ଶ୍ରୀଜଗନ୍ନାଥଙ୍କ ଜମି ବିକ୍ରି ପ୍ରସଙ୍ଗକୁ ନେଇ ଆରମ୍ଭ ହେଲା ବିଜେଡି-ବିଜେପି କଳି । ବିଜେପି କହିଲା ମହାପାପ କରିଛନ୍ତି ସରକାର, ଜବାବ ରଖିଲା ବିଜେଡି ।
କନକ ବ୍ୟୁରୋ: ଶ୍ରୀଜଗନ୍ନାଥଙ୍କ ଜମି ବିକ୍ରି ପ୍ରସଙ୍ଗକୁ ନେଇ ଆରମ୍ଭ ହୋଇଛି ବିଜେପି-ବିଜେଡି କଳି । ବିଜେପି ଏହି ଘଟଣାକୁ ନେଇ ଶାସକ ଦଳକୁ ଘେରିଥିବାବେଳେ ବିଜେଡି ମଧ୍ୟ ଏହାର ଜବାବ ରଖିଛି । ଏହି ଜମି ବିକ୍ରି କରି ରାଜ୍ୟ ସରକାର ମହାପାପ କରିଥିବା ବିଜେପି କହିଥିବାବେଳେ, ନିଜ ରାଜନୈତିକ ଅଭିସନ୍ଧି ରଖି ବିଜେପି ଏପରି କରୁଥିବା ଜବାବ ରଖିଛି ବିଜେଡି ।
Kanak News is now on WhatsApp
Join and get latest news updates delivered to you via WhatsApp
ବିଜେପି ରାଜ୍ୟ ସାଧାରଣ ସମ୍ପାଦିକା ଲେଖାଶ୍ରୀ ସାମନ୍ତସିଂହାର କହିଛନ୍ତି ଯେ, ରାଜ୍ୟ ସରକାର ଶ୍ରୀଜଗନ୍ନାଥଙ୍କର ପାଖାପାଖି ୩୫ ହଜାର ଏକର ଜମି ବିକ୍ରି କରିବାର ପ୍ରକ୍ରିୟା ଆରମ୍ଭ କରିବା ଦୁର୍ଭାଗ୍ୟଜନକ ଓ ନିନ୍ଦନୀୟ । ଏହା କରି ରାଜ୍ୟ ସରକାର ମହାପାପ କରିଛନ୍ତି । ଖୋଦ୍ ଆଇନ୍ ମନ୍ତ୍ରୀ ପ୍ରତାପ ଜେନା ଏହି ଜମି ବିକ୍ରି କରିବା କଥା ବିଧାନସଭାରେ କହିଥିଲେ ବୋଲି ଲେଖାଶ୍ରୀ କହିଛନ୍ତି । ତେବେ ରାଜ୍ୟ ସରକାର ଓଡିଆଙ୍କ ଅସ୍ମିତାକୁ କ୍ଷୁର୍ଣ୍ଣ କରିବାର ଅପଚେଷ୍ଟା ବନ୍ଦ କରନ୍ତୁ । ନଚେତ୍ ଆଗାମୀ ଦିନରେ ବିଜେପି ରାଜରାସ୍ତାରେ ଆନ୍ଦୋଳନ କରିବା ସହିତ ଆଇନଗତ ପଦକ୍ଷେପ ଗ୍ରହଣ କରିବ ବୋଲି ଲେଖାଶ୍ରୀ ଚେତାବନୀ ଦେଇଛନ୍ତି ।
ଅନ୍ୟପଟେ ନିଜ ରାଜନୈତିକ ଅଭିସନ୍ଧି ରଖି ପିପିଲି ଉପ ନିର୍ବାଚନ ପାଇଁ ଲେଖାଶ୍ରୀ ଭୁଲ ତଥ୍ୟ ଦେଉଥିବା ଜବାବ ରଖିଛି ବିଜେଡି । ପ୍ରଭୁ ଶ୍ରୀଜଗନ୍ନାଥଙ୍କର କୌଣସି ଜମି ବିକ୍ରି କରିବାର ଯୋଜନା ନାହିଁ । ତେଣୁ ଜଗନ୍ନାଥ ସଂସ୍କୃତିକୁ ଅପମାନ କଲାଭଳି ମନ୍ତବ୍ୟ ଦେବା ଲେଖାଶ୍ରୀ ବନ୍ଦ କରନ୍ତୁ ବୋଲି ବିଜେଡି ମୁଖପାତ୍ର ଇପସିତା ସାହୁ କହିଛନ୍ତି ।
ଏପଟେ ଏହି ଘଟଣାକୁ ନେଇ ଶ୍ରୀମନ୍ଦିର ମୁଖ୍ୟ ପ୍ରଶାସକ ମଧ୍ୟ ଗଣମାଧ୍ୟମ ଆଗରେ ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି, ଶ୍ରୀଜଗନ୍ନାଥଙ୍କର ୩୫ ଏକର ଜମି ବିକ୍ରି କରିବା ଖବର ମିଛ । ଯେଉଁ ଜମିଗୁଡିକୁ ଅକ୍ତିଆର୍ କରାଯାଇଛି ତାହା ବର୍ଷ ବର୍ଷ ଧରି ଚାଲିଥିବା ଆଇନଗତ ପ୍ରକ୍ରିୟାରେ ହୋଇଛି । ୨୦୦୩ ମସିହାରେ ତିଆରି ହୋଇଥିବା ଜଗନ୍ନାଥ ଜମି ସୁରକ୍ଷା ଯୋଜନାରେ ଏହା କରାଯାଇଛି । ୨୦୦୧ରୁ ୨୦୧୦ ମଧ୍ୟରେ ୨୯୧ ଏକର ଏବଂ ୨୦୧୧ରୁ ୨୦୨୧ ମଧ୍ୟରେ ୯୬ ଏକର ଜମି ଯୋଗ୍ୟ ବ୍ୟକ୍ତିଙ୍କୁ ଦିଆଯାଇଛି ବୋଲି କ୍ରିଷନ କୁମାର ଗଣମାଧ୍ୟମକୁ ସୂଚନା ଦେଇଛନ୍ତି ।