କନକ ବ୍ୟୁରୋ: ପଞ୍ଚାୟତ ନିର୍ବାଚନ ପାଇଁ ବଢୁଛି ରାଜନୀତି । ବିଭିନ୍ନ ଦଳର ପ୍ରାର୍ଥୀମାନେ ନାମାଙ୍କନପତ୍ର ଦାଖଲ କରିବା ଆରମ୍ଭ କରିସାରିଲେଣି । ଆଉ ଦଳ ଦଳ ମଧ୍ୟରେ ଏହାକୁ ନେଇ ଏବେଠୁ ରଣନୀତି ମଧ୍ୟ ଆରମ୍ଭ ହୋଇସାରିଲାଣି । ତେବେ କେନ୍ଦୁଝର ଜିଲ୍ଲାରେ ଜଣେ ବିଜେଡି ବିଧାୟକଙ୍କ ଭାଇ ବିଜେପି ପକ୍ଷରୁ ପ୍ରାର୍ଥୀ ହୋଇଛନ୍ତି । ଯାହାକି ଏବେ କେନ୍ଦୁଝର ରାଜନୀତିରେ ଚର୍ଚ୍ଚା ସୃଷ୍ଟି କରିଛି ।
Kanak News is now on WhatsApp
Join and get latest news updates delivered to you via WhatsApp
କେନ୍ଦୁଝରରେ ପଞ୍ଚାୟତ ନିର୍ବାଚନର ଉଷ୍ମତା ବଢ଼ି ବଢ଼ି ଚାଲୁ ଥିବା ବେଳେ ଏବେ ପ୍ରଥିମାନେ ପ୍ରାଥିପତ୍ର ଦାଖଲ କରିଛନ୍ତି । ଆଜି ବିଜେପିର ସଂଖ୍ୟାଧିକ ଜିଲ୍ଲା ପରିଷଦ ପ୍ରାଥି ପ୍ରାଥିପତ୍ର ଦାଖଲ କରିଥିବା ବେଳେ । ସବୁଠାରୁ ଚର୍ଚ୍ଚରେ ରହିଛି ପାଟଣା ନିର୍ବାଚନ ମଣ୍ଡଳୀ ୨୧ନମ୍ବର ଜୋନର ବିଜେପି ଜିଲ୍ଲା ପରିଷଦ ପ୍ରାର୍ଥୀ ସତ୍ୟବ୍ରତ ନାୟକ। ପାଟନାର ବିଜେଡି ବିଧାୟକ ତଥା ଜିଲ୍ଲା ଯୋଜନା ବୋର୍ଡ ଅଧ୍ୟକ୍ଷ ଜଗନ୍ନାଥ ନାୟକଙ୍କ ଭାଇ ହେଉଛନ୍ତି ସତ୍ୟବ୍ରତ ନାୟକ । ସେହିପରି ତାଙ୍କ ବାପା ହେଉଛନ୍ତି ସ୍ବର୍ଗତ କାହ୍ନୁ ଚରଣ ନାୟକ ଯିଏକି, ଜନତା ଦଳର ଜଣେ ପୂର୍ବତନ ବିଧାୟକ ଥିଲେ ।
ଗତ ବିଧାନସଭା ନିର୍ବାଚନରେ ସତ୍ୟବ୍ରତ ବିଜେଡି ଟିକେଟ ପାଇଁ ଆଶାୟୀ ଥିବା ବେଳେ ଦଳ ତାଙ୍କ ସାନ ଭାଇ ଜଗନ୍ନାଥଙ୍କୁ ଟିକେଟ ଦେଇଥିଲା । ଫଳରେ ସତ୍ୟ ବିଜେଡି ଛାଡି ବିଜେପିରେ ଯୋଗ ଦେଇଥିବା ବେଳେ ବିଜେପି ଆଜି ପାଟଣା ନିର୍ବାଚନ ମଣ୍ଡଳୀର ୨୧ ନମ୍ବର ଜୋନରେ ସତ୍ୟଙ୍କୁ ଟିକେଟ ଦେଇ ଏକ ବଡ଼ ଚାଲ୍ ଖେଳିଛି ।
ନିର୍ବାଚନରେ ଗୋଟିଏ ପରିବାରର ସାନ ଭାଇ ବିଜେଡି ପାଇଁ ମଇଦାନରେ ଓହ୍ଲାଇଥିବା ବଡ ଭାଇ ବିଜେପି ପାଇଁ ପାର୍ଥି ହେବା ଏବେ ଚର୍ଚ୍ଚାର ବିଷୟ ହୋଇଛି । ସତ୍ୟଙ୍କ ବାପା କାହ୍ନୁ ନାୟକ ପରିବାରର ସହସ୍ରାଧିକ ପକେଟ ଭୋଟ ଥିବା ବେଳେ ତାହା କାହା ସପକ୍ଷରେ ଯାଉଛି ଆଗାମୀ ନିର୍ବାଚନ ଫଳାଫଳରୁ ଜଣା ପଡିବ ।