ପେଟ୍ରୋଲ, ଡିଜେଲ ଦରବୃଦ୍ଧି ଓ ମହଙ୍ଗା ପ୍ରସଙ୍ଗକୁ ନେଇ ରାସ୍ତାକୁ ଓହ୍ଲାଇଲା ବିଜେଡି । ସାଇକେଲ ଓ ଘୋଡ଼ାଗାଡ଼ିରେ ଶୋଭାଯାତ୍ରା ।
କନକ ବ୍ୟୁରୋ : ମମିତାଙ୍କୁ ନ୍ୟାୟ ଦାବିରେ ବିରୋଧୀ ରାସ୍ତାକୁ ଓହ୍ଲାଇଛନ୍ତି । ସେପଟେ ଦରଦାମ ବୃଦ୍ଧି ପ୍ରତିବାଦରେ ରାସ୍ତାକୁ ଓହ୍ଲାଇଛି ବିଜେଡି । ଘୋଡା ଗାଡି ଓ ସାଇକେଲରେ ଶୋଭାଯାତ୍ରା କରି ରାଜଭବନ ଆଗରେ ପହଞ୍ଚିଥିଲେ ବିଜେଡି କର୍ମୀ । ରାଜଭବନ ଆଗରେ ଚୁଲି ଜାଳି ରୋଷେଇ କରି ପ୍ରତିବାଦ କରିଛି ବିଜେଡି ।
Kanak News is now on WhatsApp
Join and get latest news updates delivered to you via WhatsApp
ଗୋଟିଏ ପଟେ ମମିତା ମେହେର ମୃତ୍ୟୁ ଘଟଣାରେ ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କୁ ଟାର୍ଗେଟ କରୁଛି ବିରୋଧୀ, ଆଉ ଏପଟେ ପେଟ୍ରୋଲ ଦର ଓ ମହଙ୍ଗା ମାଡକୁ ମୁଦ୍ଦା କରି ରାସ୍ତାକୁ ଓହ୍ଲାଇଛି ବିଜେଡି । ସାଇକେଲ ଓ ଘୋଡାଗାଡିରେ ଶୋଭାଯାତ୍ରା କରି ଦଳ କହିବାକୁ ଚାହୁଁଛି ମୋଦି ସରକାରଙ୍କ ନୀତି ପାଇଁ ଆଉ ଗାଡି ଚଳାଇହେବନାହିଁ । ଏପଟେ ରାଜଭବନ ସମ୍ମୁଖରେ ଗ୍ୟାସ ଟାଙ୍କି ରଖି ଚୁଲି ଜାଳି ବିଜେଡି କର୍ମୀ ପ୍ରତିବାଦ କରିଛନ୍ତି ।
ସାଇକେଲ ଶୋଭାଯାତ୍ରା କରି ବିଜୁ ଯୁବ ଓ ମହିଳା ବିଜେଡି କର୍ମୀ ଦଳୀୟ କାର୍ଯ୍ୟାଳୟରୁ ରାଜଭବନ ପର୍ଯ୍ୟନ୍ତ ଯାଇଥିଲେ । ସେଠାରେ ବିକ୍ଷୋଭ ପ୍ରଦର୍ଶନ କରାଯାଇଥିଲା । ଏହା ପରେ ଏକ ପ୍ରତିନିଧି ଦଳ ରାଜଭବନ ଯାଇ ରାଜ୍ୟପାଳଙ୍କୁ ଭେଟି ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ସ୍ମାରକ ପତ୍ର ଦେଇଛନ୍ତି । ଦର ବୃଦ୍ଧି ପାଇଁ କେନ୍ଦ୍ରରେ ବିଜେପି ସରକାରଙ୍କୁ ଦାୟୀ କରିଛିି ବିଜୁ ଜନତା ଦଳ । ଆଗକୁ ପଞ୍ଚାୟତ ନିର୍ବାଚନ । ଆଉ ଏହି ସମୟରେ ଆଇନଶୃଙ୍ଖଳାକୁ ଢାଲ କରିଛି ବିରୋଧୀ । ଆଉ ବିଜେଡି ତେଲ ଓ ମହଙ୍ଗାମାଡକୁ ନେଇ ଆନ୍ଦୋଳନ ଆରମ୍ଭ କରିଛି ।