ସୋସିଆଲ ମିଡିଆରେ ବିଜେଡି-ବିଜେପି ଲଢ଼େଇ: ରାଜ୍ୟ ସରକାରଙ୍କୁ ପୁଣି ଧର୍ମେନ୍ଦ୍ରଙ୍କ ଟାର୍ଗେଟ
କନକ ବ୍ୟୁରୋ: ସୋସିଆଲ ମିଡିଆରେ ଜୋର ଧରିଛି ବିଜେଡି-ବିଜେପି ଲଢେଇ । ଲୋକଙ୍କ ମୌଳିକ ସମସ୍ୟାକୁ ନେଇ ରାଜ୍ୟ ସରକାରଙ୍କୁ ଟାର୍ଗେଟ କରୁଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଧର୍ମେନ୍ଦ୍ରଙ୍କ ଅଭିଯୋଗ ପରେ ପାଲଟା ପ୍ରଶ୍ନ କରିଥିଲେ । ବିଜେଡି । ତେବେ ପ୍ରଚାର ପାଇଁ ସୋସିଆଲ ମିଡିଆ ଏବେ ବଡ ମାଧ୍ୟମ ପାଲିଟିଛି । ଚାଲିଛି ଆକ୍ଷେପ-ପ୍ରତିଆକ୍ଷେପର ପର୍ବ ।
Kanak News is now on WhatsApp
Join and get latest news updates delivered to you via WhatsApp
ସ୍ୱଚ୍ଛ ପିଇବା ପାଣି, ସ୍ୱାସ୍ଥ୍ୟ ସମସ୍ୟାକୁ ନେଇ ବର୍ଷିବା ପରେ ସୋସିଆଲ ମିଡିଆରେ ପୋଷ୍ଟ କରି ପୁଣି ରାଜ୍ୟ ସରକାରଙ୍କୁ ଟାର୍ଗେଟ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଖଣିଜ ପାଣ୍ଠି ବ୍ୟବସ୍ଥାକୁ ନେଇ ରାଜ୍ୟ ସରକାରଙ୍କୁ ଟାର୍ଗେଟ୍ କରିଛନ୍ତି ଧର୍ମେନ୍ଦ୍ର ପ୍ରଧାନ । କେନ୍ଦ୍ରମନ୍ତ୍ରୀ ଲେଖିଛନ୍ତି, ମୋଦୀ ସରକାର ଜିଲ୍ଲା ଖଣିଜ ପାଣ୍ଠି ଯୋଜନାରେ ସୁନ୍ଦରଗଡ଼କୁ ୬ହଜାର ୪୦୫ କୋଟି ଟଙ୍କା ଆସିଥିବା ବେଳେ ସେଥିରୁ ମାତ୍ର ୮୬୦ କୋଟି ଟଙ୍କା ବ୍ୟୟ ହୋଇଛି । ଜିଲ୍ଲା ଖଣିଜ ପାଣ୍ଠି ଅର୍ଥରେ ରାଉରକେଲା ପୁଲିସ୍ ଇନୋଭା ଗାଡ଼ି କିଣୁଛି । ଏହାସହ ସୁନ୍ଦରଗଡ଼ ସର୍କିଟ ହାଉସର ପାଚେରୀ ନିର୍ମାଣ ହେଉଥିବା ବେଳେ ଲହୁଣିପଡ଼ା ବ୍ଲକ ଅନ୍ତର୍ଗତ ବଡ଼ପୁରୁଣାପାଣି ପଂଚାୟତ କପଣ୍ଡ ଗ୍ରାମରେ ରାସ୍ତା ନିର୍ମାଣ ହୋଇପାରୁନାହିଁ । ଯେଉଁଥିପାଇଁ ଗ୍ରାମବାସୀ ନିଜେ ରାସ୍ତା ନିର୍ମାଣ କରୁଛନ୍ତି, ଯାହା କ୍ଷୋଭ ଓ ପରିତାପର ବିଷୟ ବୋଲି କେନ୍ଦ୍ରମନ୍ତ୍ରୀ ଲେଖିବା ସହ ସେହି ସମୟର ଏକ ଫଟୋ ପୋଷ୍ଟ କରିଛନ୍ତି । ତେବେ ସରକାର ତଥା ଜିଲ୍ଲା ପ୍ରଶାସନ ନିଜ ଦାୟିତ୍ୱରୁ ଓହରିଯିବା କେତେଦୂର ଯୁକ୍ତିଯୁକ୍ତ ବୋଲି ପ୍ରଶ୍ନ କରିଛନ୍ତି ଧର୍ମେନ୍ଦ୍ର ପ୍ରଧାନ ।
