ବିଜେପି ସରକାର ନେଇ ଦମ୍ଭୋକ୍ତି ଦେଖାଇଲେ ରାଜନାଥ । ଜବାବ ରଖିଲେ ବିଜେଡି ବିଧାୟକ । କହିଲେ ଓଡିଶାରେ କାମ କରିବନି ମୋଦୀ ଗ୍ୟାରେଣ୍ଟିଂ ।
କନକ ବ୍ୟୁରୋ: ଓଡିଶାରେ ବିଜେପି ସରକାର ଗଠନ କରିବା ନେଇ କେନ୍ଦ୍ର ପ୍ରତିରକ୍ଷା ମନ୍ତ୍ରୀଙ୍କ ଦମ୍ଭୋକ୍ତି ପରେ ଏନେଇ ପ୍ରତିକ୍ରିୟା ରଖିଛି ବିଜେଡି । ବିଜେଡି ବିଧାୟକ ରାଜକିଶୋର ଦାସଙ୍କ କହିବା କଥା, ଇଲେକ୍ସନ ସମୟରେ କେନ୍ଦ୍ରମନ୍ତ୍ରୀ ଆସୁଛନ୍ତି, ଇଲେକ୍ସନ ସମୟରେ ମଧ୍ୟ ଏମିତି ଅନେକ ନେତା ଆସିପାରନ୍ତି । ଓଡିଶାକୁ ଯେତେ ବି କେନ୍ଦ୍ରମନ୍ତ୍ରୀ ଆସିଲେ ଏହାର ପ୍ରଭାବ କିଛି ବି ପଡିବନି ବୋଲି ବିଜେଡି ବିଧାୟକ ଦାବି କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ୨୦୧୯ର ଉଦାହରଣ ଦେଇ ସେ କହିଛନ୍ତି, ଗତଥର ନିର୍ବାଚନ ପୂର୍ବରୁ କେନ୍ଦ୍ରର ବଡ ନେତାମାନେ କହୁଥିଲେ ବିଜେଡି ପୋଡ଼ା ଟ୍ରାନସଫର୍ମର ବୋଲି, କିନ୍ତୁ ବିଜେଡି ପୂର୍ଣ୍ଣ ସଂଖ୍ୟାଗରିଷ୍ଠତାର ସହ ନିର୍ବାଚନ ଜିତିଥିଲା । ଓଡ଼ିଶାରେ ବିଜେଡି ୫-୫ ଥର ଜିତିଛି । ଓଡ଼ିଶାରେ ମୋଦି ଗ୍ୟାରେଣ୍ଟି କିଛି ବି କାମ କରିବନି, ନବୀନ ପଟ୍ଟନାୟକଙ୍କ ଲୋକପ୍ରିୟତା ଏଠି ଅଛି ବୋଲି ରାଜକିଶୋର କହିଛନ୍ତି ।
ଖାଲି ସେତିକି ନୁହେଁ ମୁଡ୍ ଅଫ୍ ଦି ନେସନ୍ ସର୍ଭେ ଅନୁସାରେ ମୁଖ୍ୟମନ୍ତ୍ରୀଙ୍କ ଲୋକପ୍ରିୟତା ଆଗରେ ଆଉ କୌଣସି ନେତା ନାହାଁନ୍ତି । ଆଦର୍ଶ ମୁଖ୍ୟମନ୍ତ୍ରୀ ଶ୍ରେଷ୍ଠ ପ୍ରଶାସକ ଭାବେ ପୁରସ୍କୃତ ମଧ୍ୟ ହୋଇଛନ୍ତି । ନବୀନ ପଟ୍ଟନାୟକଙ୍କ ନାରେ ଭୋଟ ଥିବା କାରଣରୁ ସେ ଜିତିବା ସହ ତାଙ୍କ ଦଳ ବିଜେଡି ଜିତିବ ବୋଲି ରାଜକିଶୋର କହିଛନ୍ତି ।