ଭୋଟ୍ ପାଇଁ ରାସନ ଲୋଭ ଦେଖାଇଲେ ଧର୍ମେନ୍ଦ୍ର, ଜବାବ ରଖିଲା ବିଜେଡି । କହିଲା, ନିର୍ବାଚନୀ ସମୟରେ ମିଥ୍ୟା ପ୍ରତିଶ୍ରୁତି ଦେଉଛନ୍ତି ଧର୍ମେନ୍ଦ୍ର ।
କନକ ବ୍ୟୁରୋ: ଭୋଟ୍ ପାଇଁ ରାସନ ଲୋଭ ଦେଖାଇଲେ ଧର୍ମେନ୍ଦ୍ର ଜବାବ ରଖିଲା ବିଜେଡି । ଦଳୀୟ ମୁଖପାତ୍ର ଲେଲିନ୍ ମହାନ୍ତି କହିଛନ୍ତି କି, ଧର୍ମେନ୍ଦ୍ର ବାବୁ କେବଳ ମିଛ କହିବ ଜାଣିଛନ୍ତି । ୫ ବର୍ଷ ହେବ ରାଜ୍ୟବାସୀଙ୍କୁ ଠକି ଚାଲିଛନ୍ତି । ଏପରିକି ଧର୍ମେନ୍ଦ୍ର ପ୍ରଧାନ ପ୍ରତିଦିନ ମିଛ ନକହିଲେ ତାଙ୍କ ପେଟରେ ଯନ୍ତ୍ରଣା ହୁଏ ବୋଲି କହି କଡ଼ା ସମାଲୋଚନା କରିଛନ୍ତି ବିଜେଡି ମୁଖପାତ୍ର ଲେଲିନ୍ ମହାନ୍ତି । ବିଜେପି ୨୨ ରାଜ୍ୟରେ କ୍ଷମତା ଡ଼ୋରୀ ସମ୍ଭାଳିଥିଲେ ମଧ୍ୟ କୋଉ ରାଜ୍ୟରେ ୧ ଟଙ୍କାରେ ଡାଲି, ଚାଉଳ ଓ ଲୁଣ, ଦେବାକଥା ଚିନ୍ତା କରିଛନ୍ତି କି?
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ୨୦୧୯ ନିର୍ବାଚନ ଚାଲୁଥିବା ସମୟରେ କେବଳ ଭୋଟ୍ ହାତେଇବାକୁ ଏଭଳି ମିଛ କଥା କହୁଛନ୍ତି ଧର୍ମେନ୍ଦ୍ର । ବିଜେପି ଇସ୍ତାହାରରେ ଏହି ପ୍ରତିଶ୍ରୁତି କାହିଁକି ଦେଲେ ନାହିଁ । ଧର୍ମେନ୍ଦ୍ର ବାବୁଙ୍କ ଏଭଳି ନିର୍ବାଚନୀ ସମରେ ଘୋଷଣା କେବଳ ଓଡ଼ିଶାର ଜନତାଙ୍କୁ ଭୂଆଁ ବୁଲାଉଛନ୍ତି ବୋଲି କହିଛନ୍ତି ଲେଲିନ୍ । ସାଢ଼େ ୪ କୋଟି ଓଡ଼ିଆଙ୍କୁ ବୋକା ଭାବି ୨୦୧୯ର ସବୁଠାରୁ ବଡ଼ ମିଛ କହିଛନ୍ତି ଧର୍ମେନ୍ଦ୍ର । ଯାହା ଏକ ପଳାୟନପନ୍ଥୀ ନେତାଙ୍କ କାର୍ଯ୍ୟ । ସେ ହାରିଯିବା ଭୟରେ ଏଭଳି ଗୁଡ଼ାଏ ମିଛ କଥା କହୁଛନ୍ତି ଧର୍ମେନ୍ଦ୍ର ବୋଲି ଜବାବ ରଖିଛି ବିଜେଡି ।
ସୂଚନାଯୋଗ୍ୟ ଯେ, ୧ କଟକ-ଚୌଦାର ପ୍ରଚାର ମୈଦାରେ ଧର୍ମେନ୍ଦ୍ର କହିଥିଲେ ଯେ, ରାଜ୍ୟରେ ବିଜେପି ସରକାର ଆସିଲେ ୧ ଟଙ୍କାରେ ମିଳିବ ଖାଦ୍ୟ ସାମଗ୍ରୀ । ୧ ଟଙ୍କାରେ ୫ କିଲୋ ଚାଉଳ, ୫୦୦ ଗ୍ରାମ ଲେଖାଏଁ ଲୁଣ ଓ ଡାଲି ଦେବାକୁ ଧର୍ମେନ୍ଦ୍ର ଘୋଷଣା କରିବାପରେ ରାଜ୍ୟ ରାଜନୀତି ଉଷ୍ମ କରିଛି । ଖାଦ୍ୟ ସୁରକ୍ଷା ଯୋଜନାରେ ଅର୍ନ୍ତଭୁକ୍ତ ଥିବା ୩.୨୬ କୋଟି ହିତାଧିକାରୀ ଉପକୃତ ହେବେ ବୋଲି ଧର୍ମେନ୍ଦ୍ର କହିବା ପରେ ଜବାବ ରଖିଛି ବିଜେଡି । ଏହାକୁ ନେଇ ରାଜ୍ୟରେ ନିର୍ବାଚନ ମାହୋଲକୁ ଅଧିକ ଉଷ୍ମ କରିଛି ।