ଶିମିଳିପାଳ ନିଆଁ ପାଇଁ ନେତାଙ୍କ ଚିନ୍ତା । ବିଜେଡି କହିଲା ନିଆଁ ଲିଭାଇବା ପାଇଁ ଚାଲିଛି ପ୍ରୟାସ, ବିଜେପି ସାଂସଦଙ୍କୁ ଭେଟିବା ପରେ ବିଶେଷଜ୍ଞ ଟିମ ପଠାଇବାକୁ କେନ୍ଦ୍ରମନ୍ତ୍ରୀଙ୍କ ପ୍ରତିଶ୍ରୁତି ।
କନକ ବ୍ୟୁରୋ : ଶିମିଳିପାଳ ଜଳୁଥିବା ବେଳେ ଏବେ ଏହାକୁ ନେଇ ରାଜନୈତିକ ଉଷ୍ମତା ବଢିବାରେ ଲାଗିଛି । ବିଜେପି ଏଥିପାଇଁ ସରକାରଙ୍କୁ ସମ୍ପୂର୍ଣ୍ଣ ରୂପେ ଦାୟୀ କରିବା ସହ ଏହାର ଉଚ୍ଚସ୍ତରୀୟ ତଦନ୍ତ ପାଇଁ ଦାବି କରିଛି । ତେବେ ଏସବୁ ଭିତରେ ବିଜେଡି ସାଂସଦ ସସ୍ମିତ ପାତ୍ର ଟ୍ୱିଟ୍ କରି କହିଛନ୍ତି, ନିଆଁ ଲିଭାଇବା ପାଇଁ ସରକାରଙ୍କ ଟାସ୍କଫୋର୍ସ ପ୍ରୟାସ ଜାରି ରଖିଛି । ହଜାରେରୁ ଅଧିକ ବନ କର୍ମଚାରୀ, ଓଡ଼୍ରାଫ ଟିମ୍ ଓ ଅଗ୍ନିଶମ କର୍ମଚାରୀ ନିଆଁଲିଭା କାର୍ଯ୍ୟରେ ନିୟୋଜିତ ଅଛନ୍ତି । ଗ୍ରାଉଣ୍ଡରେ ବିଜେଡିର ସ୍ୱେଚ୍ଛାସେବୀ ମଧ୍ୟ ନିଆଁ ଲିଭା କାର୍ଯ୍ୟରେ ସହଯୋଗ କରୁଛନ୍ତି । ଦିନରାତି ଏହି କାର୍ଯ୍ୟ ଜାରି ରହିଛି ।
Kanak News is now on WhatsApp
Join and get latest news updates delivered to you via WhatsApp
Odisha Govt alongwith its Task Force is working tirelessly 24×7 to control and eliminate the fire in Simlipal. The BJD volunteers on ground and working in tandem to douse the fire. Thousands of Forest Officials, ODRAF Personnel, Fire Services are at work. #BJDWithSimilipal
— Dr. Sasmit Patra I ଡ଼ଃ ସସ୍ମିତ ପାତ୍ର (@sasmitpatra) March 10, 2021
ସେହିଭଳି ବିଜେଡିର ସାଧାରଣ ସମ୍ପାଦକ ପ୍ରଣବ ପ୍ରକାଶ ଦାଶ ଟ୍ୱିଟ୍ କରି କହିଛନ୍ତି, ଶିମିଳିପାଳ ସମଗ୍ର ଦେଶର ସମ୍ପତ୍ତି । ଏହାର ସୁରକ୍ଷା ଆମ ସମସ୍ତଙ୍କର ଦାୟିତ୍ୱ । ସରକାର ଓ ବିଜୁ ଜନତା ଦଳର ଯୁବ, ମହିଳା ଓ ଛାତ୍ର ନିଆଁ ଲିଭାଇବା ଦିଗରେ ଦିନରାତି କାମ କରୁଛନ୍ତି । ଏପରିକି ଆସନ୍ତାକାଲି ଠାରୁ ସେ ନିଜେ ଏହି ଅଭିଯାନରେ ସାମିଲ ହେବାକୁ କହିଛନ୍ତି ।
