କନକ ବ୍ୟୁରୋ : ପିପିଲି ପାଇଁ ଭୋଟ ଗଣତି ଚାଲିଥିବା ବେଳେ ପ୍ରତି ରାଉଣ୍ଡରେ ଆଗରେ ରହୁଛି ବିଜେଡି । ଏବେସୁଦ୍ଧା ୬ଟି ରାଉଣ୍ଡ ଗଣତି ଶେଷ ହୋଇଥିବା ବେଳେ ପୁଣି ଆଗରେ ରହିଛି ବିଜେଡି । ୬ଷ୍ଠ ରାଉଣ୍ଡରେ ୫୩୭ ଭୋଟରେ ଆଗରେ ରହିଛି ବିଜେଡି ।
Kanak News is now on WhatsApp
Join and get latest news updates delivered to you via WhatsApp
୬ଷ୍ଠ ରାଉଣ୍ଡରେ ବିଜେଡି ପ୍ରାର୍ଥୀ ରୁଦ୍ର ପ୍ରତାପ ମହାରଥୀଙ୍କୁ ୩୩୩୭ ଭୋଟ ମିଳିଥିବା ବେଳେ ବିଜେପି ପ୍ରାର୍ଥୀ ଆଶ୍ରିତ ପଟ୍ଟନାୟକଙ୍କୁ ୨୮୦୦ ଭୋଟ ମିଳିଛି । କଂଗ୍ରେସ ପ୍ରାର୍ଥୀ ଏଯାଏଁ ୩ ଅଙ୍କ ଟପି ପାରିନାହିଁ । ୬ଷ୍ଠ ରାଉଣ୍ଡରେ ବି କଂଗ୍ରେସ ପ୍ରାର୍ଥୀ ୨୩୯ଟି ଭୋଟ ପାଇଛନ୍ତି । ସେହିଭଳି ନୋଟାରେ ଏଯାଏଁ ୨୪୮ଟି ଭୋଟ ପଡିଛି ।
୬ଷ୍ଠ ରାଉଣ୍ଡ ଶେଷ ସୁଦ୍ଧା ବିଜେଡି ୨୩୪୬୨ଟି ଭୋଟ ପାଇଥିବା ବେଳେ ବିଜେପି ୧୭୧୩୮ଟି ଭୋଟ ପାଇଛି । ସେହିଭଳି କଂଗ୍ରେସକୁ ମିଳିଛି ମାତ୍ର ୧୭୮୪ଟି ଭୋଟ । ଏହାସହ ମୋଟ ୬୩୨୪ ଭୋଟରେ ବିଜେଡି ପ୍ରାର୍ଥୀ ବିଜେପି ପ୍ରାର୍ଥୀଙ୍କ ଠାରୁ ଆଗରେ ରହିବା ସହ ବିଜୟ ଆଡକୁ ମୁହାଁଇଛନ୍ତି ।
ପଞ୍ଚୟତ ନିର୍ବାଚନ ପୂର୍ବରୁ ସବୁ ଦଳ ପାଇଁ ପିପିଲି ଫଳାଫଳ ସାଜିଛି ଏସିଡ଼ ଟେଷ୍ଟ । ରୁଦ୍ର ମହାରଥୀ, ଆଶ୍ରିତ ପଟ୍ଟନାୟକ ଓ ବିଶ୍ୱକେଶନ ହରିଚନ୍ଦନଙ୍କ ମଧ୍ୟରେ ଟକ୍କର ହୋଇଥିବା ବେଳେ କିଏ ମାରିବ ମାରିବ ବାଜି, ରହିଛି ସମସ୍ତଙ୍କ ନଜର । ଭୋଟ ଗଣତି ପାଇଁ କଡ଼ା ସୁରକ୍ଷା ବ୍ୟବସ୍ଥା କରାଯାଇଛି । ତ୍ରିସ୍ତରୀୟ ସୁରକ୍ଷା ବ୍ୟବସ୍ଥା ଭିତରେ ୧୪ଟି ଟେବୁଲରେ ୨୪ ରାଉଣ୍ଡ ଗଣତି ଚାଲିଛି । ଆଉ ଏଥିପାଇଁ ୬୨ ଅଧିକାରୀ ନିୟୋଜିତ ହୋଇଛନ୍ତି ।