ଆଦିବାସୀ ଜମୀ ବିକ୍ରି ପ୍ରସଙ୍ଗ । ରାଜ୍ୟସଭାରେ ଧର୍ମେନ୍ଦ୍ର ପ୍ରଧାନ ଓ ସସ୍ମିତ ପାତ୍ରଙ୍କ ମଧ୍ୟରେ କଥା କଟାକଟି
କନକ ବ୍ୟୁରୋ : ରାଜ୍ୟସଭାରେ ମୁହାଁମୁହିଁ ହୋଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ବିଜେଡି ସାଂସଦ ସସ୍ମିତ ପାତ୍ର । ଅନୁସୂଚିତ ଜାତି ଓ ଜନଜାତି ଆଦେଶ ସଂଶୋଧନ ବିଲ-୨୦୨୪ ପାଇଁ ଗୃହରେ ଚାଲିଥିଲା ବିତର୍କ । ଧର୍ମେନ୍ଦ୍ର ପ୍ରଧାନ… ଏହି ଅବସରରେ ଆଦିବାସୀଙ୍କ ପ୍ରସଙ୍ଗ ଉଠାଇ ରାଜ୍ୟ ସରକାରଙ୍କୁ ଟାର୍ଗେଟ କରିଥିଲେ ଧର୍ମେନ୍ଦ୍ର ପ୍ରଧାନ । କେନ୍ଦ୍ର ଶିକ୍ଷାମନ୍ତ୍ରୀ କହିଥିଲେ-
ଧର୍ମେନ୍ଦ୍ର ପ୍ରଧାନ, କେନ୍ଦ୍ରମନ୍ତ୍ରୀ
ଆଦିବାସୀଙ୍କ ଜମି ବିକ୍ରି କରିବାରୁ ନିଷ୍ପତ୍ତି କଲା ରାଜ୍ୟ କ୍ୟାବିନେଟ୍
ନିଷ୍ପତ୍ତିକୁ ନେଇ ଆଦିବାସୀ ସମାଜରେ ଆକ୍ରୋଶ ଓ ଆପତ୍ତି ହେଲା
ବହୁତ ବିରୋଧ ପରେ ସରକାର ଏହି ନିଷ୍ପତ୍ତି ଫେରାଇ ନେଲେ
Kanak News is now on WhatsApp
Join and get latest news updates delivered to you via WhatsApp
ଦିଲ୍ଲୀରୁ ଚେତାବନୀ କଥା ଶୁଣି ଚିହିଁକି ଉଠିଥିଲେ ବିଜେଡି ସାଂସଦ ସସ୍ମିତ ପାତ୍ର । ଏହା ସଂଘୀୟ ବ୍ୟବସ୍ଥାର ଉଲ୍ଲଂଘନ ଓ ଗଣତନ୍ତ୍ର ପାଇଁ ଦୁଃଖର ଦିନ ବୋଲି କହିଥିଲେ ବିଜେଡି ସାଂସଦ ।
ସସ୍ମିତ ପାତ୍ର, ବିଜେଡି ସାଂସଦ
ଆଦିବାସୀଙ୍କ ଜମି ବିକ୍ରି କରିବାର କୌଣସି ପ୍ରସ୍ତାବ ନଥିଲା
ଶିକ୍ଷା ଓ ସ୍ୱାସ୍ଥ୍ୟ ପାଇଁ ଜମି ବନ୍ଧକ ରଖିବାକୁ ଅନୁମତି ଦିଆଯାଇଥିଲା
ପରେ ଏହି ପ୍ରସ୍ତାବକୁ ରାଜ୍ୟ କ୍ୟାବିନେଟ ଦ୍ୱାରା ରଦ୍ଦ କରିଦିଆଗଲା
ସମ୍ବଲପୁର ଗସ୍ତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରାଜ୍ୟ ସରକାରଙ୍କ ବିରୋଧରେ କୌଣସି କଡା ଟିପ୍ପଣୀ କରିନଥିଲେ । ଏହାକୁ ନେଇ ବିଜେପି-ବିଜେଡି ଏକାଠି ବୋଲି ଅଭିଯୋଗ କରୁଥିଲା କଂଗ୍ରେସ । ହେଲେ ରାଜ୍ୟସଭାରେ ଏଭଳି କଥା କଟାକଟି ପୁଣିଥରେ ଦୁଇଦଳ ଭିତରେ ମତଭେଦକୁ ଦର୍ଶାଇଛି ।
ବିଲଟି ରାଜ୍ୟସଭାର ଅନୁମୋଦନ ଲାଭ କରିଛି । ବିଲକୁ ନେଇ ଆଲୋଚନା ବେଳେ କେନ୍ଦ୍ରମନ୍ତ୍ରୀ କହିଛନ୍ତି ଓଡିଶାର ୪ଟି ନିର୍ଦ୍ଦିଷ୍ଟ ଦୁର୍ବଳ ଆଦିବାସୀ ଗୋଷ୍ଠୀ ପାଉଡି଼ ଭୂୟାଁ, ଚୁକ୍ତିଆ ଭୁଞ୍ଜିଆ, ବଣ୍ଡା ଓ ମାଙ୍କଡି଼ଆ ଭଳି ଆଦିମ ଆଦିବାସୀ ଗେଷ୍ଠୀକୁ ଜନଜାତିର ମାନ୍ୟତା ମିଳିବା ନେଇ ବ୍ୟବସ୍ଥା ରହିଛି ।