ଶିମିଳିପାଳ ସମଗ୍ର ଦେଶର ସମ୍ପତ୍ତି | ଏହାର ସୁରକ୍ଷା ଆମ ସମସ୍ତଙ୍କ ଦାୟିତ୍ଵ | ସରକାର ଏବଂ ବିଜୁ ଜନତା ଦଳର ଯୁବ, ମହିଳା ଓ ଛାତ୍ର ନିଆଁ ଲିଭାଇବାରେ ଦିବାରାତ୍ର କାର୍ଯ୍ୟରତ ଅଛନ୍ତି | ଆସନ୍ତାକାଲି ମୁଁ ବି ଆସୁଛି ମୟୁରଭଞ୍ଜ | ବନାଗ୍ନି ନିୟନ୍ତ୍ରଣ କାର୍ଯ୍ୟରେ ସାମିଲ ହେବାକୁ ଆପଣଙ୍କ ସହଯୋଗ କାମନା କରୁଛି| #BJDWithSimilipal
— Pranab Prakash Das (@pranabpdas) March 10, 2021
ଅନ୍ୟପଟେ ଦିଲ୍ଲୀ ଦରବାରରେ ଉଠିଛି ଓଡ଼ିଶାରେ ଜଙ୍ଗଲ ଜଳିବା ପ୍ରସଙ୍ଗ । ଶିମିଳିପାଳ ଜଙ୍ଗଲ ଜଳିବା ସମସ୍ୟାକୁ ନେଇ ରାଜ୍ୟ ବିଜେପିର ୯ଜଣିଆ ସଂସଦୀୟ ପ୍ରତିନିଧି ମଣ୍ଡିଳୀ କେନ୍ଦ୍ରମନ୍ତ୍ରୀଙ୍କୁ ଭେଟିଛନ୍ତି । ଓଡ଼ିଶା ନେତା ଜଙ୍ଗଲ ଓ ପରିବେଶ ମନ୍ତ୍ରୀ ପ୍ରକାଶ ଜାଭେଡ଼କରଙ୍କୁ ଭେଟି ଆପତ୍ତି ଜଣାଇଛନ୍ତି । ତେବେ ଘଟଣା ସମ୍ପର୍କରେ ଅନୁଧ୍ୟାନ ପାଇଁ ଏକ ଟିମ୍ ପଠାଇବାକୁ ରାଜ୍ୟ ନେତାମାନେ ଦାବି କରିଥିଲେ । ଏନେଇ ପଦକ୍ଷେପ ପାଇଁ ପ୍ରତିଶ୍ରୁତି ଦେଇଛନ୍ତି କେନ୍ଦ୍ରମନ୍ତ୍ରୀ । ସେପଟେ କାମ୍ପା ଫଣ୍ଡରେ ରାଜ୍ୟ ବନୀକରଣ ପାଇଁ ୬ହଜାର କୋଟି ଟଙ୍କା ଦିଆଯାଇଥିଲା । ହେଲେ ଏଥିରେ ବ୍ୟାପକ ଦୁର୍ନିତି ହୋଇଥିବା ଅଭିଯୋଗ କରିଛନ୍ତି ବିଜେପି ସାଂସଦ ସୁରେଶ ପୁଜାରୀ । ଏହାର ତଦନ୍ତ କରାଯାଉ ବୋଲି ସେ କହିଛନ୍ତି ।
Today Sh. @dpradhanbjp & other MP’s from Odisha met me regarding Forest Fire in #SimlipalNationalPark & nearby.@moefcc is sending a committee of experts to Odisha to give technical advise &help out state forest dept. in effective management of forest fire incidents in the region pic.twitter.com/I0zEh5YCaL
— Prakash Javadekar (@PrakashJavdekar) March 10, 2021
ବିଜେପିର ସଂସଦୀୟ ପ୍ରତିନିଧିଙ୍କୁ ଭେଟିବା ପରେ କେନ୍ଦ୍ର ଜଙ୍ଗଲ ଓ ପରିବେଶ ମନ୍ତ୍ରୀ ପ୍ରକାଶ ଜାଭେଡ଼କର ଟ୍ୱିଟ୍ କରି କହିଛନ୍ତି, କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ନେତୃତ୍ୱରେ ବିଜେପି ସାଂସଦ ମାନେ ତାଙ୍କୁ ଜଙ୍ଗଲ ଜଳିବା ପ୍ରସଙ୍ଗରେ ଭେଟିଥିବା ସେ ଉଲ୍ଲେଖ କରିଛନ୍ତି । ତେଣୁ ଖୁବ୍ ଶୀଘ୍ର ଏକ ବିଶେଷଜ୍ଞ ଦଳ ଓଡ଼ିଶା ଆସି ପରାମର୍ଶ ଓ ସହାୟତା ଯୋଗାଇଦେବେ ବୋଲି ସେ ସୂଚନା ଦେଇଛନ୍ତି ।