ଭୁବନେଶ୍ୱର ବ୍ୟୁରୋ , କନକ ନ୍ୟୁଜ୍ : କେନ୍ଦ୍ରମନ୍ତ୍ରୀଙ୍କୁ ମାଡ ଘଟଣାରେ ରାଜ୍ୟପାଳଙ୍କ ନିକଟରେ ସ୍ମାରକପତ୍ର ଦେଲା ବିଜେପି । ଏହି ଘଟଣାର ରାଜ୍ୟପାଳଙ୍କ ହସ୍ତକ୍ଷେପ ଦାବି କରି ସ୍ମାରକ ପତ୍ର ପ୍ରଦାନ କରିଛି ବିଜେପି । ବରିଷ୍ଠ ନେତା ପ୍ରତାପ ଷଡ଼ଙ୍ଗୀଙ୍କ ନେତୃତ୍ୱରେ ରାଜ୍ୟପାଳଙ୍କୁ ଭେଟିଛି ବିଜେପି । ଘଟଣା ସଂପର୍କରେ ରାଜ୍ୟପାଳଙ୍କୁ ସଂପୂର୍ଣ୍ଣ ଅବଗତ କରାଯାଇଥିବା କହିଛନ୍ତି ବିଜେପି ସାଧାରଣ ସଂପାଦକ ଭୃଗୁ ବକ୍ସି ପାତ୍ର ।
Kanak News is now on WhatsApp
Join and get latest news updates delivered to you via WhatsApp
ସେପଟେ ବିଜେଡି କର୍ମୀଙ୍କ ଆକ୍ରମଣକୁ ନିନ୍ଦା କରିବା ସହ ଘଟଣାର ଏକ ସ୍ୱତନ୍ତ୍ର ଟିମ୍ ଜରିଆରେ ତଦନ୍ତ କରିବା ପାଇଁ କେନ୍ଦ୍ର ଗୃହ ସଚିବଙ୍କୁ ଚିଠି ଲେଖିଛନ୍ତି ବରିଷ୍ଠ ବିଜେପି ନେତା ବିଜୟ ମହାପାତ୍ର । ବରଗଡ ଏସପି ଓ ପୋଲିସ ଡିଜିଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ସେ ଚିଠିରେ ଲେଖିଛନ୍ତି । ବିକ୍ଷୋଭକାରୀଙ୍କୁ ପୋଲିସ ସୁରକ୍ଷା ଯୋଗାଇ ଦେଉଥିବା ଅଭିଯୋଗ କରି ପୂରା ଘଟଣାର କେନ୍ଦ୍ରୀୟ ତଦନ୍ତ ପାଇଁ ଦାବି କରିଛନ୍ତି ବିଜୟ ମହାପାତ୍ର ।
ବରଗଡରେ କେନ୍ଦ୍ରମନ୍ତ୍ରୀଙ୍କ ଗାଡି ଭଙ୍ଗାରୁଜା ଘଟଣାରେ ସିବିଆଇ ତଦନ୍ତ ଦାବି କରିଛନ୍ତି ବରିଷ୍ଠ ବିଜେପି ନେତା ସୁରେଶ ପୂଜାର । ଏହା ପଛରେ ଏକ ଷଡଯନ୍ତ୍ର ଥିବା ଅଭିଯୋଗ କରିଛି ବିଜେପି । ଏନେଇ ସିଧାସଳଖ ତୃତୀୟ ମହଲାକୁ ସେ ଟାର୍ଗେଟ କରିଛନ୍ତି । ବିଧାୟକ , ଜିଲ୍ଳାପାଳ, ଏସପି ଓ ମୁଖ୍ୟମନ୍ତ୍ରୀଙ୍କ ଅଫିସ ମିଳିତ ଭାବେ ଏହି ଷଡଯନ୍ତ୍ର କରିଥିବାର ଅଭିଯୋଗ ଆଣିଛନ୍ତି । ଏପରିକି ପୁଲିସ ଜାଣିଶୁଣି କେନ୍ଦ୍ରମନ୍ତ୍ରୀଙ୍କୁ ଭିଡ ଭିତରକୁ ନେଲା ବୋଲି ସେ କହିଛନ୍ତି ।