ଶନିବାର ଢ଼େଙ୍କାନାଳ ଓ କଟକରେ ଆୟୋଜିତ ମିଶ୍ରଣ ପର୍ବରେ ଯୋଗ ଦେଇ ରାଜ୍ୟ ସରକାରଙ୍କ ଉପରେ ବର୍ଷିଥିଲେ ଧର୍ମେନ୍ଦ୍ର । ଲୋକଙ୍କ ମୌଳିକ ସମସ୍ୟା ପୂରଣ କରିବାରେ ରାଜ୍ୟ ସରକାର ବିଫଳ ହୋଇଥିବା କହିଥିଲେ । ଧର୍ମେନ୍ଦ୍ରଙ୍କ ଅଭିଯୋଗ ପରେ ପାଲଟା ପ୍ରଶ୍ନ କରିଥିଲେ ବିଜେଡି ସାଂସଦ ।
ନିର୍ବାଚନ ସମୟରେ ସବୁ ରାଜନୈତିକ ଦଳର ନେତାଙ୍କ ପାଇଁ ପ୍ରଚାରର ମାଧ୍ୟମ ସାଜିଛି ବିଭିନ୍ନ ସୋସିଆଲ ମିଡିଆ ପ୍ଲାଟଫର୍ମ । ତେବେ କେବଳ ପ୍ରଚାରର ମାଧ୍ୟମ ନୁହେଁ ବିରୋଧୀଙ୍କୁ କାଉଁଟର କରିବାକୁ ମଧ୍ୟ ସୋସିଆଲ ମିଡିଆ ମାଧ୍ୟମ ସାଜିଛି । ବିଭିନ୍ନ ପ୍ରକାର ଲେଖା ଓ ଭିଡିଓ ପୋଷ୍ଟ କରି ପରସ୍ପର ପରସ୍ପରକୁ ଆକ୍ଷେପ ପ୍ରତି ଆକ୍ଷେପ କରୁଛନ୍ତି । ସମ୍ବଲପୁର ସଂସଦୀୟ କ୍ଷେତ୍ରରେ ଏହା ଅଧିକ ମାତ୍ରାରେ ଦେଖାଯାଉଥିବା କୁହାଯାଉଛି । ଅଭିଯୋଗ ଅନୁସାରେ ସୋସିଆଲ ମିଡିଆ ଏକ୍ସ, ଫେସବୁକ ଏବଂ ଇନଷ୍ଟାଗ୍ରାମ ଭଳି ପ୍ଲାଟଫର୍ମରେ ପ୍ରାୟ ହଜାରେରୁ ଅଧିକ ଫେକ୍ ଆକାଉଂଟ ଖୋଲାଯାଇଛି । ସେହିସବୁ ଆକାଉଣ୍ଟରୁ ବିରୋଧୀଙ୍କୁ ଟାର୍ଗେଟ କରି ଭିଡିଓ ଓ ପୋଷ୍ଟର ଛଡା ଯାଉଛି । ଯାହା ଆଗକୁ ଆହୁରି ଅଧିକ ହେବାର ସମ୍ଭାବନା ଥିବା ଆଶଙ୍କା କରିଛନ୍ତି ଯୁବ ଭୋଟର ।
ସୋସିଆଲ ମିଡିଆରେ ଆରମ୍ଭ ହୋଇଥିବା ଏହି ଲଢ଼େଇ ଏବେ ଚର୍ଚ୍ଚାର ବିଷୟ ହୋଇଛି । ସମ୍ବଲପୁର ନିର୍ବାଚନମଣ୍ଡଳୀରେ ପ୍ରାୟ ୩୦ପ୍ରତିଶତ ଯୁବ ଭୋଟର ଅଛନ୍ତି । ଏଥିସହ ପାଖାପାଖି ୫୫ପ୍ରତିଶତରୁ ଅଧିକ ଲୋକ ସୋସିଆଲ ମିଡିଆରେ ସକ୍ରିୟ ଅଛନ୍ତି । ତେଣୁ ଏହି ବର୍ଗକୁ ଟାର୍ଗେଟି ରାଜନୈତିକ ଦଳମାନେ ଏଭଳି ରଣନୀତି ଆପଣାଇଥିବା କୁହାଯାଉଛି ।