୍ଚିବ ବିଜେପି । ୨ ନମ୍ବରି ରାଜନୀତି ଆଉ ଚୋରି ରାଜନୀତିରୁ ବାଦ୍ ରହିବାକୁ ଲେଖାଶ୍ରୀ ରାଜ୍ୟ ସରକାରଙ୍କୁ ଚେତାଇ ଦେଇଛନ୍ତି ।