ତିର୍ତ୍ତୋଲରେ ପ୍ରଥମ ରାଉଣ୍ଡରେ ବିଜେଡି ଆଗୁଆ । ପୋଷ୍ଟାଲ ବାଲାଟ ଗଣତିରେ ୧୦୮୭ ଭୋଟରେ ବିଜୟ ଆଗୁଆ, ପୁଣି ଥରେ ଆସନ ହାତେଇବ କି ବିଜେଡି?
କନକ ବ୍ୟୁରୋ : ତିର୍ତ୍ତୋଲରେ ଦେଖିବାକୁ ମିଳିଲା ବାଲେଶ୍ୱରର ଝଲକ । ପୋଷ୍ଟାଲ ବାଲଟ ଗଣତି ଶେଷ ପରେ ତିର୍ତ୍ତୋଲରେ ବି ଆଗୁଆ ରହିଛି ବିଜେଡି । ଦଳୀୟ ପ୍ରାର୍ଥୀ ବିଜୟ ଶଙ୍କର ଦାସ ୩୮୫୨ ଭୋଟ ହାତେଇଛନ୍ତି । ବିଜେପି ପ୍ରାର୍ଥୀ ରାଜକିଶୋର ବେହେରାଙ୍କ ଠାରୁ ୧୦୮୭ ଭୋଟରେ ଆଗୁଆ ରହିଛନ୍ତି ବିଜେଡିର ବିଜୟ । ବିଜେପି ପ୍ରାର୍ଥୀ ରାଜକିଶୋର ୨୭୭୪ ଭୋଟ ପାଇଥିବା ବେଳେ କଂଗ୍ରେସ ପ୍ରାର୍ଥୀ ହିମାଂଶୁ ମଲ୍ଲିକଙ୍କୁ ମିଳିଛି ୪୪୨ ଭୋଟ ।
Kanak News is now on WhatsApp
Join and get latest news updates delivered to you via WhatsApp
୨୦୧୯ରେ ତିର୍ତ୍ତୋଲ ଆସନ ବିଜେଡି ହାତରେ ଥିବା ବେଳେ ଏହାକୁ ପୁଣିଥରେ ଅକ୍ତିଆର କରିବାକୁ ଅଣ୍ଟା ଭିଡିଥିଲା ଦଳ । ଯାହାର ଝଲକ ପ୍ରଥମ ରାଉଣ୍ଡରୁ ଦେଖିବାକୁ ମିଳିଛି । ଦଳ ପାଇଁ ଏହି ଆସନ ସମ୍ମାନର ଲଢେଇ ହୋଇଥିବା ବେଳେ ବିଜେପି ମଧ୍ୟ ଏହି ଆସନ ଅକ୍ତିଆର କରି ବିଜେଡି ବଡ ଝଟକା ଦେବାକୁ ଲକ୍ଷ୍ୟ ରଖିଛି । ଅନ୍ୟପଟେ କଂଗ୍ରେସର ନୂଆ ଚେହେରା ଲୋକଙ୍କର ଆସ୍ଥାଭାଜନ ହୋଇପାରିନଥିବା ପ୍ରଥମ ରାଉଣ୍ଡ ଫଳାଫଳରୁ ଜଣାପଡିଛି ।