ବାଲେଶ୍ୱରରେ ସରିଲା ପୋଷ୍ଟାଲ ବାଲାଟ ଗଣତି । ଆରମ୍ଭରୁ ବିଜେଡି ଆଗୁଆ, ବିଜେଡି ପ୍ରାର୍ଥୀ ସ୍ୱରୁପଙ୍କୁ ମିଳିଛି ୩୪୨୭ ଭୋଟ ।
କନକ ବ୍ୟୁରୋ : ବାଲେଶ୍ୱରରେ ପୋଷ୍ଟାଲ ବାଲାଟ ଗଣତି ଶେଷ ।ଖୋଲିଲା ଇଭିଏମ, ଆରମ୍ଭ ହେଲା ଗଣତି । ପ୍ରଥମ ପୋଷ୍ଟାଲ ଗଣତିରେ ବିଜେଡି ଆଗୁଆ । ବିଜେଡି ପ୍ରାର୍ଥୀ ସ୍ୱରୁପ ଦାସ ବିଜେପି ପ୍ରାର୍ଥୀ ମାନଓ ଦତ୍ତଙ୍କ ଠାରୁ ୬୧୫ ଭୋଟରେ ଆଗୁଆ ରହିଛନ୍ତି । ମୋଟ ୭୧୮୪ ପୋଷ୍ଟାଲ ଭୋଟ ଗଣତି ହୋଇଥିବା ବେଳେ ବିଜେଡି ପ୍ରାର୍ଥୀ ସ୍ୱରୂପ ଦାସ ହାତେଇଛନ୍ତି ୩୪୨୭ଟି ଭୋଟ, ସେହିଭଳି ବିଜେପି ପ୍ରାର୍ଥୀ ମାନସ ଦତ୍ତଙ୍କୁ ମିଳିଛି ୨୮୧୨ଟି ଭୋଟ । ଅନ୍ୟପଟେ କଂଗ୍ରେସ ପ୍ରାର୍ଥୀ ମମତା କୁଣ୍ଡୁଙ୍କୁ ମିଳିଛି ୯୫୫ ଭୋଟ ।
Kanak News is now on WhatsApp
Join and get latest news updates delivered to you via WhatsApp
ପ୍ରଥମ ରାଉଣ୍ଡରେ ବିଜେଡି ଆଗୁଆ ଥିବା ବେଳେ ଇଭିଏମ ଗଣତି ପରେ ସ୍ପଷ୍ଟ ହେବ କିଏ ହେବ ବାଲେଶ୍ୱରର ବାଜିଗର । ୨୦୧୯ରେ ବିଜେପି ହାତେଇଥିବା ଏହି ଆସନକୁ ହାତେଇବାକୁ ବିଜେଡି ଜି ଜାନ୍ ଲଗାଇ ଦେଇଥିଲା । ତେବେ ଭୋଟର କାହାକୁ ନିଜର ନେତା ବାଛିଛନ୍ତି ତାହା ଏବେଠୁ କହିବା ମୁସ୍କିଲ । କାରଣ ଇଭିଏମରେ ଅଧିକ ସଂଖ୍ୟକ ଭୋଟ ପଡିଥିବାରୁ ଆଉ କିଛି ଘଣ୍ଟା ମଧ୍ୟରେ ବାଲେଶ୍ୱର ବାଜି କିଏ ଜିତିବ ତାହା ସ୍ପଷ୍ଟ ହେବ ।