ଧର୍ମେନ୍ଦ୍ରଙ୍କୁ ବିଜେଡିର କାଉଣ୍ଟର । ବୁଲେଟ ଉପରେ ବିଶ୍ୱାସ କରେ ବିଜେପି, ବାଲାଟ ପେପର ଉପରେ ବିଜେଡି ।
କନକ ବ୍ୟୁରୋ: ଧର୍ମେନ୍ଦ୍ରଙ୍କୁ ବିଜେଡିର ଟାର୍ଗେଟ । ବିଜେଡି ମୁଖପାତ୍ର ସସ୍ମିତ ପାତ୍ର କହିଛନ୍ତି କି, ଧର୍ମେନ୍ଦ୍ର ବାବୁ ଜେଣ ପଳାୟନପନ୍ଥୀ ନେତା ଯିଏକି ଓଡ଼ିଶାରେ ନିର୍ବାଚନ ଲଢ଼ିବାକୁ ପଛଘୁଞ୍ଚା ଦେଇଛନ୍ତି । ଏପରିକି ୨୦୦୦ ମସିହାରେ ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ହାତ ଧରି ପ୍ରଥମଥର ନିର୍ବାଚନ ଲଢ଼ି ନିର୍ବାଚିତ ହୋଇଥିଲେ ଧର୍ମେନ୍ଦ୍ର । ଏହାପରେ ୨୦୦୪ ମଧ୍ୟ ନବୀନ ବାବୁଙ୍କ ହାତ ଧରି ବିଜୟର ସ୍ୱାଦ ଚାଖିଥିଲେ । କିନ୍ତୁ ୨୦୦୯ ମସିହାରେ ନବୀନ ବାବୁ ହାତ ଛାଡ଼ିବା ପରେ ପରାଜିତ ହୋଇଥିଲେ ଧର୍ମେନ୍ଦ୍ର ପ୍ରଧାନ । ଏହାପରେ ୨୦୧୪ ଏବଂ ଚଳିତ ନିର୍ବାଚନରେ ଲଢ଼ିବାକୁ ସାହସ ଜୁଟାଇ ପାରପାରୁନାହାନ୍ତି ଧର୍ମେନ୍ଦ୍ର ବୋଲି କହିଛନ୍ତି ସସ୍ମିତ ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ରାଜ୍ୟରେ ବର୍ତ୍ତମାନ ଆଇନ ଶୃଂଖଳା ବିପର୍ୟ୍ୟସ୍ତ ଅବସ୍ଥାରେ କହି ଧର୍ମେନ୍ଦ୍ର ବିଜେଡିକୁ ଟାର୍ଗେଟ କରିବା ପରେ ଜବାବ ରଖିଛି ବିଜେଡି । ଦଳର ମୁଖପାତ୍ର ସସ୍ମିତ ପାତ୍ର କହିଛନ୍ତି କି, ଯେଉଁ ଦଳ ଛତ୍ରପୁର ପୂର୍ବତନ ବିଜେଡି କାଉନସିଲରଙ୍କ ହତ୍ୟାଘଟଣାରେ ସମ୍ପୃକ୍ତ ଆଉ ବିଭିନ୍ନ ଗ୍ୟାଙ୍ଗଷ୍ଟର ମାନଙ୍କ ସହିତ ଖୋଦ କେନ୍ଦ୍ରମନ୍ତ୍ରୀଙ୍କ ସମ୍ପର୍କ ରାଜ୍ୟବାସୀଙ୍କୁ ବେସ୍ ଭଲଭାବେ ଜଣା । ନିକଟରେ ଟିଟୋ ଗ୍ୟାଙ୍ଗଷ୍ଟରକୁ ୨ଟି ପେଟ୍ରୋଲ ପମ୍ପ ମାଲିକାନା ଖୋଦ୍ ଧର୍ମେନ୍ଦ୍ର ବାବୁଙ୍କ ବିଭାଗ ଦେଇଥିବାନେଇ ପର୍ଦ୍ଦାଫାସ ହୋଇଥିଲା । ଏଥିରୁ କିଏ ରାଜ୍ୟର ଆଇନ ଶୃଙ୍ଖଳାକୁ ନଷ୍ଟ କରୁଛି ରାଜ୍ୟବାସୀ ବିଚାର କରିବେ ବୋଲି ବିଜେଡି ମୁଖପାତ୍ର ସସ୍ମିତ ପାତ୍ର କହିଛନ୍ତି ।