କନକ ବ୍ୟୁରୋ : ପୁଣି ଚର୍ଚ୍ଚାରେ ନେତା-ଅପରାଧୀଙ୍କ ସଂପର୍କ । ଅପରାଧୀଙ୍କ ସହ ଶାସକ ବିଜେଡିର ତୁଙ୍ଗ ନେତା ଓ ମନ୍ତ୍ରୀଙ୍କ ସଂପର୍କ ଥିବା ଅଭିଯୋଗ କରିଛି ବିଜେପି । ବିଶେଷ କରି ଗଂଜାମ ଏବଂ ବ୍ରହ୍ମପୁର ପୁଲିସ ଜିଲ୍ଲାରେ ବିଜେଡି ନେତାମାନେ ଏସ୍ପି ଆଶିଷଙ୍କୁ ଢ଼ାଲକରି ଅପରାଧିକ କାର୍ଯ୍ୟକଳାପ ଚଳାଇଛନ୍ତି ବୋଲି ଅଭିଯୋଗ କରିଛି ଭାରତୀୟ ଜନତା ପାର୍ଟି । ହତ୍ୟା ଭଳି ସଂଗୀନ ମାମଲାରେ ଅଭିଯୁକ୍ତ ଥିବା ସଂଜୟ ପାଣିଗ୍ରାହୀ ଏବଂ ଠେସା କାଳିଆ ଭଳି ଅଭିଯୁକ୍ତଙ୍କ ସହ ନେତାଙ୍କ ସଂପର୍କଥିବା ବିଜେପି ଅଭିଯୋଗ କରିଛି ।
Kanak News is now on WhatsApp
Join and get latest news updates delivered to you via WhatsApp
ଆଜି ସାମ୍ବାଦିକ ମନ୍ତ୍ରୀ ସୂର୍ଯ୍ୟନାରାୟଣ ପାତ୍ର, ପୂର୍ବତନ ମନ୍ତ୍ରୀ ପ୍ରଦୀପ ପାଣିଗ୍ରାହୀ ଏବଂ ଉଷା ଦେବୀଙ୍କ ଫେଟୋ ଦେଖାଇଛି ବିଜେପି । ଯେଉଁଥିରେ ଏହି ନେତାମାନେ ଅପରାଧୀଙ୍କ ସହ ଛିଡ଼ା ହୋଇଛନ୍ତି । ବିଜେପିର ଅଭିଯୋଗ ଉପରେ ପ୍ରତିକ୍ରିୟା ରଖିଛନ୍ତି ମନ୍ତ୍ରୀ ସୂଯ୍ୟ ପାତ୍ର । ସେ କହିଛନ୍ତି, ସେ ପ୍ରତିଦିନ ଅନେକ ଲୋକଙ୍କ ସହ ମିଶୁଛନ୍ତି । ତାଙ୍କ ଭିତରୁ କିଏ ଭଲ ଲୋକ କିଏ ଗୁଣ୍ଡା ସେ କଥା ସେ କେମିତି ଜାଣିବେ ବୋଲି ଓଲଟା ପ୍ରଶ୍ନ କରିଛନ୍ତି । ଏହାସହ ଏସପି ଆଶିଷ ସିଂଙ୍କୁ ମଧ୍ୟ ବେଶ ପ୍ରଂଶସା କରିଛନ୍ତି ସୂର୍ଯ୍ୟ । ଆଶିଷ ବ୍ରହ୍ମପୁରର ଏସପି ଭାବେ ଦାୟିତ୍ୱ ନେବା ପରେ ଜିଲ୍ଲାରେ ଅପରାଧ କମ ହୋଇଛି ବୋଲି ସେ କହିଛନ୍ତି ।